.jpg)
មហោស្រព COLCOA ដែលមានឈ្មោះពេញថា «City of Lights, City of Angels»។ AFP
ក្រុងឡូសអេនជឺលេស៖ មហោស្រពភាពយន្ដបារាំងនៅហូលីវូដ បានបង្ហាញបញ្ជីភាពយន្ដរបស់ខ្លួនកាលពីថ្ងៃចន្ទ ដោយក្រុមអ្នករៀបចំរំពឹងក្រោយរងផលប៉ះពាល់ពីបញ្ហាវិបត្ដិកូវីដ ពួកគេផ្ដោតលើកម្មវិធីមិនប្រើភាសាអង់គ្លេសនៅសហរដ្ឋអាមេរិកវិញ។
មហោស្រពលើកទី២៥ COLCOA ដ៏ធំបំផុតក្នុងលោកដែលផ្ដោតសំខាន់លើភាពយន្ដបារាំង នឹងបើកសម្ពោធជាមួយភាពយន្ដភាគរឿង «Between Two Worlds» ដែលម្ចាស់ពានអូស្កា អ្នកស្រី Juliette Binoche ដើរតួនាទីលុកលុយក្នុងទីផ្សារការងារដ៏គ្មានសុវត្ថិភាព។
ភាពយន្ដ ដែលតួសម្ដែងភាគច្រើនមិនមានជំនាញ ត្រូវបានជ្រើសរើសក្នុងចំណោមភាពយន្ដ ល្ខោនភាគ៥៥រឿង និងភាពយន្ដខ្លី ១៩ សម្រាប់ការដាក់បញ្ចាំងក្នុងរោងកុន Gallic។
ហ្វ្រង់ស័រ ទ្រូហ្វហ្វាត ជាផលិតករជាន់ខ្ពស់ និងនាយកផ្នែកសិល្បៈ បាននិយាយថា៖ «ផ្ទុយអ្វីដែលធ្លាប់រំពឹងទុកក្រោយពីការបិទខ្ទប់ជាច្រើនខែ កម្មវិធីដ៏ពេញនិយម និងទទួលបានការគាំទ្រច្រើននេះបានបង្ហាញពីសមិទ្ធផលភាពយន្ដបារាំងអំឡុងរយៈពេល ២ ឆ្នាំចុងក្រោយ»។
មហោស្រពលើកទី២៥ COLCOA ដ៏ធំបំផុតក្នុងលោកដែលផ្ដោតសំខាន់លើភាពយន្ដបារាំង។
វិបត្ដិកូវីដ ១៩ បានបង្ខំឱ្យលុបចោលព្រឹត្ដិការណ៍ឆ្នាំមុន ខណៈមហាជនមិនត្រូវបានអនុញ្ញាតឱ្យចេញក្រៅផ្ទះ។ ប៉ុន្ដែនាយករង អានោកា វ៉ាន់រៀល បាននិយាយថា ការផ្ទុះឡើងនៃភាពយន្ដ និងកម្មវិធីមិននិយាយភាសាអង់គ្លេសអំឡុងពេលបិទខ្ទប់ បានបញ្ជាក់ថា នៅមានទីផ្សារធំ និងមានតម្រូវការខ្ពស់ សម្រាប់អ្វីដែលមិនមែនជាភាពយន្ដហូលីវូដ។
អ្នកស្រី បាននិយាយដោយដកស្រង់ល្ខោនភាគទូរទស្សន៍និយាយភាសាបារាំងរឿង «Lupinឮ» និង «Call My Agent» ថា៖ «នៅក្នុងពិភពដែលត្រូវសម្ងំតែក្នុងផ្ទះរយៈពេលមួយឆ្នាំដោយសារតែបញ្ហាកូវីដ ភាពយន្ដបារាំងបានឡើងដល់ឆាកអន្ដរជាតិ ខណៈបុគ្គលនីមួយៗត្រូវនៅតែក្នុងផ្ទះ»។
អ្នកស្រី វ៉ាន់រៀល បាននិយាយថា ដោយបន្ដទទួលបាននូវភាពល្បីល្បាញ ដូចជាភាពយន្ដនិយាយភាពកូរ៉េនៅលើ Netflix រឿង «Squid Game» បានសបញ្ជាក់ថា ទស្សនិកជនមិនមានបញ្ហាក្នុងការសម្លឹងមើលអក្សរបកប្រែនៅលើអេក្រង់នោះទេ។
ភាពយន្ដដែលនឹងដាក់បញ្ចាំងនៅឆ្នាំនេះ រួមមាន «Lost Illusions» ស្នាដៃអ្នកនិពន្ធ និងផលិតករ លោក សាវីយើ ហ្គីអានណូលី ជាកូនចិញ្ចឹមរបស់កវី Honore de Balzac និងរឿង «Onoda: 10,000 Nights in the Jungle» និយាយពីជីវិតនាយទាហានជប៉ុនម្នាក់ដែលមិនជឿថា សង្គ្រាមលោកលើកទី ២ បានបញ្ចប់ និងបន្ដលាក់ខ្លួនជាច្រើនទសវត្សរ៍។
មហោស្រព COLCOA ដែលមានឈ្មោះពេញថា «City of Lights, City of Angels» ឬ «ទីក្រុងពន្លឺ ទីក្រុងទេពអប្សរ» ជារហ្សនាមសម្រាប់ទីក្រុងប៉ារីស និងទីក្រុងឡូសអេសជឺលេស ដំណើរការពីថ្ងៃទី ១ ដល់ទី ៧ ខែវិច្ឆិកា៕ AFP/HR
