.jpg)
បុរសអាហ្វហ្គានីស្ថានពាក់មួក ដែលឆ្លុះបញ្ចាំងពីវប្បធម៌របស់ខ្លួន។ រូបថត AFP
ក្រុងកាប៊ុល: នៅផ្លូវប្រសព្វនៃអាស៊ីកណ្ដាល និងខាងត្បូង ប្រទេសអាហ្វហ្គានីស្ថាន ជាទីជំនួបវប្បធម៌ និងជាតិសាសន៍អស់រយៈពេលច្រើនសតវត្សរ៍ ខណៈភ័ស្ដុតាងបង្ហាញច្បាស់ពីប្រភេទមួកដែលប្រជាជនរបស់ខ្លួនពាក់។
ស្ទីលមួក ឬឈ្នួតបង្ហាញពីឋានៈ និងឆ្លុះបញ្ចាំងពីអ្នកពាក់ ហើយក៏បង្ហាញពីតំបន់នៃប្រទេសដែលពួកគេមក ឬក្រុមកុលសម្ព័ន្ធរបស់ពួកគេផងដែរ។
ជាក់ស្ដែង មួកUzbek សំប៉ែត និងមូល និងពាក់រឹបជាប់ក្បាល ត្រូវបានរចនាជាមួយប៉ាក់រោមចៀមចម្រុះពណ៌ និងសម្បូរក្នុងចំណោមពលរដ្ឋអាហ្វហ្កានមកពីតំបន់ភាគខាងជើង Mazar-i-Sharif, Faryab និង Jawzjan។
កុលសម្ព័ន្ធធំបំផុតនៅអាហ្វហ្គានីស្ថាន Pashtuns ដែលជាប្រភពដើមកំណើតរបស់ក្រុមអ៊ិស្លាមជ្រុលនិយមតាលីបង់ តែងតែប្រើប្រាស់ឈ្នួតពណ៌លាត រុំតឹងលើមួកដោយមានកន្ទុយធ្លាក់លើស្មា។ អ្នកភូមិនិយាយថា កុមារាកុលសម្ព័ន្ធ Pashtuns ប្រារឰពិធីពេញវ័យកំលោះ ពេលរូបគេពាក់ឈ្នួតនេះ។ នៅភាគខាងត្បូង Kandahar បុរសវ័យក្មេងពាក់មួកមូល និងទន់ៗ ដែលឆែកនៅផ្នែកខាងមុខនៅពីលើថ្ងាស ខណៈបុរសចំណាស់ ជាពិសេស ប្រជាកសិករមានទំនោរពាក់ឈ្នួត និងកន្សែង។
បុរសក្មេងពាក់មួកមូលពីលើថ្ងាស រីឯបុរសចំណាស់មានទំនោរពាក់ឈ្នួត។ រូបថត AFP
ស្ដ្រីអាហ្វហ្កាននៅតំបន់ជនបទខ្លួន ពិសេសនៅភាគខាងលិចខេត្ដហេរ៉ាត់ ក៏ពាក់មួកប៉ាក់ទាំងលើ ឬក្រោមកន្សែងទទូរដោយហ៊ុមព័ទ្ធលើស្មាផងដែរ។
រីឯប្រភេទមួក pakol ត្រូវបានពាក់ដោយកុលសម្ព័ន្ធ Tajiks ដោយរុំរោមចៀមដើម្បីរក្សាកម្ដៅពីអាកាសធាតុត្រជាក់នៅរដូវរងា។
វាបានក្លាយជានិមិត្ដរូបតំណាងនៃមេបញ្ជាការប្រឆាំងក្រុមតាលីបង់ អាមេដ សាម៉ាសូដ ដែលបានពាក់-ចំទើតទៅខាងក្រោយក្បាល និងកងកម្លាំងប្រយុទ្ធរបស់លោកមកពីជ្រលង Panjshir ដ៏ស្រស់ស្អាត។
អាពាហ៍ពិពាហ៍តែងតែជាឱកាសប្រើប្រាស់មួកពិសេស ដូចជា ប្រភេទមួក Gilgit ពាក់ដោយកូនកំលោះ ដែលស្រដៀងនឹង pakol តែមានរំលេចស្លាបសត្វដោតពីមុខ ដើម្បីបន្ថែមភាពលេចធ្លោ។
ស្ទីលដ៏ចំណាស់បំផុត ១ ដែលពាក់ដោយជនជាតិអាហ្វហ្គានីស្ថាន គឺប្រភេទមួក Karakul ដែលផលិតពីរោមកូនចៀមទើបចាប់កំណើត និងហៅថា មួក Jinnah នៅតាមតំបន់ព្រំដែនប្រទេសប៉ាគីស្ថាន។
ការប្រើមួកប្រភេទនេះ បានបង្កើតជាចំណង់ចំណូលចិត្ដថ្មីនៅទីក្រុងកាប៊ុល ទៅតាមអតីតប្រធានាធិបតី ហាមីដ កាហ្សៃ៕ AFP/HR
