.jpg)
បន្លែខ្នាតយក្ស ខ្ទឹមបារាំង ខ្ទឹមខ្យល់ និងស្ពៃក្ដោប ដែលសុទ្ធសឹងតែជាប់ចំណាត់ថ្នាក់លេខ ១ និងលេខ ២។ AFP
ក្រុងឡុងដ៍៖ ពិព័រណ៍កសិកម្មដំណាំ និងផ្កានារដូវក្ដៅ The Harrogate Autumn Flower Show បានវិលត្រឡប់មក នៅទីតាំងថ្មីសន្លាងនៃអគារ Newby Hall ក្បែរក្រុងរីផន ភាគខាងជើងអ៊ីតាលី ពីថ្ងៃទី ១៧ ដល់ ១៩ ខែកញ្ញា កន្លងទៅនេះ។
កម្មវិធីបង្អួតសមិទ្ធផលកសិកម្ម និងពូជផ្កាស្អាតៗនេះ តែងទាក់ទាញភ្ញៀវទេសចរប្រមាណ ៤ ម៉ឺននាក់ មកទស្សនាការប្រកួតប្រជែងនូវផលដំណាំកសិកម្មទំហំខ្នាតយក្សនានា រួមមាន តាសក់ មើមខ្ទឹមបារាំង ខាត់ណា ស្ពៃ និងល្ពៅជាដើម។
ក្រុមគណៈកម្មការវាយតម្លៃនឹងធ្វើការត្រួតពិនិត្យ និងវាស់វែង ដើម្បីរកឲ្យឃើញនូវកសិផលដែលមានទំហំធំជាងគេបំផុតគឺជាអ្នកឈ្នះ។
ននោងម៉ារ៉ូ ទម្ងន់ដល់ទៅ ៦៥គីឡូក្រាម ឈរនៅលំដាប់ថ្នាក់លេខ ២ ពីការប្រកួត។ AFP
លោក ភីតធឺរ ក្លាហ្សេប្រូក កសិករដាំដំណាំយក្សដ៏ល្បីល្បាញ បានក្ដាប់ជយលាភីលេខ ១ សម្រាប់មើមខ្ទឹមបារាំងខ្នាតយក្សរបស់លោក ទម្ងន់ដល់ទៅ ៧,០៥ គីឡូក្រាម។
ចំណាត់ថ្នាក់តាសក់យក្សលេខ ១ ដែលមើលមួយភ្លែតសឹងច្រឡំផ្លែឃ្លោកនោះ បានទៅលើម្ចាស់របស់វាលោក ចន ស៊ីមសុន ដែលរំលេចសមិទ្ធផលផ្លែប្រវែង ៨៨ សង់ទីម៉ែត្រ។ លោកក៏នៅមានដំណាំខ្នាតយក្សមួយទៀតគឺននោងម៉ារ៉ូ ទម្ងន់ដល់ទៅ ៦៥ គីឡូក្រាម ឈរនៅលំដាប់ថ្នាក់លេខ ២ ពីការប្រកួត។
កសិករម្នាក់ទៀត លោក ចូ អាធើរតុន បានបីមើមដំឡូងឈាមមាន់ទម្ងន់ដល់ទៅ ១៦,៨ គីឡូក្រាម ដែលនាំឱ្យលោកដណ្ដើមបានលេខ ១ សម្រាប់ប្រភេទដំណាំដូចគ្នានេះ។
ស្ពៃក្ដោបយក្សទម្ងន់ដល់ទៅ ២៦,២ គីឡូក្រាមរបស់លោក ក្រេក ភៀរសិន បានដណ្ដើមយកលេខ ១ ចំពោះបន្លែកស្លឹកឆ្នាំនេះ។
លោក ភីតធឺរ ក្លាហ្សេប្រូក និងមើមខ្ទឹមបារាំងខ្នាតយក្សរបស់លោក ទម្ងន់ដល់ទៅ ៧,០៥គីឡូក្រាម។ AFP
អង្គការសប្បុរសដែលរៀបចំកម្មវិធីនេះ ត្រូវបានបង្កើតឡើងក្នុងឆ្នាំ ១៩១១ ដើម្បីផ្សព្វផ្សាយអត្ថប្រយោជន៍នៃការរៀបចំសួននេះនៅទូទាំងតំបន់ភាគខាងជើង។
លោក នីក ស្មីត នាយកគ្រប់គ្រងកម្មវិធីបាននិយាយថា៖ «អរគុណដល់អ្នកគាំទ្រ ភ្ញៀវទេសចរ និងចូលរួមបង្ហាញស្នាដៃ អ្នកផ្គត់ផ្គង់ និងសហការីទាំងអស់ ដែលយើងអាចរៀបចំប្រារឰព្រឹត្ដិការណ៍ខួបមួយសតវត្សរ៍ដែលជំរុញលើកទឹកចិត្ដ និងផ្ដល់ការកម្សាន្ដសប្បាយជាច្រើនជំនាន់»។
លោកបានបន្តទៀតថា៖ «ឆ្នាំនេះពិតជាឆ្នាំដ៏លំបាកសម្រាប់មនុស្សគ្រប់គ្នា ហើយវាគ្មានអ្វី ប្រសើរជាជាងបានស្វាគមន៍ទស្សនិកជនយើងឡើងវិញនោះទេ។ កម្មវិធី The Harrogate Autumn Flower Show បានវិលត្រឡប់មក នៅទីតាំងថ្មីសន្លាងនៃអគារ Newby Hall ហើយយើងពិតជារំភើបនឹងអនាគតជាមួយទីតាំងថ្មីនេះណាស់»៕ AFP/HR
ស្ពៃក្ដោបយក្សទម្ងន់ដល់ទៅ ២៦,២គីឡូក្រាមរបស់លោក ក្រេក ភៀរសិន បានដណ្ដើមយកលេខ ១ ចំពោះបន្លែកស្លឹក។ AFP
ប្រវែង ៨៨ សង់ទីម៉ែត្រ និងមើមដំឡូងឈាមមាន់ទម្ងន់ដល់ទៅ ១៦,៨គីឡូក្រាម។ AFP
កម្មវិធីនេះ ត្រូវបានបង្កើតឡើងក្នុងឆ្នាំ ១៩១១ ដើម្បីផ្សព្វផ្សាយអត្ថប្រយោជន៍នៃការរៀបចំសួននេះនៅទូទាំងតំបន់ភាគខាងជើង។ AFP
កម្មវិធីនេះ ត្រូវបានបង្កើតឡើងក្នុងឆ្នាំ ១៩១១ ដើម្បីផ្សព្វផ្សាយអត្ថប្រយោជន៍នៃការរៀបចំសួននេះនៅទូទាំងតំបន់ភាគខាងជើង។ AFP
