.jpg)
តារាចម្រៀង Usher (ក្នុងរូប) តារាភាពយន្ដ Priyanka Chopra និងអ្នករាំ Julianne Hough។
ក្រុងវ៉ាស៊ីងតោន៖ កម្មវិធីទូរទស្សន៍ថ្មីមួយដែលបង្កការងាយស្រួលដល់សកម្មជនផ្សព្វផ្សាយបុព្វហេតុមនុស្សធម៌របស់ពួកគេរៀងៗខ្លួន និងប្រើប្រាស់បណ្ដាញសង្គមជាយន្ដការឈានចាប់ភាពជោគជ័យមួយដែលដុតឱ្យភាពចម្រូងចម្រាស។
កម្មវិធី «សកម្មជន» ដែលការបើកសម្ពោធធ្វើឡើងនៅសប្ដាហ៍នេះ នឹងចាក់ផ្សាយលើកញ្ចក់ទូរទស្សន៍អាមេរិក CBS ក្នុងខែតុលា និងសហការផលិតដោយអង្គការក្រៅរដ្ឋាភិបាល Global Citizen ដោយតារាល្បីល្បាញបានរៀបចំកម្មវិធីនានា ដូចជា តារាចម្រៀង Usher តារាភាពយន្ដ Priyanka Chopra និងអ្នករាំ Julianne Hough។
មហាជននឹងធ្វើការប្រកួតប្រជែងលើវិញ្ញាសារបេសកកម្ម ព្រឹត្ដិការណ៍ជួបជុំ យុទ្ធនាការឌីជីថល និងសហគមន៍ បំណងទាក់ទាញចំណាប់អារម្មណ៍មនុស្សមានឥទ្ធិពលបំផុតក្នុងលោក ដែលទាមទារឱ្យមានវិធានការនាពេលនេះ»។
ភាគជោគជ័យ ត្រូវបានវាស់ស្ទង់តាមរយៈទំនាក់ទំនងលើអនឡាញ សកម្មភាពសង្គម និងលទ្ធភាពអ្នករៀបចំ។ វគ្គបញ្ចប់នឹងត្រូវបានរៀបចំឡើងនៅក្នុងជួបប្រជុំកំពូល G20 នៅទីក្រុងរ៉ូម ចុងខែតុលា ជាទីដែលសកម្មជនប្រកួតនឹងជួបថ្នាក់ដឹកនាំពិភពលោក បំណងថែរក្សាសន្ដិសុខមូលនិធិ និងផ្សព្ផផ្សាយចំណេះដឹងចំពោះបុព្វហេតុនេះ។
តារាចម្រៀង Usher តារាភាពយន្ដស្រី Priyanka Chopra (ក្នុងរូប) និងអ្នករាំនាង Julianne Hough។
នាយកប្រតិបត្ដិទូរទស្សន៍ CBS បានចាត់ទុកកម្មវិធីនេះជាការបោះជំហានទៅមុខ និងបាននិយាយថា ខ្លួនរំពឹងថា វានឹងទាក់ទាញទស្សនាកាន់តែច្រើន។
ប៉ុន្ដែការរិះគន់នៅតែមាន ដោយអ្នកប្រើប្រាស់បណ្ដាញសង្គមចោទប្រកាន់កម្មវិធីទូរទស្សន៍ផ្សាយពីគោលបំណងនេះមិនសូវមានប្រយោជន៍អំឡុងពេលដែលសកម្មជននៃបណ្ដាប្រទេសនានា ត្រូវបានចាប់ដាក់គុក ឬមានបំណងក្រោកឈរប្រយុទ្ធប្រឆាំងដើម្បីសិទ្ធិមនុស្ស។
តារាភាពយន្ដ និងសកម្មជនស្ដ្រី Jameela Jamil បាននិយាយថា៖ «តើមិនអាចចាយប្រាក់ដ៏ច្រើនសន្ធឹកសន្ធាប់លើកម្មវិធី ដោយបង្វែទៅលើបុព្វហេតុរបស់សកម្មជនផ្ទាល់ឬទេ? ជាជាងការប្រែក្លាយយុទ្ធនាការទៅជាហ្គេម រួចយកប្រាក់ផ្ដល់ជារង្វាន់ទៅវិញ។ មនុស្សកំពុងតែស្លាប់រៀងរាល់ថ្ងៃ»។
អង្គការ Global Citizen បានឆ្លើយតបនឹងការរិះគន់ក្នុងសេចក្ដីថ្លែងការណ៍មួយបញ្ជូនទៅកាន់ Deadline ថា៖ «នេះមិនមែនជាកម្មវិធីទូរទស្សន៍ដើម្បីបន្ទាបបន្ថោកសកម្មនិយម»។
អង្គការបានបន្ដថា គោលបំណង គឺគាំទ្រសកម្មជននៅគ្រប់ទីកន្លែង ដែលពួកគេបានបូជាកម្លាំងចិត្ដ កាយ និងពង្រីកបុព្វហេតុនេះទៅដល់មហាជនកាន់តែច្រើន»៕ AFP/HR
តារាចម្រៀង Usher តារាភាពយន្ដស្រី Priyanka Chopra និងអ្នករាំនាង Julianne Hough (ក្នុងរូប)។
