.jpg)
សោម៉ាវត្តី សុខចិត្តទៅជួយកំដរម្ចាស់ចិត្តបុរសសង្ហា លី វ៉ាហេដ ពេលថតស្ប៉ត។ តារាស្រី និងពិធីការិនី សុខ សោម៉ាវត្តី។ រូបថត ហ្វេសប៊ុក
ភ្នំពេញៈ ក្រោយពីព្រមទទួលសម្ព័ន្ធស្នេហ៍ពីកំលោះរូបសង្ហា កីឡាករបាល់ទាត់ លី វ៉ាហេដ មិនបានប៉ុន្មានខែផងនោះ ស្រាប់តែតារាសម្តែងស្រី និងពិធីការិនីមេម៉ាយកូន ១ ដែលមានរូបឆោមលោមពណ៌កាន់តែស្រស់ សុខ សោម៉ាវត្តី ចាប់ផ្តើមប្រែក្លាយជាអ្នកនៅពីក្រោយខ្នងបុរសជោគជ័យ។
នេះបើតាមការរៀបរាប់ជាសារបែបលេងសើចរបស់ស្រីស្រស់មេម៉ាយកូន ១ តែរូបសម្រស់កាន់ផូរផង់ ស្រស់ស្អាត សុខ សោម៉ាវត្តី បានបង្ហើបពីការឆ្លៀតពេលទៅកំដរ និងជួយម្ចាស់ចិត្តនាពេលថតស្ប៉តពាណិជ្ជកម្មឱ្យក្រុមហ៊ុនភេសជ្ជៈ M150 ពេលថ្មីៗនេះថា៖ «នៅពីក្រោយភាពស្អាតរបស់ខ្ញុំម្សិលមិញ គឺទៅធ្វើការឱ្យគេទេណាបងប្អូន ជូតញើស តប់មុខ អីអ៊ីចឹង ដូចគេថានៅពីក្រោយមនុស្សប្រុសល្អ ត្រូវមាន-មនុស្សស្រីពូកែម្នាក់!តែនៅពីក្រោយពូ ហេដ មានតែយាយម៉ាប់តីពូកែរអ៊ូហ្នឹងទេ!ឥឡូវសុំសួរថាយកអត់?»។
តារាសម្តែងស្រី និងពិធីការិនីទូរទស្សន៍ អ្នកនាង សុខ សោម៉ាវត្តី ក៏បញ្ជាក់សារស្តីពីការព្រមទទួលគ្រប់យ៉ាងជាជម្រើសរបស់ខ្លួន និងការតាំងចិត្តចំពោះបច្ចុប្បន្នភាពផងដែរថា៖ «ឥឡូវដែលអ្នកដើរមិនប្រាកដថាត្រូវទាំងអស់ទេ! តែឈប់សុំសួរមួយ អ្នកច្បាស់ហើយថា ដួលផ្លូវនេះហើយគ្មានការតាំងចិត្តដើរផ្លូវថ្មីទៀត កុំទាន់បាក់ទឹកចិត្តណា បន្តដើរទាល់តែអស់សមត្ថភាព ថាមិនត្រូវ ចប់ពី Sad អាចញញឹមស្រស់ជាង ចែ តី នាពេលនេះផងក៏មិនដឹង!»។
កាលពីថ្ងៃខួបកំណើតរបស់តារាសម្តែង និងកីឡាករបាល់ទាត់ខ្មែរ លី វ៉ាហេដ នាពេលថ្មីៗកន្លងមកនេះ តារាស្រី សុខ សោម៉ាវត្តី បានទម្លាយនូវសារ ដែលជាការសារភាពព្រមទទួលស្នេហ៍ម្ចាស់បេះដូងថ្មីនោះ បានធ្វើឱ្យមហាជនភ្ញាក់ផ្អើល ក្រោយពីឧស្សាហ៍ច្រានចោលនូវសម្ព័ន្ធនេះជារឿយៗកន្លងមក។
នាឱកាសថ្ងៃខួបកំណើតលោក លី វ៉ាហេដ សម្រាប់ឆ្នាំ ២០២១ នេះ ស្រីស្រស់ សុខ សោម៉ាវត្តី បរិយាយសារជូនពរម្ចាស់ចិត្តស៊ីអារម្មណ៍ថា៖ «Happy birthday my babe Okay និយាយដើមបន្តិចហើយចាំជូនពរ និយាយតាមត្រង់បានឆ្លងខួបបងមកច្រើនឆ្នាំហើយ ពិតជាលឿនមែន តែអូនគិតថា វាលឿន ព្រោះសុទ្ធតែជាពេលមានក្ដីសុខ និងពោរពេញទៅដោយអនុស្សាវរីយ៍ល្អ។ អរគុណ ដែលតែងតែផ្ដល់ការស្រឡាញ់ ស្មោះត្រង់ ទុកចិត្ត និងរឿងច្រើនទៀត ជូនពរបងមានតែរឿងសប្បាយចិត្ត ការងារច្រើន សុបិនបងក្លាយជាការពិតគ្រប់យ៉ាង សុខភាពល្អសំខាន់ គឺយើងទាំងពីរអាចសើចជាមួយគ្នារហូតដល់មានស្នាមជ្រួញ។ Let''s grow old together my Ly Vahed»៕
