.jpg)
ក្នុងនាមជាអ្នកស្រឡាញ់តន្ដ្រីបុរាណ កញ្ញា ប្រោន បានយល់ច្បាស់អំពីប្រវត្ដិដ៏សាំញាំរបស់ចាប៉ីបង់ហ្សូ។ AFP
ក្រុងញូវយ៉ក៖ ក្នុងវ័យដែលក្មេងជំទង់ជាច្រើនរវុលរៀនរាំតាមទំនោរ TikTok តន្ដ្រីករចាប៉ីបង់ហ្សូ ណូរ៉ា ប្រោន បានចេញអាប៊ុមតន្ដ្រីបុរាណរបស់ខ្លួនលើកទីពីរ។
ពេលឪពុកម្ដាយកញ្ញាបានផ្ដល់កាដូចាប៉ីសម្រាប់ឱកាសបុណ្យគ្រិស្ដស្មាស់អាយុ ៦ ឆ្នាំ ពួកគេមិននឹកស្មានថា នាងនឹងអាចក្លាយជាតារារះថ្មីក្នុងពិភពសិល្បៈបុរាណបែបនេះសោះ។
យុវតីវ័យទើបតែ ១៦ ឆ្នាំ រស់នៅក្នុងក្រុងប្រូកលីន បានឃើញចាប៉ីបង់ហ្សូដំបូងពេលរៀនជាមួយអតីតគ្រូ ស្លូម៉ូ ប៉េសកូ ជាអ្នកជំនាញខាងតន្ដ្រីប្រពៃណីក្នុងស្រុកម្នាក់។
ហើយពេលនេះ កញ្ញា ប្រោន ស្ថិតក្នុងចំណោមតន្ដ្រីករស្ពាយឧបករណ៍បុរាណពីជួរភ្នំមួយទៅជួរភ្នំមួយទៀតនៃតំបន់ អាប់ផាឡាឈែ ដែលបន្ដមរកតពីគ្រូចាប៉ីជើងចាស់។
យុវតីវ័យទើបតែ ១៦ឆ្នាំ រស់នៅក្នុងក្រុងប្រូកលីន បានឃើញចាប៉ីបង់ហ្សូដំបូងក៏ជាប់ចិត្តនឹងឧបករណ៍តន្ត្រីនេះ។ AFP
កញ្ញា ប្រោន បានបន្ដថា៖ «តាំងពីកុមារភាព ខ្ញុំមិនបានដឹងពីភាពវិសេស និងភាពអស្ចារ្យក្នុងការរៀនឧបករណ៍តន្ដ្រីនេះឡើយ ជាពិសេសនៅទីក្រុងប្រូកលីន»។
និយាយប្រាប់ AFP នៅឧទ្យានស្ពានប្រូកលីន ជាទីដែលនាងទើបបានចូលរួមមហោស្រពតន្ដ្រីអាមេរីកាណា កញ្ញា ប្រោន បានឱ្យដឹងថា ការសម្ដែងនៃផ្នែកខ្លះរបស់ខ្លួនគឺការផ្សព្វផ្សាយចំណេះដឹងពីភាពស្មុគស្មាញនៃតន្ដ្រីប្រពៃណីបុរាណ ដែលខ្ញុំមានអារម្មណ៍ថា មិនត្រូវបានផ្ដល់តម្លៃ ឬចូលចិត្ដ ទទួលស្គាល់ក្នុងរជ្ជកាលវប្បធម៌ប៉ុប»។
នាងបានបន្ដថា៖ «មនុស្សម្នាតែងតែចាត់ទុកឧបករណ៍ចាប៉ីបង់ហ្គូជារបស់លេង។ ខ្ញុំគិតថា វាដោយសារតែការខ្វះការយល់ដឹងពីភាពស្មុគស្មាញនៃតន្ដ្រីនេះ»។
មនុស្សជាច្រើនអង្គុយទស្សនាការសម្ដែងរបស់តន្ដ្រីករចាប៉ីបង់ហ្សូ ណូរ៉ា ប្រោន វ័យក្មេង។ AFP
ក្នុងនាមជាអ្នកស្រឡាញ់តន្ដ្រីបុរាណ កញ្ញា ប្រោន បានយល់ច្បាស់អំពីប្រវត្ដិដ៏សាំញាំរបស់ចាប៉ីបង់ហ្សូ ដោយឧបករណ៍តន្ដ្រីខ្សែនេះមានទំនាក់ទំនងជាមួយក្រុមបុរសស្បែកសមកពីភាគខាងត្បូអអាមេរិក គឺមានប្រភពដើមមកពីអាហ្វ្រិកខាងលិច។
ចំប៉ីបច្ចុប្បន្ននេះត្រូវបានផលិតឡើងក្នុងរូបភាពអតីតកាល ជាឧបករណ៍បុរាណអាហ្វ្រិក ដោយទេសករអាហ្វ្រិកបាននាំយកទៅកាន់សហរដ្ឋអាមេរិកក្នុងទសវត្សរ៍ឆ្នាំ ១៦០០ និងឆ្នាំ ១៧០០។
ជនជាតិស្បែកសនៅអាប់ផាឡាឈែ ចូលចិត្ដតន្ដ្រីនេះ ហើយវាបានក្លាយជាផ្នែកសំខាន់មួយនៃគ្រាមភាសារបស់អាមេរិក។ វាផ្សារភ្ជាប់នឹងវប្បធម៌នៃការរើសអើងជាតិសាសន៍អំឡុងចុងសតវត្សរ៍ទី១៩ និងដើមសតវត្សរ៍ទី២០។
កញ្ញាបានបន្ថែមថា៖ «មានភាគីជាច្រើនដែលបានចូលរួមបង្កើតតន្ដ្រីប្រពៃណីអាមេរិកនាពេលបច្ចុប្បន្ន»៕ AFP/HR
តន្ដ្រីករចាប៉ីបង់ហ្សូ ណូរ៉ា ប្រោន បានចេញអាប៊ុមតន្ដ្រីបុរាណរបស់ខ្លួនលើកទីពីររបស់នាង។ AFP
