.jpg)
រូបភាពតំណាងរូបិយប័ណ្ណឌីជីថលដ៏កំពុងពេញនិយម។ រូបថត AFP
ក្រុងសានហ្វ្រានស៊ីស្កូ: ក្រុមជំនាញស៊ើបអង្កេតកំពុងតាមដានយ៉ាងសកម្មលើក្រុមហេកឃើរ ដែលបានលួចប្រាក់ជាង ៦០០ លានដុល្លារ លើរូបិយប័ណ្ណឌីជីថលប្រើដោយក្រុមអ្នកលេងហ្គេមអនឡាញដ៏ពេញនិយម Axie Infinity។
ក្រុមហ៊ុនហ្គេមនេះទើបតែដឹងពីភាពអប្រក្រតីនៅរយៈពេល ៦ ថ្ងៃ ក្រោយប្រតិបត្តិការលួចយកប្រាក់ឌីជីថលដ៏ធំ ១ ត្រូវបានលាតត្រដាងថ្ងៃអង្គារ។
ចំណាប់អារម្មណ៍ចំពោះរូបិយប័ណ្ណគ្រីបតូកាន់ឡើងខ្លាំង តែប្រាក់ឌីជីថលនេះក៏ជាគោលដៅគួរឱ្យទាក់ទាញដល់ក្រុមចោរបច្ចេកវិទ្យាផងដែរ។
បណ្ដាញ Ronin Network បានឱ្យដឹងថា ការវាយប្រហារសំដៅលើរូបិយប័ណ្ណប្លុកឆេននេះមានពិន្ទុ ១៧៣ ៦០០ អេទែរ និងមានតម្លៃ ២៥,៥ លានដុល្លារនៃតម្លៃ stablecoin ជាទ្រព្យឌីជីថលកំណត់តម្លៃជាដុល្លារអាមេរិក។
វាមានតម្លៃ ៥៤៥ លានដុល្លារ ពេលវាត្រូវបានលួចកាលពីថ្ងៃទី ២៣ ខែមីនា តែគិតត្រឹមថ្ងៃអង្គារ វាបានកើនដល់ប្រមាណ ៦១៥ លានដុល្លារ ដែលធ្វើឱ្យករណីនេះក្លាយជាប្រាក់ចោរកម្មឌីជីថលដ៏ច្រើនបំផុត ១ ក្នុងប្រវត្ដិរូបិយប័ណ្ណគ្រីបតូ។
នៅក្នុង Axie Infinity អ្នកលេងត្រូវបានផ្ដល់រង្វាន់គោល (SLPs) ដែលអាចត្រូវបានផ្លាស់ប្ដូរយករូបិយប័ណ្ណគ្រីបតូ ឬប្រាក់សុទ្ធ ឬវិនិយោគត្រឡប់វិញទៅកាន់ពិភពនិមិត្ដនៃហ្គេម Lunacia។
បណ្ដាញ Ronin បានបង្ហោះឱ្យដឹងពីករណីចោរកម្មនោះថា៖ «មូលនិធិត្រូវបានលួចភាគច្រើនស្ថិតនៅក្នុងកាបូបលុយឌីជីថលក្រុមចោរនៅឡើយ»៕ AFP/HR
