.jpg)
តារាចម្រៀងកាណាដា សេលីន ដាយអន ដែលធ្លាប់ឈ្នះពានរង្វាន់ Grammy-Award។ AFP
ក្រុងម៉ុងរ៉េអាល់៖ បងប្អូនប្រុសនិងស្រីរបស់តារាចម្រៀងសេលីន ដាយអនបានរិះគន់ភាពយន្ដជីវិតដ៏ចម្លែករឿង «អាលីន: រាជិនីសំឡេងនៃក្ដីស្រឡាញ់» ដោយយកលំនាំតាមជិវិតពីកុមារភាពរបស់តារា ចម្រៀងសំឡេងគ្រលួច និងគ្រោងដាក់បញ្ចាំងតាមរោងភាពយន្ដនានានៅប្រទេសកំណើតកាណាដានៅថ្ងៃសុក្រនេះ។
ក្លោដេត ដាយអន ជាបងប្អូនស្រីតារាចម្រៀងឈ្នះពានរង្វាន់ Grammy-Award បានប្រាប់កម្មវិធីវិទ្យុ Quebec ដ៏មានប្រជាប្រិយ «La Semaine des 4 Julie» កាលពីល្ងាចថ្ងៃអង្គារថា៖ «ខ្ញុំអត់យល់ពីការប្រើប្រាស់ភាសាក្នុងភាពយន្តនេះ។ សាច់រឿងនេះធ្វើឱ្យខ្ញុំ ខ្ញុំអត់ស្គាល់គ្រួសារខ្ញុំ ខ្ញុំអត់ស្គាល់ពីប្រភពរបស់ខ្លួនឯង»។
អ្នកស្រី និងបងប្អូនប្រុស មីឆែលដាយអនដែលបង្ហាញខ្លួនក្នុងនាមជាភ្ញៀវបាននិយាយថា «កំប្លែងមិនត្រូវសាច់រឿង» ដោយឈុតឆាកជាច្រើនទៅឆ្ងាយហួសពីការពិតហើយពួកគេបានចោទប្រកាន់ ផលិតករ Valerie Lemercier ដែលដឹកនាំ និងសម្ដែងផ្ទាល់ក្នុងភាពយន្ដរឿង Aline ពីបទកាឡៃជីវិត និងឯកជនភាពរបស់បងប្អូនខ្លួន។
ផលិតករ Valerie Lemercier ដែលដឹកនាំ និងសម្ដែងផ្ទាល់ក្នុងភាពយន្តពីជីវិត សេលីន ដាយអន។ AFP
អ្នកស្រីបាននិយាយថា៖ «ម្ដាយរបស់ខ្ញុំមិនដែលនិយាយបែបនោះទៅកាន់ រ៉េណេ (ស្វាម៉ីសេលីន) ហើយសេលីន មិនដែលទាមទារអ្វីឡើយ។ យើងបានឆ្លងកាត់ពពួកក្មេងអាវ៉ាសែខ្លះ»។
លោក រ៉េណេ អេនហ្គេលីល គឺជាអ្នកចាត់ចែងរបស់ សេលីន ដាយអន តាំងពីឆ្នាំ១៩៨១ ពេលនាងអាយុ១២ឆ្នាំ ហើយកាលណោះលោកអាយុ៣៨ឆ្នាំ។ ពួកគេបានរៀបការក្នុងឆ្នាំ១៩៩៤។ លោកបន្តអាជីពជាអ្នកចាត់ចែងរបស់ សេលីន ដាយអន រហូតដល់រយៈពេល២ឆ្នាំមុនមរណភាពរបស់លោកក្នុងឆ្នាំ២០១៦។
ក្រុមអ្នកវិភាគនៅក្រុងកានជាទីដែលភាពយន្ដនេះនឹងត្រូវបានដាក់បញ្ចាំងលើដំបូងក្នុងខែកក្កដាបានជំទាស់គ្នាមិនថាតែសាច់រឿងដ៏ស្រគត់ស្រគំរបស់កំពូលតារាចម្រៀងកាណាដារូបនេះពិតជា «ត្រឹមត្រូវកម្រិតណា និងគួរឱ្យគោរពស្រឡាញ់កម្រិតណា» វានៅតែអត់ប្រយោជន៍ ដោយសារភាពយន្ដ ដែលលោកអ្នកទស្សនានេះគ្រាន់តែទម្រង់សិល្បៈបំផ្លើសប៉ុណ្ណោះ៕ AFP/HR
