The Phnom Penh Post Search

Search form




Logo of Phnom Penh Post newspaper Phnom Penh Post - តារា​ស្រី​ជើងចាស់ អម្ពរ ទេវី រំភើបចិត្ត​ខ្លាំង​នឹង​ថ្ងៃកំណើត​ចៅប្រុស​ដំបូង​

តារា​ស្រី​ជើងចាស់ អម្ពរ ទេវី រំភើបចិត្ត​ខ្លាំង​នឹង​ថ្ងៃកំណើត​ចៅប្រុស​ដំបូង​

Content image - Phnom Penh Post
អតីត​តារាសម្តែងស្រីជើងចាស់​ អ្នកស្រី អម្ពរ ទេវី​ បង្ហើប​រឿង​បាន​កាដូ​​​ឆ្នាំ ២០២២ គឺ​ជាកំណើតចៅប្រុស​ដំបូង។ រូប ហ្វេសប៊ុក​

តារា​ស្រី​ជើងចាស់ អម្ពរ ទេវី រំភើបចិត្ត​ខ្លាំង​នឹង​ថ្ងៃកំណើត​ចៅប្រុស​ដំបូង​

​ភ្នំពេញៈ នាពេល​ថ្មីៗ​នេះ បង្កើត​នូវ​ភាព​ភ្ញាក់​ផ្អើល​ខ្លាំង​ពី​អ្នកលេង​បណ្តាញ​សង្គម ខណៈ​យូរៗ​ម្តង​ទើប​ឃើញ​មាន​លេចឮ​នូវ​ដំណឹង​ពី​អតីត​តារា​សម្តែង​ជើងចាស់ អ្នកស្រី អម្ពរ ទេវី ដែល​កំពុងតែ​រស់​នៅឯ​នាយ​សមុទ្រ​លើទឹក​ដីសហរដ្ឋអាមេរិក​។​

​អ្វីដែល​ធ្វើ​គេ​ចាប់អារម្មណ៍​ខ្លាំង​នោះ គឺ​នា​ដើម​​ឆ្នាំ ​២០២២ ​នេះ ស្រាប់តែ​អ្នកស្រី អម្ពរ ទេវី បាន​បង្ហើប​ដំណឹង​ដ៏​សែន​រីករាយ និង​រំភើបចិត្ត ប្រៀប​បី​ដូចជា​ទទួលបាន​កាដូ​ពិសេស សម្រាប់​ឆ្នាំ​ថ្មី​។

​តារាភាពយន្ត​វ័យ​ជាង​ហាសិប​ប្លាយឆ្នាំ ដែលជា​ដៃគូ​សម្តែង​ដ៏​ស័ក្ដិសម​ជាមួយនឹង​លោក ទេព រិន្ទ​ដា​រ៉ូ បង្ហោះ​សារ​ថា​៖ «​ជម្រាបសួរ ពុក​ម៉ែ អ៊ំ ពូ មីង បងប្អូន​ទាំងអស់គ្នា ថ្ងៃនេះ​នាង ខ្ញុំ​បានទទួល​នូវ​កាដូ​ពិសេស​មួយ​ដ៏​អស្ចារ្យ នោះ​គឺជា​កំណើត​ចៅប្រុស ដំបូង​របស់​នាង​ខ្ញុំ ឈ្មោះ Lionel G-Phirun ហៅ (​អានន្ទ​) Anun ជាទី​ស្រឡាញ់ ដែល​បានចាប់កំណើត​ក្នុង​ក្រុមគ្រួសារ​របស់​យើង​»​។​

​តារា​ជើងចាស់​រូបនេះ​បន្ត​ជូនពរជ័យ​ដល់​ចៅ​​ប្រុស និង​កូនប្រសា​ស្រី​ថា​៖ «​ជា​ក្ដី​សោមនស្ស​ដ៏​ពន់ពេក និង​ជា​អារម្មណ៍​មួយ​-​ដ៏​ពិសេស ក្នុងនាម​ជា​ជីដូន​ ១​ រូប​ និង​ជា​ម្ដាយក្មេក​។ ម៉ាក់ សូម​ជូនពរ​កូន​ឆាប់​មាន​សុខ​​ភាពល្អប្រសើរ​ឡើងវិញ និង​សូម​ជូនពរ​ឱ្យ​ចៅប្រុស មាន​សុខ​ភាពល្អ ប្រាជ្ញា​​វាងវៃ ជា​បុគ្គល​ដ៏​ល្អ មានគុណ​ធម៌ សប្បុរស និង​ភាពកក់ក្ដៅ​ពី​អ្នកផង​ទាំងពួង​»​។​

​គួរ​រំឭក​ដែរ​ថា តារា​ភាព​​យន្ត មាន​វ័យ​ហាសិប​ប្លាយ​អ្នកស្រី អម្ពរ ទេវី ធ្លាប់​មក​​លេង​មាតុប្រទេស និង​បាន​ថតកុន​ចុងក្រោយ​ឱ្យ​ផលិតករ​ល្បី​គឺ​អ្នកស្រី ពាន់​ ភួង​បុប្ផា ក្នុង​កុន​រឿង​មាន​ចំណងជើង​ «​ទឹកចិត្ត​ម្តាយ​​សម័យថ្មី​» កាលពី​ឆ្នាំ ​២០១៦៕

អត្ថបទគួរចាប់អារម្មណ៍