.jpg)
ស្ដ្រីអាមេរិកម្នាក់ដែលនៅក្បែរខ្លាឃ្មុំប្រផេះមួយក្បាលយ៉ាងជិតបង្កើយ ដើម្បីថតរូបសែលហ្វីជិតបង្កើយ។
ក្រុងឡូសអេនជឺលេស៖ ស្ដ្រីអាមេរិកម្នាក់ដែលនៅក្បែរខ្លាឃ្មុំប្រផេះមួយក្បាលយ៉ាងជិតបង្កើយ ដែលធ្វើឱ្យនាងអាចថតរូបសែលហ្វីជាមួយគ្នាបានជាប់គុក ៤ ថ្ងៃ។
កញ្ញា សាម៉ាន់ថា ដេរីង ឈរក្បែរខ្លាឃ្មុំតែប៉ុន្មានជំហានពីគ្នា ដោយមានទាំងកូនខ្លាឃ្មុំ ៣ ក្បាលថែមទៀត។ ដូច្នេះ នាងអាចទាញយកទូរស័ព្ទថតរូបក្នុងឧទ្យានជាតិយេឡូស្ដូន កាលពីខែឧសភា។
ស្ដ្រីវ័យ ២៥ ឆ្នាំ ស្ថិតក្នុងចំណោមភ្ញៀវទេសចរមួយក្រុម ពេលសត្វក្រញាំដ៏មុតស្រួចនេះបានមកដល់។ ភ្ញៀវដទៃទៀតបានគេចចេញទៅកាន់កន្លែងសុវត្ថិភាពក្នុងរថយន្ដ តាមការណែនាំរបស់អនុរក្សឧទ្យាន ខណៈ កញ្ញា ដេរីង ដើរទៅក្បែរខ្លាឃ្មុំ និងថតរូបយ៉ាងរំភើយ។
មេធាវីអាមេរិក បប មូរ៉េ ក្នុងរដ្ឋវ៉ាយអូមីង ជាទីដែលមានការអភិរក្សសត្វ បាននិយាយថា៖ «ការចូលទៅក្បែរសត្វក្រញ៉ាំមុតស្រួចកំពុងការកូនពិតជាទង្វើដ៏លីលាមែនទែន។ ទោះ ដេរីង មានសំណាងខ្ពស់យ៉ាងណាក៏ដោយ ក៏នាងនៅមានទោសព្រហ្មទ័ណ្ឌ»។
រូបតំណាង៖ សត្វព្រៃនៅឧទ្យានជាតិយេឡូស្ដូន នៅតែជាសត្វសណ្ដានព្រៃ។
មេធាវីបានបន្ដថា៖ «សត្វព្រៃនៅឧទ្យានជាតិយេឡូស្ដូន នៅតែជាសត្វសណ្ដានព្រៃ។ ឧទ្យានជាតិមិនមែនជាសួនសត្វ ដែលសត្វត្រូវបានទស្សនាពីក្រៅរបងសុវត្ថិភាពនោះទេ។ ពួកវាដើរហើរដោយសេរីក្នុងដែនជម្រកធម្មជាតិ ហើយពួកវាអាចបង្កការគំរាមកំហែងគ្រប់ពេលវេលា»។
បទបញ្ជាផ្ទៃក្នុងរបស់ឧទ្យាន បានចែងថា ភ្ញៀវគួរតែនៅឆ្ងាយពីសត្វពពួកខ្លាឃ្មុំ និងឆ្កែចចកយ៉ាងតិច ៩០ ម៉ែត្រ។ កញ្ញា ដេរីង បានសារភាពថាបានធ្វើខុស និងត្រូវបានដាក់ក្នុងមន្ទីរឃុំឃាំង ៤ ថ្ងៃ ព្រមទាំងពិន័យប្រាក់ ១ ០០០ ដុល្លារ។
យេឡូស្ដូន គឺជាឧទ្យានជាតិដំបូងដែលបង្កើតឡើងនៅសហរដ្ឋអាមេរិក។ វាលាតសន្ធឹងលើផ្ទៃដី ៧ ៧០០ គីឡូម៉ែត្រការ៉េ និងរួមបញ្ចូលទាំង គោលដៅទេសចរណ៍មួយចំនួន ដូចជា Old Faithful និងទឹកពុះក្រោមដីដ៏ធំមួយទៀត។
ឧទ្យាននេះគឺជាដើមចមនាំឱ្យកកើតឧទ្យាន ជេលីស្ដូន ក្នុងភាពយន្ដគំនូរជីវចលទសវត្សរ៍ឆ្នាំ១៩៦០ រឿង «Yogi Bear» ដែលរំលេចនូវតួអង្គខ្លាឃ្មុំដ៏រួសរាយ និងតែងតែស្រែកឃ្លាន»៕ AFP/HR
រូបតំណាង៖ ឧទ្យានជាតិមិនមែនជាសួនសត្វ ដែលសត្វត្រូវបានទស្សនាពីក្រៅរបងសុវត្ថិភាពនោះទេ។
