.jpg)
ទិដ្ឋភាពទីក្រុងម៉ូតូវុនស្ថិតនៅភាគកណ្ដាលឧបទ្វីប Istria ដ៏ល្បីល្បាញខាងផលិតផ្សិតប្រណីត។ AFP
ក្រុងសាក្រេប៖ សំឡេងខ្វាចកកាយដីនៅតាមតំបន់ព្រៃភាគពាយព្យប្រទេសក្រូអាស៊ីជាទីដែលការប្រមាញ់រកផ្សិតត្រូវបានគំរាមកំហែងដោយបម្រែបម្រួលអាកាសធាតុ និងការកាប់បំផ្លាញព្រៃឈើដោយបង្កជាក្ដីបារម្ភថារ៉ែអាហារមាសនេះអាចប្រឈមនឹងហានិភ័យ។
អាកាសធាតុអំណោយផលនៅតំបន់ព្រៃនៃឧបទ្វីប Istria ដ៏ស្រស់ត្រកាលធ្លាប់ទទួលបានប្រជាប្រិយភាពក្នុងការផលិតផ្សិតពណ៌សដ៏មានតម្លៃថ្លៃបំផុតមួយចំនួន ដែលឆ្នាំនេះតម្លៃរបស់វាបានហក់ឡើងដល់ ២៨៦០ដុល្លារ១គីឡូក្រាម។
ប៉ុន្ដែការកើនឡើងនៃសីតុណ្ហភាព និងកម្រិតទឹកភ្លៀងទាបភ្ជាប់ជាមួយបម្រែបម្រួលអាកាសធាតុសកល ដែលកម្រិតប្រភពទឹកធ្លាក់ចុះរួមទាំងការបាត់បង់ជម្រកអាចបន្ថយសីតុណ្ហភាពត្រជាក់បែបធម្មជាតិ ដែលផលិតគ្រឿងផ្សំអាហារប្រណីតនេះ។
ផ្សិតពណ៌សតូចទម្ងន់ត្រឹម ២០ក្រាមក៏មានតម្លៃរហូតដល់១៤៥ដុល្លារ។ AFP
កាកូ មូហ្ស៊ីកា ដែលដឹកនាំសមាគមអ្នកប្រមាញ់ផ្សិត Istra និងក្រុមអ្នកគាំទ្រដោយធ្វើយុទ្ធនាការដើម្បីការពារផ្សិតពណ៌សក្នុងឧបទ្វីបនេះបានត្អូញត្អែរថា៖ «ឥឡូវនេះការស្វែងរកផ្សិតកាន់តែលំបាកជាងការរកទីផ្សារលក់វាទៅទៀត»។
អ្នកនិយមផ្សិតប្រណីតនេះបាននិយាយថាត្រូវមានវិធានការបន្ទាន់ដើម្បីការពារប្រភពផ្សិតប្រណីតនេះ។
អ៊ីវ៉ាន វូកាឌីណូវិក ដែលជាសមាជិកសមាគមអ្នកប្រមាញ់ផ្សិតបាននិយាយថា៖ «តំបន់នេះទាំងមូលនឹងទទួលប្រយោជន៍ពីផ្សិតនេះ»។
អ្នកប្រមាញ់ផ្សិតប្រណីត Istra តាមសត្វឆ្កែរបស់ខ្លួនទៅកាយរកផ្សិត។ AFP
អំឡុងរដូវប្រមូលផលផ្សិតសក្នុងឧបទ្វីប Istria វាមានអាកាសធាតុល្អចាប់ពីខែកញ្ញាដល់ចុងខែធ្នូដោយមានការទាក់ទាញអ្នកប្រមាញ់ជាច្រើនចាប់ពីអ្នកចម្បាំងចុងសប្ដាហ៍រហូតដល់អ្នកស្រុកដែលមានបំណងស្វែងរកចំណូលបន្ថែម។
អ្នកវិទ្យាសាស្ដ្រផ្នែកព្រៃព្រឹក្សា Zeljko Zgrablic បានស្រែកថា៖ «កាយ! កាយ!» ខណៈសុខន ២ក្បាលរបស់លោកកំពុងកាយដីនៅក្បែរគុម្ពព្រៃមួយ។
ក្រោយពីជីកស្រទាប់ដីខាងលើចេញលោក Zgrablic ទាញយកផ្សិតពណ៌សថ្នមៗដែលវាមានទម្ងន់ប្រមាណ២០ក្រាម ឬមានតម្លៃ១៤៥ដុល្លារ។
អ្នកប្រមាញ់ផ្សិតប្រណីត Istra តាមសត្វឆ្កែរបស់ខ្លួនទៅកាយរកផ្សិត។ AFP
Istria នៅតែជាតំបន់ដ៏កម្របំផុតមួយនៅក្រៅដែនដីអាល់បារបស់អ៊ីតាលី ដែលល្បីល្បាញក្នុងការផលិតផ្សិតពណ៌សប្រណីតបំផុត ដោយសារតែអាកាសធាតុសើម និងដីប្រៃដែលអំណោយផលដល់ការដុះលូតលាស់ក៏ដូចជាផ្ដល់ក្លិនឈ្ងុយឈ្ងប់ និងសាច់ក្រាស់។
លោក Zgrablic បាននិយាយពេលពិនិត្យគុណភាពផ្សិតថា៖ «វាមានទម្ងន់ធ្ងន់ល្អរូបរាងក៏ស្អាត ដែលធ្វើឱ្យវាក្លាយជាផលិតផលគុណភាពខ្ពស់»៕ AFP/HR
លោក អ៊ីវ៉ាន វូកាឌីណូវិក អនុប្រធានសមាគមអ្នកប្រមាញ់ផ្សិតប្រណីត Istra តាមសុខន ២ក្បាលទៅកាយរកផ្សិត។ AFP
