.jpg)
អង្គការសប្បុរសធម៌មួយ ដែលធ្វើយុទ្ធនាការប្រឆាំងនឹងការប្រមាញ់បាឡែន និងដូហ្វូន បានចាត់ទុកប្រពៃណីនេះជាទង្វើឃោរឃៅ។
ក្រុងកូប៉ិនហាក៖ កោះហ្វារ៉ូ ដែនដីស្វយ័តរបស់ដាណឺម៉ាក បានឱ្យដឹងកាលពីថ្ងៃព្រហស្បតិ៍ថា ខ្លួននឹងពិចារណាចំពោះប្រពៃណីប្រមាញ់ត្រីដូហ្វីន ក្រោយពីបានសម្លាប់ពួកវាជាង ១ ៤០០ ក្បាលកាលពីសប្ដាហ៍កន្លងទៅ ដែលបង្កជាការរីះគន់យ៉ាងខ្លាំង។
នាយករដ្ឋមន្ដ្រីប្រចាំដែនកោះភាគខាងជើង Bardur a Steig Nielsen បានឱ្យដឹងក្នុងសេចក្ដីថ្លែងការណ៍ថា៖ «រដ្ឋាភិបាលបានសម្រេចចាប់ផ្ដើមសិក្សាពីច្បាប់ស្ដីពីការប្រមាញ់ដូហ្វីនខ្លួនចំហៀងពណ៌សនៅតំបន់អាត្លង់ទិក»។
លោកបានបន្ដថា៖ «ថ្វីដ្បិតតែការប្រមាញ់នេះត្រូវបានចាត់ទុកជាទម្លាប់យ៉ាងណាក៏ដោយ ក៏យើងនឹងពីនិត្យមើលយ៉ាងយកចិត្ដទុកដាក់ចំពោះការសម្លាប់ដូហ្វីន និងថា តើពួកវាមានសារសំខាន់អ្វីខ្លះចំពោះសង្គមហ្វារ៉ូយើង»។
រូបភាពការប្រមាញ់ពពួកមច្ឆាខ្នាតធំ រាប់សិបក្បាល បង្កជាឈាមក្រហមច្រលានៅឆ្នេរសមុទ្រ។ AFP
មតិរិះគន់ត្រូវបានធ្វើឡើងក្រោយមានការពិឃាតដូហ្វីនជាង ១៤០០ក្បាលកាលពីថ្ងៃសៅរ៍ នូវអ្វីដែលត្រូវបានជឿថា ជាការប្រមាញ់ដ៏ធំបំផុតត្រឹមតែរយៈពេលមួយថ្ងៃនៅដែនកោះភាគខាងជើងអាត្លង់ទិក។
តាមប្រពៃណី ប្រជុំកោះហ្វារ៉ូ ដែលមានប្រជាជនប្រមាណ ៥ម៉ឺននាក់ ប្រមាញ់បាឡែនពីឡុត ក្នុងទម្លាប់ដែលហៅថា «grindadrap» ដោយក្រុមប្រមាញ់ឡោមព័ទ្ធត្រីបាឡែនជាមួយទូកនេសាទរាងមូលពាក់កណ្ដាល រួមទាំងកៀងចូលខាង ដើម្បីពិឃាតតែម្ដង។
ជាទូទៅ បាឡែនពីឡុតប្រមាណ ៦០០ក្បាលត្រូវបានប្រមាញ់រៀងរាល់ឆ្នាំទៅតាមវិធីសាស្ដ្រប្រពៃណីនេះ។
រូបភាពឆ្នាំ ២០១៩ ការប្រមាញ់ពពួកមច្ឆាខ្នាតធំ រាប់សិបក្បាល បង្កជាឈាមក្រហមច្រលានៅឆ្នេរសមុទ្រ។ AFP
ប៉ុន្ដរូបភាពជាច្រើនសន្លឹកបង្ហាញពីត្រីដូហ្វីន នៅលើដៃសមុទ្រមួយកន្លែងក្បែរ Skala ភាគកណ្ដាលដែនកោះកាលពីថ្ងៃអាទិត្យ បានបង្កជាការរីះគន់លើបណ្ដាញសង្គម។
Sea Shepherd ជាអង្គការសប្បុរសធម៌មួយ ដែលធ្វើយុទ្ធនាការប្រឆាំងនឹងការប្រមាញ់បាឡែន និងដូហ្វូន បានចាត់ទុកប្រពៃណីនេះជាទង្វើឃោរឃៅ។
ប្រធានអង្គការ លោក អាឡេច ខូណេលីសសេន បានឱ្យដឹងក្នុងសេចក្ដីថ្លែងការណ៍កាលពីថ្ងៃព្រហស្បតិ៍ថា៖ «បើយើងបានរៀនសូត្រអ្វីខ្លះពីវិបត្ដិកូវីដនេះ គឺយើងត្រូវរស់ដោយសុខុដមរម្យនាជាមួយធម្មជាតិជាជាងការបំផ្លិចបំផ្លាញ»៕ AFP/HR
ជាទូទៅ បាឡែនពីឡុតប្រមាណ ៦០០ក្បាលត្រូវបានប្រមាញ់រៀងរាល់ឆ្នាំទៅតាមវិធីសាស្ដ្រប្រពៃណីនេះ។
ជាទូទៅ បាឡែនពីឡុតប្រមាណ ៦០០ក្បាលត្រូវបានប្រមាញ់រៀងរាល់ឆ្នាំទៅតាមវិធីសាស្ដ្រប្រពៃណីនេះ។
