.jpg)
ផ្ទាំងរូបភាពផ្សព្វផ្សាយភាពយន្តរឿង House of Gucci ដែលសម្តែងដោយតារាចម្រៀង ឡេឌី ហ្កាហ្កា និងដឹកនាំដោយ Ridley Scott។ AFP
ក្រុងមីឡង់៖ អ្នកស្នងមរតកនៃប្រ៊េនដ៍ល្បីរបស់អ៊ីតាលី Gucci កាលពីថ្ងៃចន្ទបានគំរាមចាត់វិធានការផ្លូវច្បាប់លើខ្សែភាពយន្តថ្មីរបស់ Ridley Scott រឿង House of Gucci សម្រាប់ការពណ៌នាសមាជិកគ្រួសារថាជា «មនុស្សក្បត់» ។
ខ្សែភាពយន្តដែលកំពុងទទួលបានការចាប់អារម្មណ៍ពីអូស្ការរួចហើយ តារាចម្រៀង និងសម្ដែង ឡេឌី ហ្កាហ្កា (Lady Gaga) ដើរតួជា Patrizia Reggiani ដែលត្រូវបានផ្តន្ទាទោសពីបទមានអ្នកស្នងម៉ូដសម្លៀកបំពាក់ Maurizio Gucci (សម្តែងដោយ Adam Driver) ធ្វើឃាតក្នុងទសវត្សរ៍ឆ្នាំ១៩៩០។
សំបុត្រដែលចុះហត្ថលេខាដោយអ្នកស្នងមរតករបស់ស្ថាបនិក Aldo Gucci ដែលបោះពុម្ពដោយទីភ្នាក់ងារព័ត៌មាន ANSA របស់ប្រទេសអ៊ីតាលីបាននិយាយថា៖ «គ្រួសារ Gucci រក្សាសិទ្ធិក្នុងការទទួលយករាល់គំនិតផ្តួចផ្តើម ដើម្បីការពារឈ្មោះ រូបភាព និងកិត្តិយសរបស់ពួកគេ និងមនុស្សជាទីស្រឡាញ់របស់ពួកគេ»។
ខ្សែភាពយន្តនេះដឹកនាំដោយអ្នកដឹកនាំរឿងជនជាតិអង់គ្លេស Ridley Scott ដែលធ្លាប់បង្កើតវណ្ណកម្មខ្សែភាពយន្តល្បីៗមួយចំនួនក្នុងរយៈពេល ៤០ឆ្នាំកន្លងមកនេះ រួមមានរឿង "Blade Runner", "Alien", "Gladiator" និង "Thelma and Louise" ជាដើម។
ខ្សែភាពយន្ត House of Gucci ដឹកនាំដោយអ្នកដឹកនាំរឿងជនជាតិអង់គ្លេស Ridley Scott។
អ្នកស្នងមរតកនៃប្រ៊េនដ៍ល្បីអ៊ីតាលី Gucci នោះបាននិយាយថា ក្រុមគ្រួសារខ្លួនមានការអាក់អន់ចិត្តជាពិសេសចំពោះការពណ៌នារបស់ Reggiani ថា ស្ត្រីម្នាក់ត្រូវបានកាត់ទោសយ៉ាងច្បាស់លាស់ពីបទបញ្ជាឱ្យធ្វើឃាត Maurizio Gucci ... ជាជនរងគ្រោះ»។
ខ្លឹមសារនៃសំបុត្រនោះបានបរិយាយថា Aldo Gucci និងសាច់ញាតិត្រូវបានសាច់រឿងលាបពណ៌បង្ហាញថាជា «មនុស្សល្ងង់ខ្លៅ និងមិនយល់ចិត្តចំពោះពិភពលោកជុំវិញពួកគេ»។
គ្រួសារ Gucci លែងជាប់ពាក់ព័ន្ធនឹងប្រ៊េនដ៍ហ្វេស្សិនមួយនេះចាប់តាំងពីទសវត្សរ៍ឆ្នាំ១៩៩០មក ហើយយីហោប្រណីតនេះបច្ចុប្បន្នត្រូវបានគ្រប់គ្រងដោយក្រុមហ៊ុនបារាំង Kering។
ភាពយន្តនេះបានចាក់បញ្ចាំងនៅប្រទេសអង់គ្លេសមុនខែវិច្ឆិកា ហើយនឹងចេញនៅប្រទេសអ៊ីតាលីនៅថ្ងៃទី ១៦ ខែធ្នូ ខាងមុខនេះ៕ AFP
ខ្សែភាពយន្តដែលកំពុងទទួលបានការចាប់អារម្មណ៍ពីអូស្ការរួចហើយ តារាចម្រៀង និងសម្ដែង ឡេឌី ហ្កាហ្កា សម្ដែងជាតួឯក។ AFP
