.jpg)
ការសម្ដែងម៉ុងសាយក្នុងទឹកនៅសួនទឹក Aquaria ប្រទេសម៉ាឡេស៊ី។ រូបថត AFP
ក្រុងគួឡាឡាំពួ: ដោយមើលឃើញមច្ឆា និងអណ្ដើកហែលឆ្វេចឆ្វាចនៅជុំវិញខ្លួន ក្រុមអ្នកមុជទឹកឡកម៉ុងសាយនៅសួនទឹកម៉ាឡេស៊ី មុនពេលស្វាគមន៍បុណ្យឆ្នាំប្រពៃណីចិន។
មនុស្ស ២ នាក់ ដែលគ្រងឈុតសម្លៀកបំពាក់តោចម្រុះពណ៌បានចុះសួនទឹកនៅក្រុងគួឡាឡាំពួ ខណៈក្រុមតន្ដ្រីលេងចង្វាក់រន្ថាន់ជាមួយឧបករណ៍ស្គរ និងឆាប។ អណ្ដើក និងត្រីចម្រុះពណ៌ហែលឆ្វែលស្ដេចសត្វព្រៃ ខណៈវាហក់លោតតាមចង្វាក់ភ្លេងនៅមុខថ្ម។
នាយកប្រតិបត្ដិ Aquaria លោក Daryl Foong បានប្រាប់អ្នកសារព័ត៌មានថា៖ «ការឡកម៉ុងសាយក្នុងទឹកពិតជាមានលក្ខណៈវិសេស គឺនៅក្នុងសួនទឹក»។
លោកបានបន្ថែមថា ការឡកម៉ុងសាយក្នុងបរិស្ថានខុសប្រក្រតីនេះ ក្រុមអ្នកជ្រមុជទឹកទទួលបានការហ្វឹកហ្វឺនពិសេស និងប្រើប្រាស់សម្លៀកបំពាក់ដែលស្រាលក្នុងការងាយស្រួលបត់បែនក្នុងទឹក។
សួនទឹក Aquaria បានបង្កើតកម្មវិធីឡកម៉ុងសាយក្នុងទឹកជាច្រើនដងមកហើយនៅប៉ុន្មានឆ្នាំចុងក្រោយនេះ។
ការឡកម៉ុងសាយ គឺជាប្រពៃណីដូនតារបស់ជនជាតិចិនក្នុងប្រទេសចិន និងសហគមន៍ជនជាតិចិននៅទូទាំងពិភពលោក ដើម្បីអបអរបុណ្យចូលឆ្នាំថ្មី ដែលនឹងចាប់ផ្ដើមនៅដើមខែកុម្ភៈ ខាងមុខនេះ។
ក្នុងទម្រង់សិល្បៈប្រពៃណីទាំងអស់ អ្នកឡកម៉ុងសាយ ២ ឬច្រើននាក់បានរួមគ្នាចូលក្នុងឈុតតោតែមួយ និងព្យាយាមធ្វើចលនាឱ្យដូចសត្វតោ ទៅតាមចង្វាក់ស្គរ។
អ្នកខ្លះជឿថា ការឡកម៉ុងសាយអាចជួយដេញដួងព្រលឹងបិសាច និងនាំយកហុងស៊ុយ។ ពលរដ្ឋម៉ាឡេប្រមាណ ១ ភាគ ៣ នៃចំនួនប្រជាជាតិសុរប ៣២ លាននាក់ ដែលកាន់សាសនាអ៊ិស្លាម គឺមានខ្សែស្រឡាយកាត់ចិន៕ AFP/HR
