.jpg)
សម្រង់រូបភាពពីវីដេអូបង្ហាញអ្នកស្រី ស៊ាវ ហ៊ួរមុី ត្រូវបានដាក់ច្រវាក់បង្ខាំងក្នុងផ្ទះខ្ទម។
ក្រុងប៉េកាំង: អាជ្ញាធរចិនបានឱ្យដឹងកាលពីថ្ងៃពុធថា ពួកគេបានចាប់ខ្លួនបុរសម្នាក់ពីបទដាក់ច្រវាក់ភរិយាក្នុងខ្ទម និងដាក់ទណ្ឌកម្មមន្ដ្រីមូលដ្ឋានយ៉ាងតិច ១៧ នាក់ក្នុងបទចោទដែលបានការរិះគន់តាមអនឡាញ។
ឧប្បត្ដិហេតុនេះបានបង្កជាការជជែកដេញដោលលើបញ្ហាសុខភាពផ្លូវចិត្ដ និងការជួញដូរមនុស្សក្នុងខែមករា ក្រោយពីវីដេអូប្លុក ១ បង្ហាញរូបស្ដ្រីជាប់ច្រវាក់ពាក់កក្រោមសីតុណ្ហភាពដ៏ត្រជាក់ក្នុងខេត្ដជៀងស៊ូ។
ក្រុមអាជ្ញាធរខេត្ដ បាននិយាយថា ស្ដ្រីរូបនេះត្រូវបានមើលឃើញជាមនុស្សមានជំងឺផ្លូវចិត្ដ និងត្រូវបានលក់ជាច្រើនលើកច្រើនសា រួមទាំងការជួញដូរម្ដងកាលពីឆ្នាំ ១៩៩៨ តម្លៃ ៥ ០០០ យន់ (៧៩០ ដុល្លារ) ក្រោយពីត្រូវបានយកចេញពីភូមិនៅភាគនិរតីខេត្ដយុនណាន។
មន្ដ្រីបានឱ្យដឹងថា អាជ្ញាធរធ្វើសកម្មភាពពិសេសដើម្បីបើកការស៊ើបអង្កេតយ៉ាងហ្មត់ចត់ និងធ្វើឱ្យស្របទៅនឹងការបំពានសិទ្ធិ។
ពួកគេបានបន្ថែមថា ស្ដ្រីវិកលចរិតរូបនេះដែលត្រូវបានគេហៅតៗគ្នា ស៊ាវ ហ៊ួរម៉ី ដែលមានន័យថា «ផ្កាភ្លាំងតូច» ទំនងជាឈ្មោះរហស្សនាម គឺជាម្ដាយកូន ៨ នាក់ ហើយបានទទួលការព្យាបាលនៅមន្ទីរពេទ្យ។
អ្នកស្រី ស៊ាវ ហ៊ួរម៉ី ត្រូវបានជឿថា បានបាត់ខ្លួនក្រោយពីរស់នៅប៉ុន្មានខែជាមួយបុរសម្នាក់ក្នុងខេត្ដជៀងស៊ូ ដែលបានទិញរូបនាង។
មិនយូរប៉ុន្មាន នាងត្រូវបានប្ដីប្រពន្ធ ២ នាក់ នាំយកទៅតាម។ ពួកគេជា អ្នកបើកអាជីវកម្មសណ្ឋាគារ។
ស្ដ្រីរូបនោះ ក្រោយមកត្រូវបានលក់បន្ដទៅឱ្យមនុស្ស ២ នាក់ មុនពេលប្ដីបច្ចុប្បន្នបានទិញរូបនាង។
ស្វាមីអ្នកស្រី ស៊ាវ ហ៊ួរម៉ី គឺបុរសត្រកូល ដុង ត្រូវបានចាប់ខ្លួនជាផ្លូវការកាលពីថ្ងៃអង្គារ រួមជាមួយមនុស្ស ២ នាក់ផ្សេងទៀត ដែលត្រូវបានចោទពីបទជួញដួរមនុស្ស៕ AFP/HR
