.jpg)
ស្ដ្រីម្នាក់ប្រើទូរស័ព្ទនៅខាងក្រៅព្រះវិហារ St Joseph’s ក្នុងក្រុងប៉េកាំងប្រទេសចិន។ AFP
ក្រុងវ៉ាទីកង់៖ និយាយពីផ្លូវអាណាចក្រ ការចុចប៊ូតុងទូរស័ព្ទកុម្ម៉ង់ម្ហូប ទិញស្បែកជើង ឬកក់សំបុត្រ វាជាប្រពៃណីថ្មី។ ប៉ុន្ដែចំពោះផ្លូវនៃពិភពគ្រិស្ដសាសនា សម្ដេចប៉ាប ហ្វ្រង់ស៊ីស ចង់ឱ្យគ្រិស្ដសាសនិកចុចបួងសួង។
បើយោងតាមបុរីវ៉ាទីកង់ បានឱ្យដឹងកាលពីថ្ងៃអង្គារថា កម្មវិធីទូរស័ព្ទ «Click to Pray» កំពុងត្រូវបានដាក់ឱ្យដំណើរការឡើងវិញ ដែលអនុញ្ញាតឱ្យរស្ដសាសនិកក្នុងនិកាយកាតូលិក «ផ្សារភ្ជាប់ការបួងសួងជាមួយពិភពលោក»។
សម្ដេចប៉ាប ហ្វ្រង់ស៊ីស ព្រះជន្ម ៨៤ វស្សា ក៏ជាឥស្សរជនល្បីលើបណ្ដាញសង្គមផងដែរ ដោយទ្រង់មានអ្នកគាំទ្រលើ Twitter ១៩ លាននាក់ និង Instagram ៨,៣ លាននាក់ ដោយទ្រង់សព្វព្រះរាជហារទ័យថតរូបសែលហ្វី ក៏ដូចជាបានឯកភាពថា បណ្ដាញសង្គមអាចជាឱកាសផ្សព្វផ្សាយការជួបជុំគ្នា។
តាំងពីបង្ហាញវត្ដមានដំបូងក្នុងឆ្នាំ ២០១៦ កម្មវិធីទូរស័ព្ទផ្ដោតលើបណ្ដាញសង្គមនេះ ត្រូវបានដោតឡូតជាង ២,៥ ដង ដោយចែកចាយព្រះធម៌ និងឱសារពីសម្ដេចប៉ាប ខណៈអនុញ្ញាតឱ្យអ្នកប្រើប្រាស់បញ្ជូនសារបួងសួងទៅកាន់អ្នកដទៃ។
សម្ដេចប៉ាប ហ្វ្រង់ស៊ីស គ្រវៃដីឡើងក្រោយពេលទ្រង់ស្នើសុំគ្រិស្ដសាសនិកដោនឡូតកម្មវិធីទូរស័ព្ទ Click to Pray»។ AFP
យោងតាមមន្ដ្រីវ៉ាទីកង់បានបង្ហាញថា Click to Pray 2.0 នឹងដាក់ឱ្យដំណើរការនៅថ្ងៃទី ១ ខែវិច្ឆិកា ក្រោយធ្វើតេស្ដសាកល្បងក្នុងចំណោមបុព្វជិនសាសនាសំខាន់ៗក្នុងពិភពលោក។
កម្មវិធីទូរស័ព្ទសេរីថ្មី ដែលមាន ៧ ភាសា បានផ្ដល់ឱកាសឯកជនភាព ដែលអនុញ្ញាតឱ្យអ្នកប្រើប្រាស់កំណត់របៀបវិរៈក្នុងកាលវិភាគសូត្រធម៌ រៀបរាប់ស៊ីជម្រៅអំពីព្រះធម៌ និងតំណរភ្ជាប់ទៅកាន់សកម្មភាពថ្មីៗដែលអនុញ្ញាតដោយវ៉ាទីកង់ ដូចជា ផ្ញើសារទៅកាន់ព្រះជាម្ចាស់។
លោកឪពុកម៉ុងស៊ីងណ័រ លូស៊ីអូ រីហ្ស ជាលេខាDicastery for Communication ដែលរៀបចំបណ្ដាញទំនាក់ទំនង Holy See ទាំងមូល បានប្រាប់ AFP ថា៖ «គំនិតផ្ដួចផ្ដើមនេះចង់ឱ្យមានដំណើរការ App ឡើងវិញ និងបានផ្ដល់ដើមទុនខ្លះៗសម្រាប់គ្រិស្ដសាសនិកបួងសួង ឱ្យមានភាពស្និទ្ធស្នាលគ្នា»។
សួរថា តើ App នេះត្រូវបានដាក់ឱ្យដំណើរការទប់ទល់នឹងការធ្លាក់ចុះនៃចំនួនអ្នកចូលព្រះវិហារនៅបស្ចឹមប្រទេស លោកបានតបវិញថា វាមិនមែនសម្រាប់ជំនួសគ្នានោះទេ។
លោកបានលើកឡើងថា៖ «វាជាវប្បធម៌ត្រូវមានការយោគយល់ ដោយផ្ដោតលើការអាន ស្ដាប់ និងមើលពីចំណុចដែលយើងស្ថិតនៅ ដើម្បីឈានសម្រេចគោលដៅ ពីព្រោះមនុស្សទៅដល់ទីណា ព្រះជាម្ចាស់ច្បាស់ជាមាននៅទីនោះដែរ»៕ AFP/HR
