The Phnom Penh Post Search

Search form

Logo of Phnom Penh Post newspaper Phnom Penh Post - ជិត ២​ ឆ្នាំ​ ​ដែនកោះ​ដែលមានប្រជាជន​មិន​ដល់ ២​ ម៉ឺន​នាក់ ​រក​ឃើញ​ករណី​​ជំងឺកូវីដ លើក​ដំបូង​បង្អស់​




ជិត ២​ ឆ្នាំ​ ​ដែនកោះ​ដែលមានប្រជាជន​មិន​ដល់ ២​ ម៉ឺន​នាក់ ​រក​ឃើញ​ករណី​​ជំងឺកូវីដ លើក​ដំបូង​បង្អស់​

Content image - Phnom Penh Post
ទិដ្ឋភាពកោះដ៏ធំបំផុត​រ៉ារ៉ូតុងហ្គា នៅ​ប្រជុំកោះឃុក ដែលមាន​ប្រជាជនសរុប​តែ ១៧០០០​នាក់។ AFP

ជិត ២​ ឆ្នាំ​ ​ដែនកោះ​ដែលមានប្រជាជន​មិន​ដល់ ២​ ម៉ឺន​នាក់ ​រក​ឃើញ​ករណី​​ជំងឺកូវីដ លើក​ដំបូង​បង្អស់​

ក្រុង​វែលលីងតុន៖ ប្រទេស​ប្រជុំកោះ​ឃុក (The Cook Islands) កាល​ពីថ្ងៃ​សៅរ៍ បាន​កត់ត្រា​ករណី​អ្នក​ជំងឺ​កូវីដ ១៩ ជា​លើកដំបូង​ ចាប់តាំងពី​ពិភពលោក​ធ្លាក់​ក្នុង​វិបត្ដិ​សុខុមាលភាព​សកលលើក​ដំបូង ខណៈ​ប្រទេស​នៅ​តំបន់​ប៉ាស៊ីហ្វិក​ខាង​ត្បូង​ដ៏​តូចមួយ​នេះ​បាន​ប្រកាស​បើក​ទ្វារ​ស្វាគមន៍​ភ្ញៀវ​ទេសចរ។

ដែនកោះ​ដែល​មាន​ប្រជាជនសរុប​តែ ១៧០០០​នាក់ មានអត្រា​ចាក់វ៉ាក់សាំង​ច្រើន​បំផុត​មួយ​ក្នុង​ពិភពលោក ដោយ​ពលរដ្ឋគ្រប់​អាយុ​ ៩៦​ភាគរយ​ទទួលបាន​ការ​ចាក់​វ៉ាក់សាំងគ្រប់​ដូស។

នាយករដ្ឋ​មន្ដ្រី ម៉ាក ប្រោន បាន​ឱ្យដឹង​ក្នុង​សេចក្ដី​ថ្លែងការណ៍​ថា ករណីដំបូង​នេះ​ត្រូវបាន​រក​ឃើញ​លើ​កុមារា​ម្នាក់​អាយុ ១០​ឆ្នាំ ដែល​កំពុង​ធ្វើ​ចត្ដាឡីស័ក ក្រោយ​ពី​មក​ធ្វើដំណើរ​តាម​ជើង​ហោះហើរ​ជាមួយ​ក្រុម​គ្រួសារ​កាលពី​ថ្ងៃ​ព្រហស្បតិ៍។

កុមារា​រូប​នោះ​ត្រូវបានគេដឹង​ថា​បាន​ធ្វើដំណើរមកពី​ប្រទេស​នូវែលសេឡង់។

Content image - Phnom Penh Post
រូបតំណាង៖ ប្រទេស​ប្រជុំកោះ​ឃុក (The Cook Islands) បាន​កត់ត្រា​ករណី​អ្នក​ជំងឺ​កូវីដ១៩ ជា​លើកដំបូង។ AFP

លោក ប្រោន បាន​បន្ដថា​៖ «​យើង​បាន​ត្រៀម​ខ្លួន​សម្រាប់​វេលា​ដែល​យើង​បើក​ព្រំដែន​ឡើង​វិញ។ ការ​បើកប្រទេស​សាកល្បងនេះ បាន​បង្ហាញ​ពី​សមត្ថភាព​នៃការ​ត្រៀម​ខ្លួន​​យ៉ាង​ល្អ​»។

ប្រទេស​ដែន​កោះ ដែល​បាន​បិទ​ព្រំដែន​ប្រជុំកោះ​ចំនួន១៥ របស់ខ្លួន​ ពេល​ផ្ទុះ​ការ​រាត​ត្បាតលើក​ដំបូង បាន​ប្រកាស​ផែនការ​បន្ដ​ការ​ធ្វើ​ដំណើរ​ដោយ​មិន​ចាំបាច់​ធ្វើ​ចត្ដាឡីស័ក​ជាមួយ​ប្រទេស​នូវែលសេឡង់​ នៅ​ថ្ងៃទី១៤ ខែ​មករា​ខាង​មុខ។

ផែនការ​ស្ដារ​វិស័យ​ទេសចរណ៍​ជាមួយ​នូវែលសេឡង់ ត្រូវបាន​អាក់ខាន​តាំងពី​ដើម​ឆ្នាំ ពេល​មាន​ការ​ផ្ទុះ​ការ​រីករាល​ដាល​នៅ​ អូកលែន៕ AFP/HR

អត្ថបទគួរចាប់អារម្មណ៍

  • ភ្នំពេញៈ ក្រុមហ៊ុន Longfruiter Anlong Veng Oddor Meanchey Agriculture Park Co., Ltd បាន​បញ្ចេញ​ប្រាក់​វិនិយោគ ៥១ ​លាន​ដុល្លារ​ទៅលើ​ការដាំ​ដំណាំ​ចេក និង​ដំណាំ​ហូប​ផ្លែ​មួយចំនួន​នៅក្នុង​ស្រុក​អន្លង់វែង ខេត្ត​ឧត្តរមានជ័យ ដើម្បី​ជំរុញ​ការនាំចេញ ពិសេស​ទៅ​ទីផ្សារ​ប្រទេស​ចិន​។

  • ភ្នំពេញៈ មូលនិធិ​កម្ពុជា​ប្រឆាំង​កូវីដ​ ១៩ បន្ត​អំពាវនាវ​ដល់​សប្បុរជន​ឱ្យ​ចូលរួម​បរិច្ចាគ​ធនធាន ដើម្បី​រួមចំណែក​ក្នុងការ​ឧបត្ថម្ភ​ទ្រទ្រង់​ដល់​ពលរដ្ឋ​ដែល​កំពុង​ជួប​ការលំបាក និង​ក្រុមគ្រូពេទ្យ​អាវស អំឡុងពេល​ប្រយុទ្ធប្រឆាំង​ជំងឺ​កូវីដ ខណៈ​មូលនិធិ​នេះ​បាន​ជួយ​ដល់​ពលរដ្ឋ​ជាង ១ ​ម៉ឺន​គ្រួសារ តាមរយៈ​ការផ្តល់​ជា​គ្រឿង​បរិភោគ និង​កញ្ចប់​ថ្នាំ​ជាដើម​។

  • ភ្នំពេញៈ ​ជន​ជាប់ឃុំ​នៅតាម​ពន្ធនាគារ និង​មណ្ឌល​អប់រំ​កែប្រែ​រាជធានី​-​ខេត្ដ​ជាង ២ ​ពាន់​នាក់​បាន​ចាក់​វ៉ាក់សាំង​បង្ការ​ជំងឺ​កូវីដ​ ១៩ ​ដូស​ទី​ ៣ និង​កំពុង​បន្ត​ចាក់​ដូស​ជំរុញ​នេះ​បន្ថែមទៀត ខណៈ​ជន​ជាប់ឃុំ​សរុប​ប្រមាណ ៣៨ ០០០ ​នាក់​បាន​ចាក់​ ២​ ដូស​រួចហើយ​។

  • ភ្នំពេញៈ ​សាកលវិទ្យាល័យ និង​គ្រឹះស្ថាន​អប់រំ កម្រិត​ឧត្ដមសិក្សា​សាធារណៈ និង​ឯកជន​ប្រមាណ​ ២០ នៅ​ថ្ងៃទី​ ២៩ ខែមករា ខាងមុខនេះ​នឹង​រៀបចំ «​ពិព័រណ៍​ជំនាញ និង​សាកលវិទ្យាល័យ​» ​តាម​អន​ឡាញ​ដើម្បីឱ្យ​វាគ្មិន​ជំនាញ​ចែករំលែក​ចំណេះដឹង បទពិសោធ ដល់​និស្សិត​លើ​ការជ្រើសរើស​មុខជំនាញ​សិក្សា និង​សាកលវិទ្យាល័យ​សិក្សា​នៅក្នុង​ប្រទេស​កម្ពុជា​។

  • ភ្នំពេញៈ ជប៉ុន​បាន​ផ្ដល់​រថយន្ត​ពន្លត់​អគ្គិភ័យ​ចំនួន​ ៤ ​គ្រឿង​ដល់​អង្គភាព​ការិយាល័យ​នគរបាល​បង្ការ ពន្លត់​អគ្គិភ័យ និង​សង្គ្រោះ​នៃ​ស្នងការដ្ឋាន​នគរបាល​រាជធានី​ភ្នំពេញ ដើម្បី​ចូលរួមចំណែក​ធ្វើឱ្យ​ប្រសើ​ឡើង​នូវ​ប្រសិទ្ធភាព​ការងារ​ឆ្លើយតប និង​ការ​កាត់បន្ថយ​នូវ​ហានិភ័យ​នានា ដែល​បង្កឡើង​ដោយ​គ្រោះ​អគ្គិភ័យ​នៅ​កម្ពុជា ពិសេស​ក្នុង​រាជធានី​ភ្នំពេញ​។

  • ភ្នំពេញៈ ​សាជីវកម្ម​ធានាឥណទាន​កម្ពុជា (CGCC) និង​មជ្ឈមណ្ឌល​បច្ចេកវិទ្យា និង​ព័ត៌មាន​ជីវឧស្ម័ន (BTIC) នៅ​ថ្ងៃទី​ ២៤ ខែមករា បាន​ចុះ​អនុស្សរណៈ​ជាមួយ​គ្នា ដើម្បី​លើកកម្ពស់​បរិយាកាស​អំណោយផល​ដល់​ការវិនិយោគ​លើ​បច្ចេកវិទ្យា​ជីវឧស្ម័ន​ខ្នាត​ធំ​នៅ​កម្ពុជា​ដើម្បី​រួមចំណែក​កាត់​បន្ថយ​ការប្រែប្រួល​អាកាសធាតុ​។ នេះ​បើតាម​សេចក្ដី​ប្រកាស​ព័ត៌មាន​។