.jpg)
ម្អូបកូរ៉េខាងត្បូងនៅភោជណីដ្ឋានមួយនៅឯទីក្រុងហាណូយ។ រូបថត ហ្វេសប៊ុក
ក្រុងហាណូយ: ខណៈកូរ៉េខាងត្បូងខិតខំផ្សព្វផ្សាយម្ហូបរបស់ខ្លួននៅថៃ និងវៀតណាម អ្នកនិយមអាហារកូរ៉េនៅទីក្រុងហាណូយ អាចភ្លក្សម្ហូបល្បីៗកូរ៉េខាងត្បូង ដោយឥតគិតថ្លៃ។
បណ្ណញ៉ាំអាហារឥតគិតថ្លៃ ២ ០០០ សន្លឹក ត្រូវបានបោះពុម្ពចែកចាយសម្រាប់អ្នកដែលចុះឈ្មោះក្នុងកម្មវិធី វិថីអាហារកូរ៉េខាងត្បូងឆ្នាំ២០២១ដែលបន្តរហូតដល់ថ្ងៃទី ៥ ខែធ្នូ នៅបណ្ដាភោជនីយដ្ឋានកូរ៉េខាងត្បូងចំនួន ៥២ កន្លែងនៅក្រុងហាណូយ។
វិថីអាហារកូរ៉េខាងត្បូង គឺជាការផ្ដួចផ្ដើមគំនិតចេញពីកិច្ចសហការរវាងក្រសួងកសិកម្មម្ហូប អាហារ និងកិច្ចការជនបទ និងស្ថានទូតសាធារណរដ្ឋកូរ៉េខាងត្បូងនៅវៀតណាម។
ការផ្ដួចផ្ដើមគំនិតនេះបានសម្ពោធជារូបរាងនៅឆ្នាំ ២០២០ ដើម្បីបង្កើតផែនទីម្ហូបអាហារ ដើម្បីទាក់ទាញអ្នកនិយមវប្បធម៌អាហារកូរ៉េបានភ្លក្សរសជាតិនៅភោជនីយដ្ឋាន និងអាហារដ្ឋាននានា។
ចំនួនបណ្ណញ៉ាំអាហារឥតគិតថ្លៃ អាចត្រូវបានប្រើប្រាស់ដោយមិនកំណត់ទឹកប្រាក់សរុបនៃថ្លៃអាហារ។
អ្នកដែលប្រើប្រាស់បណ្ណញ៉ាំអាហារឥតគិតថ្លៃនេះក៏ទទួលបានឱកាសផ្សងសំណាងទទួលបានរង្វាន់ និងឱកាសទទួលទានអាហារឥតគិតថ្លៃថែមទៀតផងដែរ។
ការផ្សព្វផ្សាយច្រើនពីវប្បធម៌ម្ហូបអាហារកូរ៉េខាងត្បូងនៅវៀតណាម ត្រូវបានធ្វើឡើងស្របពេលដែលរដ្ឋមន្ត្រីកសិកម្ម ស្បៀងអាហារ និងកិច្ចការជនបទកូរ៉េខាងត្បូង គីម ហ៊ុនស៊ូ ធ្លាប់បានលើកឡើងកាលពីខែមីនា ឆ្នាំ ២០២១ ថា លោកនឹងខិតខំធ្វើកិច្ចការដើម្បីប្រឆាំងនឹងការបន្លំអត្តសញ្ញាណ និងប្រភពម្ហូបកូរ៉េខាងត្បូង នៅបណ្ដាប្រទេសដទៃ។
លោកបាននិយាយថា៖ «វៀតណាម និងថៃ គឺជាកន្លែងដំបូងដែលយើងនឹងចាប់ផ្ដើម ដោយលើកកម្ពស់ការយល់ដឹងពីម្ហូបអាហារកូរ៉េខាងត្បូងតាមរយៈកម្មវិធីទូរទស្សន៍ ទស្សនាវដ្ដីម្ហូបអាហារ និងបណ្ដាញសង្គមឌីជីថលជាដើម»៕ VNS/ANN
