ក្រុងបាងកក: ពិធីបុណ្យសិល្បៈភ្លើងពណ៌ «ដាស់ទីក្រុងបាងកកពីដំណេក» ឬ Awakening Bangkok កាន់តែធំសម្រាប់ព្រឹត្ដិការណ៍ឆ្នាំនេះ ដោយមានកម្មវិធីកម្សាន្ដចំនួន ៥២ និងការជួបជុំជាច្រើនទៀត។
គោលបំណងនៃការរៀបចំនេះគឺការពង្រឹងថាមពលថ្មីដល់តថភាពជីវិតរាត្រីដ៏រស់រវើកក្នុងទីក្រុងចាស់នៃរាជធានីបាងកក ក្រោយវាធ្លាក់ទៅក្នុងវិបត្ដិដោយសារជំងឺរាតត្បាតកូវីដ ១៩ អស់រយៈពេលជាង ២ ឆ្នាំមកហើយ។
ប្រធានបទឆ្នាំនេះគឺ RE:VIVE តំណាងឱ្យកិច្ចការស្រោចស្រង់វិស័យទេសចរណ៍ជាមួយបណ្ដាប្រទេសក្នុងតំបន់ ដែលខិតខំស្ដារឧស្សាហកម្មទៅតាមសក្ដានុពលរៀងៗខ្លួន។
ពិធីបុណ្យសិល្បៈភ្លើងពណ៌ «ដាស់ទីក្រុងបាងកកពីដំណេក» ជាកម្មវិធីបុណ្យពន្លឺភ្លើងពណ៌ដ៏ពេញនិយម ដែលនឹងត្រូវរៀបចំឡើងចាប់ពីថ្ងៃទី ២៥ ខែមីនា ដល់ថ្ងៃទី ៣ ខែ មេសា ឆ្នាំ ២០២២ ចាប់ពីម៉ោង ៥ ល្ងាច ដល់ម៉ោង ១១ យប់។
ស្នាដៃសិល្បៈភ្លើងពណ៌ និងការតុបតែងជាច្រើននាឆ្នាំនេះ នឹងត្រូវបានបង្កើនរហូតដល់ជាង ៥០ ឈុត។ នៅពេលថ្ងៃក៏មានដំណើរទស្សនាចរណ៍សម្រាប់អ្នកចាប់អារម្មណ៍នឹងទស្សនីយភាពនៅតាមភោជនីយដ្ឋាន និងអគារនិមិត្តរូបក្នុងក្រុងចំណាស់។
អគារ Marine Police Lodge ជាគោលដៅទេសចរណ៍ដ៏សំខាន់ផ្នែកប្រវត្ដិសាស្ដ្រ និងស្ថាបត្យកម្ម នៅលើវិថីចារឿនក្រុង ដែលធ្លាប់ជាទីតាំងប្រារឰពិធីបុណ្យសិល្បៈភ្លើងពណ៌នេះម្ដងដែរ។ លើកនេះ ស្នាដៃភ្លើងពណ៌រៀបចំឡើងដោយ BGC ឧទ្ទិលដល់ធម្មជាតិ និងចម្លាក់កែវបែបសិល្បៈ។
នៅផ្សារម្ហូប ដែលបង្ហាញស្នាដៃសិល្បៈអាចទទួលទានបាន និងមានរសជាតិឆ្ងាញ់ ត្រូវបានបំពាក់ភ្លើងជាមួយស្នាដៃសិល្បៈដំឡើងដ៏គួរឱ្យទាក់ទាញបំផុត ពិសេសសម្រាប់អ្នកនិយមថតរូប។
សំណង់រចនាប័ទ្មចិនថៃជាច្រើនសតវត្សរ៍នៅប្លុក Talad Noi ធ្លាប់ជាវិចិត្រសាលបច្ចេកវិទ្យាទំនើប។ ស្ដង់បារ៍ស្រាក្រឡុកបណ្ដោះអាសន្ន ជាទីដែលលោកអ្នកអាចសាលថាមពលក្រោយភ្ញៀវដើរនឿយហត់យូរ។
សិល្បៈដំឡើងរចនាប័ទ្មក្លិបរាត្រីដែលរំលេចភ្លេងញ័រញាក់ និងពន្លឺភ្លើងឡាស៊ែរ នឹងបង្កើតបរិយាកាសកាន់តែរំភើបញាប់ញ័រ។
នេះអាចជាឱកាសតែ ១ គត់ក្នុងការទស្សនាស្នាដៃសិល្បៈដាក់តាំងនៅហាងលក់ទំនិញដែលត្រូវបានបោះបង់ចោលក្នុងសហគមន៍ឆាយណាថោន នៅវិថី Soi Nana៕ AFP/HR