ក្រុងប៉ារីស៖ ជាមួយបទពិសោធតណ្ហាចាប់ចងល្បែង ល្បែងលើគ្រែ ៣ នាក់ និងសិចនៅក្រោយរថយន្ដវ៉ែន កម្មវិធីណាត់ជួបស្នេហ៍ មានលាយឡំសម្ដែងសកម្មភាពរួមភេទកំពុងពេញនិយម ខណៈអ្នកចូលរួមលេងស្វែងរកឱកាសរួមមេត្រី និងអ្នកផលិតកម្មវិធីចង់បានអ្នកទស្សនាច្រើន។
មហោស្រពទូរទស្សន៍ Mipcom TV ក្រុងកាន នាឆ្នាំនេះ បានបង្ហាញថា ទម្រង់នៃកម្មវិធីល្បែងស្នេហ៍នៅតែជាកម្មវិធីមាសប្រាក់សម្រាប់ក្រុមផលិតករ ជាពិសេស នៅចក្រភពអង់គ្លេស។
សម្រាប់អ្នកស្រឡាញ់លុយ
ប៉ុស្ដិ៍ទូរទស្សន៍ Channel 4 របស់ចក្រភពអង់គ្លេស ត្រៀមដំណើរការកម្មវិធី «The Love Trap» ឬអន្ទាក់ស្នេហា ដែលមានបេក្ខជន ១២នាក់ប្រកួតប្រជែងក្នុងការលោមដៃឱ្យមានចិត្ដប្រតីព័ទ្ធលើខ្លួន។
តាមពិតគឺថា មនុស្សតែពាក់កណ្ដាលប៉ុណ្ណោះដែលចង់រកដៃគូស្នេហាពិតប្រាកដ។ អ្នកដទៃទៀតគ្រាន់តែចង់បានរង្វាន់លុយកាក់ ហើយមានតែបេក្ខជនចូលរួមប្រកួតប៉ុណ្ណោះ ដែលអាចសង្កេតមើលនរណាជាជនបោកប្រាស់ និងបាញ់ពួកគេឱ្យចេញតាមរយៈរូងមួយនៅខាងក្រោម។
ទូរទស្សន៍ TF1 ក៏ពេញចិត្ដនឹងកម្មវិធីនេះ និងបានទិញសិទ្ធិរួចហើយ។
អាល្លឺម៉ង់ក៏មានទស្សនៈស្រដៀងគ្នាក្នុងកម្មវិធី «Date or Drop» ដែលអ្នកមិនសូវរស់រវើកនឹងមិនមានសំណាងជាប់នោះឡើយ។
ល្បែងលើគ្រែ ៣នាក់ និងការចាប់ចង
កម្មវិធីផ្សេងមួយទៀតរបស់ ប៉ុស្ដិ៍ Channel 4 «The Love Triangle» ឬ «ស្នេហាត្រីកោណ» គូស្នេហ៍មួយគូព្យាយាមបញ្ចុះអ្នកទីបីឱ្យចូលរួមលេងល្បែង សិច ៣នាក់ ជាមួយគ្នា ដែលចំណាយពេលវេលារួមសុខរួមទុក្ខនៅលើគ្រែជាមួយគ្នា។
ការចែចូវបុគ្គលទី ៣ ឱ្យឡើងគ្រែរបស់ប៉ុស្ដិ៍ទូរទស្សន៍នេះគឺ «Kinky Daters» ដែលបុគ្គលនៅលីវត្រូវបានផ្គូរផ្គងជាមួយគូស្នេហ៍ ដែលចូលចិត្ដល្បែងរួមភេទប្លែកៗ។
ចំណូលចម្លែកៗទាំងនោះរួមមានការលាបសមាសធាតុផ្សេងៗ នៅលើរាងកាយ (sploshing) និង ការចាប់ចងស្ទីលជប៉ុន (shibari)។
ភាសាកាយវិការ
«Sexy Hands» ឬ «ដៃជាវត្ថុរាវ» គឺជាកម្មវិធីរបស់ស៊ុយអែត អំពីស្នេហាក្នុងចំណោមបុគ្គលគថ្លង់។ លាក់ខ្លួននៅក្រោយជញ្ជាំង «ជញ្ចាំងស្នេហា» បេក្ខជនប្រកួតគ្រាន់តែអាចមើលឃើញដៃគ្នាប៉ុណ្ណោះដែលជាអាវុធរាវរកស្នេហ៍។
កម្មវិធីណាត់ជួបស្នេហ៍នេះនឹងចាប់ផ្ដើមដំណើរការក្នុងខែវិច្ឆិកាខាងមុខ។
ក្បាច់រាំច្រឡើសបើស
ទូរទស្សន៍ BBC ដើរដល់ពាក់កណ្ដាលទីរវាងកម្មវិធីល្បី «Strictly Come Dancing» និង «Dirty Dancing» ជាមួយកម្មវិធីថ្មីចុងក្រោយ «I Like the Way U Move» ដែលបើកដំណើរការនៅថ្ងៃអាទិត្យ។
កម្មវិធីនេះត្រូវបានរំពឹងថានឹងផ្ទុះខ្លាំងក្នុងការផ្គូរផ្គងអ្នករាំអាជីពជាមួយអ្នកមិនអាជីព ដែលត្រូវរ៉ូវគ្នា រួចចាប់ផ្ដើមបញ្ចេញក្បាច់រាំនៅលើវេទីការតាមការសប្បាយ។
ពួកគេទំនងជាមានឱកាសបានយល់ចិត្ដយល់ថ្លើមគ្នាដោយឥតព្រៀងទុករវាងដៃគូត្រូវបានផ្គូផ្គង ដូចនៅក្នុងកម្មវិធី «Strictly» ជាដើម។
ដំណើរផ្សងព្រេងស្នេហា
កម្មវិធីទូរទស្សន៍ដំណើរផ្សងព្រេងស្នេហា គ្មានគោលដៅច្បាស់លាស់នោះទេ តែផ្ដោតលើការធ្វើដំណើរនោះ។ កម្មវិធីរបស់ទូរទស្សន៍កាណាដា «Love Van» ឬ ឡានស្នេហា ដោយរថយន្តផ្ទុកកំលោះក្រមុំ ៦នាក់ ដែលត្រូវតែជ្រើសរើសដៃគូថ្មីអំឡុងពេលធ្វើដំណើរនោះ។
អ្នកដែលមានពិន្ទុខ្ពស់នឹងបន្ដស្ថិតនៅលើរថយន្ដវែន ខណៈអ្នកធ្លាក់ត្រូវបានជម្រុះចេញ។
ហើយទូរទស្សន៍ហូឡង់ RTL4 ក៏បានបង្ហាញនូវកម្មវិធីរបស់ខ្លួន «B&B of Love» ផងដែរ។
នៅទីនោះម្ចាស់សណ្ឋាគារដែលមានគ្រែនិងផ្ដល់អាហារពេលព្រឹកមកពីទូទាំងតំបន់អឺរ៉ុបខាងលិចបានស្វាគមន៍បុរសៗប្រាថ្នាចង់បានភាពកក់ក្ដៅ៕ AFP/HR