The Phnom Penh Post Search

Search form




Logo of Phnom Penh Post newspaper Phnom Penh Post - ​ផុត​បុណ្យ​ណូអែល ដល់​វេលា​ហ្វូង​ពពែ​ជប់លៀង​ដើម​គ្រិស្ដ​ស្មាស់​វិញ​ម្ដង​

​ផុត​បុណ្យ​ណូអែល ដល់​វេលា​ហ្វូង​ពពែ​ជប់លៀង​ដើម​គ្រិស្ដ​ស្មាស់​វិញ​ម្ដង​

Content image - Phnom Penh Post
ពពែ​ចោមរោមស៊ីដើមគ្រិស្តស្មាស់ និង​ជា​ថ្នាំបញ្ចុះសត្វ​ល្អិត​ពីធម្មជាតិ​​​​។ រូបថត AFP

​ផុត​បុណ្យ​ណូអែល ដល់​វេលា​ហ្វូង​ពពែ​ជប់លៀង​ដើម​គ្រិស្ដ​ស្មាស់​វិញ​ម្ដង​

ក្រុង​ឡុង​ដ៍: ពពែ​ ១​ ហ្វូង​ ដែល​សម្រុកចូល​កសិដ្ឋាន​ទីក្រុង​ឡុង​ដ៍ បាននាំគ្នា​ស៊ី​ដើម​គ្រិស្ដ​ស្មាស់​រាប់រយ​ដើម ជាការ​បរិច្ចាគ​របស់​ពលរដ្ឋ​ក្នុង​កិច្ចការ​រៃអង្គាសប្រាក់​មួយ​។
​ពពែ ៨ ​ក្បាល​ស៊ី​ដើម​ស្រ​ល់បោះ​​ចោល ដែល​កសិដ្ឋាន​ទីក្រុង ​Kentish Town City Farm ធ្វើការ​ប្រមូល​ពី​ក្រៅ​ផ្ទះ​ប្រជាពលរដ្ឋ​ក្នុង​តំបន់​។

​សមាគម Trustee Angela Woods បានឱ្យដឹងថា​៖ «​គម្រោង​នេះ​ចាប់ផ្ដើម​កាលពី​ឆ្នាំមុន នៅពេល​បុគ្គលិក​យើង​ម្នាក់​ដែល​ស្រឡាញ់​ចូល​ចិ​ត្ដ​ពពែ បាន​មើលឃើញ​វីដេអូ​ពពែ​ស៊ី​ដើម​គ្រិស្ដ​ស្មាស់ និង​គិតថា អូ​! ខ្ញុំ​អាច​សាកល្បង​ធ្វើ​រឿងនេះ​»​។

​ស្ដ្រី​រូបនេះ បាន​ពន្យល់ថា ចុង​ស្រស់​មិន​ត្រឹម​តែមាន​រសជាតិ​ឆ្ងាញ់ តែ​ក៏​ជា «​ថ្នាំ​បញ្ចុះ​សត្វល្អិត​ធម្មជាតិ​» ចំពោះ​ពពួក​ពពែ​ទាំងនោះ រួមមាន​មេក្រុម​អាយុ ៤ ​ឆ្នាំ Rockie បាននាំគ្នា​ស៊ី​ដើមឈើ​តាំង​លម្អ​ទាំងនោះ​។

​ក្នុងការ​បង្ហោះ​វីដេអូ​នៅលើ​បណ្ដាញ​​សង្គម Twitter ហ្វូង​ពពែ​ទាំងនោះ​ឱនក្បាល​គោរព​ក្រុមការងារ​ដែល​អូស​ដើម​គ្រិស្ដ​ស្មាស់ រួច​កាត់​ស្លឹក​ចុងៗ ពេលដេក​ក្នុង​ភក់​។ ពួកគេ​ស៊ី​គ្រប់យ៉ាង លើកលែង​ដើម​ដ៏​រឹង​។

​ក្រោយពី​ដំណើរការ​គម្រោង​នេះ​កាលពី​ឆ្នាំមុន កសិដ្ឋាន​បាន​ពង្រីក​វិសាលភាព​ដល់​ចំនួន ៦៥០ ​ដើម សម្រាប់​ជា​ចំណី​ដ៏​ឆ្ងាញ់​ពិសា​របស់​ពពួក​ពពែ​។ ចំណែក​សេសសល់​នឹងត្រូវ​ដឹក​ទៅ​កាត់​ចិញ្ច្រាំ​សម្រាប់​ឧទ្យាន​ក្បែរ​ខាង​នោះ​។

Content image - Phnom Penh Post
រថយន្ត​វ៉ែន​ប្រមូលដើមគ្រិស្តស្មាស់​តាមផ្ទះ​ដែល​សេសសល់ពី​ថ្ងៃបុណ្យ​។ រូបថត AFP

​ដើម​គ្រិស្ដ​ស្មាស់​ត្រូវបាន​ប្រមូល​ដោយ​ក្រុមហ៊ុន​រថយន្ដ​វ៉ែន​ ១ ​គ្រឿង ​ដែល​អ្នកស្រុក​បាន​កក់​ទុក​មុន​ក្នុងតម្លៃ ១៣,៥០ ​ដុល្លារ ខណៈ​តម្លៃ ២០,៣០ ​ដុល្លារ ពួកគេ​ក៏​ទទួលបាន​លិខិត​ថ្លែងអំណរគុណ ​១ ​សន្លឹក​ផងដែរ​។ ការ​រៃអង្គាសប្រាក់​នោះ គ្រោង​កំណត់​ទឹកប្រាក់ ១១ ៥០០ ​ដុល្លារ​។

​សមាគម Woods បាន​បន្ដថា​៖ «​កុមារ​មួយចំនួន​បាន​បិត​លិខិត​នោះ​លើ​ដើមឈើ​ឱ្យ​ពពែ​វិញ​»​។

​សម្រាប់​ពលរដ្ឋ​ក្នុង​ទីក្រុង​ដែល​គ្មាន​សួន ឬ​ឡ​ដុត​រំលាយ​ដើម​គ្រិស្ដ​ស្មាស់ ដែល​តាម​ប្រពៃណី​ត្រូវយក​ចេញពី​កន្លែង​តាំង​លម្អ​នៅ​ថ្ងៃទី ​៦ ខែមករា គឺជា​រឿង​ដ៏​គួរឱ្យ​ឈឺក្បាល​មួយ​។

​គម្រោង​នេះ​ គឺជា​ដំណោះស្រាយ​ដ៏​ល្អឥតខ្ចោះ ហើយ​វា​ក៏​ល្អ​សម្រាប់​ពពែ និង​ល្អ​សម្រាប់​កសិដ្ឋាន​ថែមទៀត​។

​នៅពេល​កសិដ្ឋាន​ជួប​វិបត្ដិ​ហិរញ្ញវត្ថុ​កាលពី ២ ​ឆ្នាំមុន ម្ចាស់ជំនួយ​ជនជាតិ​រុស្ស៊ី​ដែល​លាក់​អត្ដ​សញ្ញាណ​ម្នាក់ បាន​ចូលខ្លួន​មកជួយ និង​បានផ្ដល់​ប្រាក់​ជាង ១៣ ​ម៉ឺន​ដុល្លារ ទ្រទ្រង់​សេដ្ឋកិច្ច​កសិដ្ឋាន​ឡើងវិញ​៕ AFP/HR

អត្ថបទគួរចាប់អារម្មណ៍