.jpg)
ម៉ូដែលដើរម៉ូដហ្វាស្សិននៅ Centro Cultural Los Pinosអតីតការិយាល័យប្រធានាធិបតី Los Pinos។ AFP
ក្រុងម៉ិកស៊ីកូ៖ ម៉ិកស៊ិកកំពុងប្រយុទ្ធប្រឆាំងនឹងអ្វីដែលខ្លួនបានហៅថាការលួចស្នាដៃវាយនភណ្ឌជនជាតិដើមភាគតិចដែលនាំឱ្យមានការបង្កើតវេទិកាជជែករវាងអ្នកសិល្បៈប្រពៃណី និងអ្នកឌីហ្សាញអន្ដរជាតិ ក្នុងបំណងចងក្រងជាឧស្សាហកម្មហ្វាស្សិនឱ្យកាន់តែមានសមធម៌។
នៅតាមទីផ្សារលក់សម្លៀកបំពាក់និងគ្រឿងតុបតែងផ្សេងៗដែលស្ថិតនៅកណ្ដាលវាល មានដូចជាខោកប្បាសពណ៌សប្រពៃណី huipilដោយមានការរចនារូបភាពយ៉ាងស្រស់ស្អាតមានពិធីដើរក្បួនហ្វាស្សិនដែលស្រដៀងនឹងពិធីព្យុហយាត្រាមោទនភាពជនជាតិដើមភាគតិច។
រដ្ឋមន្ដ្រីក្រសួងវប្បធម៌អាឡេចចាន់ដ្រាហ្វ្រោស្ដូបានឱ្យដឹងនៅពិធីបើកសម្ពោធពិព័រណ៍ថា៖ «ការលួចចម្លងស្នាដៃមិនមែនជាសួយសារអាករនោះទេ។ចោរមិនមែនជាផ្លែផ្កានៃការខិតខំប្រឹងប្រែងឡើយ»។
អ្នកតម្បាញជនជាតិដើមភាគតិចត្បាញគំរូរូបភាពសិល្បៈដែលយីហោល្បីៗរមែងលួចចម្លង។ AFP
ម៉ិកស៊ិកបានទទួលការសុំទោសកាលពី១ឆ្នាំមុនពីសំណាក់ស្ត្រីអ្នកឌីហ្សាញបារាំង អ៊ីសាបែលម៉ារ៉ាន់ក្រោយពីរដ្ឋមន្ដ្រីហ្វ្រោស្ដូទាមទារឱ្យ ម៉ារ៉ាន់បកស្រាយចំពោះការប្រើប្រាស់គំរូរូបភាពប្រពៃណីរបស់សហគមន៍ Purepecha ក្នុងស្នាដៃរបស់អ្នកស្រី។
បណ្ដឹងស្រដៀងគ្នាជាច្រើនត្រូវបានប្ដឹងប្រឆាំងយីហោផលិតផលធំៗរួមទាំង Zara និង Mango ផងដែរ។
សិប្បករ អ៊ីញ៉ាស៊ីយ៉ូណេតហ្សាហួលខូយ៉ូលបាននិយាយថា៖ «ការលួចចម្លងគឺជាលទ្ធផលនៃកង្វះទំនាក់ទំនង»។
ម៉ូដែលដើរម៉ូដហ្វាស្សិននៅ Centro Cultural Los Pinos អតីតការិយាល័យប្រធានាធិបតី Los Pinos។ AFP
លោកបាននិយាយក្រោយបង្ហាញក្រណាត់របស់ខ្លួនដល់ជនជាតិបារាំង ២នាក់ថា៖ «ការឌីហ្សាញគំរូរូបភាព និងកិច្ចខិតខំប្រឹងប្រែងជាច្រើនម៉ោងត្រូវតែមានតម្លៃរបស់វា»។
ក្រុមអ្នកតម្បាញស្នាដៃសិល្បៈ ដូចជាម៉ាតាសេណាល្វីសអាយុ៥៨ឆ្នាំសង្ឃឹមថាពួកគេកំពុងតែព្យាយាមស្វែងរកកិច្ចទទួលស្គាល់។
អ្នកស្រីបានឱ្យដឹងថា៖ «យើងត្រូវប្រើច្បាប់ដើម្បីប្រឆាំងនឹងជនល្មើសលួចចម្លង។ពួកគេជាចោរ»៕ AFP/HR
ម៉ូដែលដើរម៉ូដហ្វាស្សិននៅ Centro Cultural Los Pinosអតីតការិយាល័យប្រធានាធិបតី Los Pinos។ AFP
ការបង្ហាញផលិតផលកាបូបរបស់ម៉ូដែលនៅCentro Cultural Los Pinos។ AFP
