The Phnom Penh Post Search

Search form

Logo of Phnom Penh Post newspaper Phnom Penh Post - ​អេ​ហ្ស៊ី​ប​តាំង​បង្ហាញ​វិថី​ក្បាល​ចៀម កប់​ក្រោម​សមុទ្រ​ខ្សាច់​ច្រើន​សតវត្សរ៍​




​អេ​ហ្ស៊ី​ប​តាំង​បង្ហាញ​វិថី​ក្បាល​ចៀម កប់​ក្រោម​សមុទ្រ​ខ្សាច់​ច្រើន​សតវត្សរ៍​

Content image - Phnom Penh Post
ទេសចរ​ដើរ​កាត់​វិថី​ក្បាល​ចៀម​នៅ​ក្រុម​ប្រាសាទ​ Karnak ភាគ​ខាង​ត្បូង​ក្រុង​ Luxor។ រូបថត AFP

​អេ​ហ្ស៊ី​ប​តាំង​បង្ហាញ​វិថី​ក្បាល​ចៀម កប់​ក្រោម​សមុទ្រ​ខ្សាច់​ច្រើន​សតវត្សរ៍​

ក្រុង​គែរ: កាលពី​ថ្ងៃ​ព្រហស្បតិ៍ អេ​ហ្ស៊ី​ប​បាន​បង្ហាញផ្លូវ ​១ ​ខ្សែ ដែល​រំលេច​នូវ​ចម្លាក់​ក្បាល​ចៀម​រាប់រយ តាំងពី​ជាង ៣ ០០០​ ឆ្នាំ នៅក្នុង​កម្មវិធី​សម្ពោធ​ពេល​រាត្រី​នៅ​ប្រាសាទ Karnak Temple ក្នុង​ទីក្រុង Luxor ដ៏​សម្បូរ​បុរាណវត្ថុវិទ្យា​។

​ដោយ​ហៅថា «​វិថី​ចៀម​» ផ្លូវ​ថ្មើរ​ជើង​សង់​ពី​ថ្មកំបោរ ដែល​ត​ភ្ជាប់​ប្រាង្គ​ប្រាសាទ​នានា​នៃ​ក្រុម​ប្រាសាទ Karnak និង​ប្រាសាទ Luxor នៅ​ចំណុចកណ្ដាល​នៃ​ទន្លេ​នី​ល​ភាគខាងត្បូង ត្រូវបាន​បើកសម្ពោធ​ជា​ផ្លូវការ​ដោយ​ប្រធានាធិបតី អាប់​ដែល ហ្វា​ត​តា អាល់​​ស៊ី​ស៊ី នៅក្នុង​ព្រឹ​ត្ដិ​ការណ៍​នាពេល​រាត្រី​ដ៏​អស្ចារ្យ​។

​វិថី​បុរាណ​ ១ ​ខ្សែ​នេះ​មាន​ប្រវែង​ជិត ៣​ គីឡូម៉ែត្រ និង​មានឈ្មោះ​តាម​ព្រេង​ទេវ​កថា​អេ​ហ្ស៊ី​ប​ថា «​វិថី​ព្រះ​»​។ វា​ត្រូវបាន​រចនា​ទាំងសងខាង​ដោយ​ចម្លាក់​ក្បាល​ចៀម​ដែល​ត្រូវបាន​កប់​បាត់​ក្រោម​សមុទ្រ​ខ្សាច់​រយៈពេល​ជាច្រើន​សតវត្សរ៍ មុនពេល​ត្រូវបាន​រកឃើញ និង​ជួសជុល ក៏ដូចជា​ធ្វើការ​បង្ហាញ​ដោយ​ក្រុម​អ្នកសិក្សា​ពី​បុរាណវត្ថុ​អេ​ហ្ស៊ី​ប កាលពីពេល​ថ្មីៗ​នេះ​។

​ចៀម​ជាស​ត្វ​តំណាងឱ្យ​ទេវ​អេ​ហ្ស៊ី​ប​បុរាណ​ឈ្មោះ Amun​។ Karnak Temple  ត្រូវបាន​កសាងឡើង​ពី ២ ០០០ ទៅ ៤ ០០០ ឆ្នាំមុន និង​ត្រូវបាន​ឧទ្ទិស​ដល់ Amun-Ra ជា​អាទិទេព​ព្រះអាទិត្យ​។ វា​គ្របដណ្ដប់​លើ​ផ្ទៃដី ១០០​ហិកតា​។

​ក្រសួងទេសចរណ៍ និង​វត្ថុ​បុរាណ​អេ​ហ្ស៊ី​ប បាន​ប្ដេជ្ញា​លើកតម្កើង​ខ្លួន​ជា​គោលដៅ​ទេសចរណ៍​ដ៏​ពេញនិយម​ក្នុង​ពិភព​អារ៉ាប់ នូវ​ងារ «​សារមន្ទីរ​លម្ហ​មេឃ​»​។ ទេសចរណ៍ អេ​ហ្ស៊ី​ប​បានផ្ដល់​ការងារ​ឱ្យ​ពលរដ្ឋ​ប្រមាណ ២​លាន​នាក់ និង​បង្កើន​ចំណូល​សេដ្ឋ​កិច្ច​ជាតិ​ជាង​ ១០ ​ភាគរយ​។

​អេ​ហ្ស៊ី​ប​គ្រោង​បើកសម្ពោធ​សារមន្ទីរ​អេ​ហ្ស៊ី​ប​ធំថ្មី Grand Egyptian Museum នៅក្បែរ​ប្រាសាទ​ពីរ៉ាមីត​ក្នុង​ក្រុង​គែរ​ ១ ​ទៀត​៕ AFP/HR

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។