.jpg)
រូបតំណាង៖ សម្រាប់អ្នកគ្មានចំណូលចិត្ត ក្លិនទុរេនត្រូវបានគេប្រដូចនឹងសំរាមរលួយ ឬស្រោមជើងស្អុយ។ AFP
ក្រុងស៊ីដនី៖ កងពន្លត់អគ្គីភ័យទីក្រុងកង់បេរ៉ា បានស្រូតរូតរះទៅហាងមួយនៅរដ្ឋធានីប្រទេសអូស្ត្រាលី កាលពីចុងសប្ដាហ៍ ក្រោយពីមានរបាយការណ៍ពីការធ្លាយហ្គាស ប៉ុន្តែទៅដល់ទីនោះ ទើបពួកគេដឹងថាក្លិនដែលភាយចេញមានប្រភពដើមចមពីផ្លែទុរេនសោះ។
ក្រុមឆ្លើយតបនឹងការសង្គ្រោះបន្ទាន់បានណែនាំសាធារណជនឱ្យចៀសវាងធ្វើដំណើរឆ្លងកាត់កន្លែងសង្ស័យធ្លាយហ្គាស កំឡុងពេលពួកគេបំពេញបេសកកម្មស្វែងរកកន្លែងធ្លាយឧស្ម័ន។ ប៉ុន្តែការជូនដំណឹងនេះដូចអត់ប្រយោជន៍ នៅពេលដែលការពិតត្រូវបានលាតត្រដាងថាជាក្លិនចេញពីហាងទំនិញ Dickson។
អស់រយៈពេល១ម៉ោងនៃការស្រាវជ្រាវនៅទីតាំង កងសង្គ្រោះបន្ទាន់ក្រុងកង់បេរ៉ា បាននិយាយថា ម្ចាស់ហាងខាងលើក៏បានរំឭកពីក្លិនទុរេនដែលទំនងជាដើមចមនាំឱ្យច្រលំនឹងបញ្ហាធ្លាយហ្គាស។
រូបតំណាង៖ ទុរេនត្រូវបានហាមនាំយកទៅកាន់សណ្ឋាគារជាច្រើន និងសេវាដឹកជញ្ជូនសាធារណៈ។ AFP
កងសង្គ្រោះបន្ទាន់បានឱ្យដឹងថា៖ «ករណីនេះមិនមែនរឿងធ្លាយហ្គាសទេ តែវាជាក្លិនទុរេន ដែលភាយចេញមកស្រដៀងនឹងក្លិនឧស្ម័ន»។
រុក្ខជាតិដែលត្រូវបានដាំច្រើននៅតំបន់ត្រូពិកអាស៊ីអាគ្នេយ៍ ត្រូវបានអ្នកនិយមចូលចិត្តញ៉ាំវា ប្រសិទ្ធនាមឈ្មោះថា «ស្ដេចផ្លែឈើ» ដោយសារតែរសជាតិផ្អែម សាច់ទឹកដោះគោ និងក្លិនដ៏ពិសេសរបស់វា។
ដោយឡែក សម្រាប់អ្នកគ្មានចំណូលចិត្តនឹងទុរេនវិញ ផ្លែស្រោបបន្លានេះត្រូវបានគេស្អប់ខ្ពើម ដោយប្រដូចក្លិនវាទៅនឹងសំរាមរលួយ ស្រោមជើងស្អុយ ឬក៏ស្រដៀងនឹងហ្គាស។
ដូច្នេះហើយទើបបណ្ដាសណ្ឋាគារជាច្រើន រួមទាំងសេវាដឹកជញ្ជូនសាធារណៈតែងតែហាមប្រាមការនាំទុរេនចូលបន្ទប់បិទជិតរបស់ខ្លួន៕ AFP
រុក្ខជាតិដែលត្រូវបានដាំច្រើននៅតំបន់ត្រូពិកអាស៊ីអាគ្នេយ៍ ត្រូវបានអ្នកនិយមចូលចិត្តញ៉ាំវា ប្រសិទ្ធនាមឈ្មោះថា «ស្ដេចផ្លែឈើ»។ AFP
