.jpg)
មនុស្សជាង ២០០ នាក់ ស្រាតថតរូបផ្សព្វផ្សាយសារពីបរិស្ថាន។ រូបថត AFP
ក្រុងអារ៉ាដ: លើជ្រលងភ្នំត្នោតរលករលេញរំលងបឹង និងទឹកសមុទ្រម៉ូដែល ២០០ នាក់ លាបខ្លួនពណ៌សបិទបាំងភាពស្រាលននលគក បានឈរឱ្យអ្នកថតរូប ស្ពេនស័រ ធូនីក ថតកាលពីថ្ងៃអាទិត្យ នៅលើវាលខ្សាច់ដ៏ធំមួយនៅភាគខាងត្បូងប្រទេសអ៊ីស្រាអែល ក្បែរសមុទ្រ Dead Sea ដែលជាផ្នែកមួយនៃគម្រោងថតរូបរបស់សិល្បករថតរូបអាមេរិកនេះ។
អ្នកថតរូបវ័យ ៥៤ ឆ្នាំរូបនេះ បានទៅទស្សនាប្រទេសអ៊ីស្រាអែល ក្នុងនាមជាភ្ញៀវរបស់ក្រសួងទេសចរណ៍ ដើម្បីបង្ហាញជាលើកទី៣ នូវការរួមមាឌនៃសមុទ្រ Dead Sea តាមរយៈប្រធានបទអាក្រាត។
អ្នកថតរូបដែលបានផ្ដិតយករូបភាពមនុស្សអាក្រាតរាប់ពាន់នាក់ទ្រង់ទ្រាយធំរាប់សិបនៅជុំវិញពិភពលោករូបនេះ និយាយថា៖ «សម្រាប់ខ្ញុំរូបកាយតំណាងឱ្យភាពស្រស់ស្អាត និងជីវិត និងសេចក្តីស្រឡាញ់»។
លោក ធូនីក បានបង្ហាញរូបថតមានម៉ូដែលអាក្រាតកាយ ១ ០០០ នាក់ កាលពី ១ ទសវត្សរ៍មុននៅលើច្រាំងសមុទ្រ Dead Sea ដែលមានជាតិប្រៃខះ និងមានកម្ពស់ស្រកចុះប្រហែល ១ ម៉ែត្រក្នុង ១ ឆ្នាំ។
អ៊ីស្រាអែល និងហ្ស៊កដានី បានបង្វែរប្រភពទឹកជាច្រើនសម្រាប់វិស័យកសិកម្ម និងទឹកប្រើប្រាស់ទទួលទាន ខណៈការទាញយកធនធានរ៉ែ និងការហួតហែងពីការប្រែប្រួលអាកាសធាតុ បានធ្វើឱ្យបញ្ហាកាន់តែធ្ងន់ធ្ងរឡើង។
នៅពេលដែលលោក ធូនីក ត្រឡប់មកវិញ ៥ ឆ្នាំក្រោយមក ទឹកបានស្រកដោយបន្សល់ទុកនូវខ្សាច់ក្រាលក្រួស និងថ្លុកទឹកសេសសល់ខ្លះៗ។
លោកបានជ្រើសរើសយកការលាបពណ៌សលើម៉ូដែលអាក្រាត ដើម្បីបង្ហាញពីរឿងរ៉ាវព្រះគម្ពីរ។
ស្ថិតក្នុងចំណោមម៉ូដែលអាក្រាត និស្សិតថ្នាក់បណ្ឌិត អាណា ខេលីម៉ាន់អាយុ ២៦ ឆ្នាំបាននិយាយថា៖ «នេះ គឺដើម្បីបរិស្ថាន ហើយខ្ញុំមានអារម្មណ៍ធម្មជាតិពិតៗនៅពេលដែលអត់មានសម្លៀកបំពាក់»៕ AFP
