ក្រុងប៉ារីស: ការសិក្សា​ ១ ​បានឱ្យដឹង​កាលពី​ថ្ងៃ​ពុធ​ថា អ្នក​ដែល​ធំធាត់​នៅ​ជនបទ មាន​សមត្ថភាព​ចំណាំ​ទិសដៅ និង​បញ្ជា​ចង្កូត​យានយន្ដ​ជាង​អ្នក​ដែល​កើត​ក្នុង​ទៅ​ក្រុង​។

​ដើម្បី​ស្វែងយល់​ពី​មូល​ហេតុដែល​បរិស្ថាន​កុមារភាព​មាន​ឥទ្ធិពល​លើ​សមត្ថភាព​ចំណាំ​ផ្លូវ ក្រុម​អ្នក​វិទ្យា​សាស្ដ្រ​បាន​តាមដាន​មនុស្ស​ជិត ៤០ ​ម៉ឺន​នាក់​មកពី ៣៨​ ប្រទេស ដោយ​តាមដាន​លទ្ធផល​លេង​ហ្គេម​ទូរស័ព្ទដៃ​ដែល​បង្កើតឡើង​សម្រាប់​ការ​ស្រាវជ្រាវ​ប្រព័ន្ធ​ប្រសាទ​។

​អ្នកដឹកនាំ​ការស្រាវជ្រាវ ហ៊ូ​ហ្គូ ស្ពៃ​អើ​ស៍ នៃ​សាកលវិទ្យាល័យ University College London បាន​និយាយថា​៖ «​យើង​បាន​រកឃើញថា ការលូតលាស់​ធំធាត់​ក្នុង​បរិស្ថាន​ក្រៅ​ក្រុង ទំនង​ជាមាន​សមត្ថភាព​បញ្ជា​ចង្កូត​ពូកែ​ជាង ហើយ​វា​ប្រហែល​ជាមាន​ឥទ្ធិពល​ពី​កង្វះ​ភាពស៊ាំ​នៃ​បណ្ដាញ វិថី​ជាច្រើន​ក្នុង​ទីក្រុង​»​។

​សហ​អ្នកដឹកនាំ អង់​តូអ៊ី​ង ខូ​ត្រោ​ត មកពី University of Lyon បាន​ប្រើ​ហ្គេម «Sea Hero Quest» ដែល​ត្រូវបាន​បង្កើតឡើង​ក្នុង​ឆ្នាំ ​២០១៦ ​ដើម្បី​សិក្សា​ពី​ជំងឺ​វង្វេង និង​ត្រូវបាន​លេង​ដោយ​មនុស្ស​ជិត ៤ ​លាន​នាក់​។

​លោក ខូ​ត្រោ​ត បាន​និយាយថា អ្នក​ដែល​ធំធាត់​នៅ​តំបន់​ជនបទ​ទទួលបាន​ពិន្ទុ​ខ្ពស់ជាង​ដោយសារតែ​ទីជនបទ​មាន​បរិស្ថាន​ស្មុគស្មាញ មិនមាន​សណ្ដាប់ធ្នាប់ និង​ចម្ងាយ​ឆ្ងាយ ដែល​ពួកគេ​ត្រូវមាន​ការចងចាំ​ផ្លូវ​។

​អ្នក​ត្រូវបាន​បីបាច់​ក្នុង​ទីក្រុង​មាន​ភូមិសាស្ត្រ​ផ្លូវ​សាំញ៉ាំ​ដូចជា ក្រុងប៉ារីស និង​ក្រុង​ប្រាក មាន​សមត្ថភាព​ចំណាំ​ផ្លូវ និង​ទិសដៅ​ជាង​អ្នក​នៅ​ក្រុងមាន​ផ្លូវត្រង់ៗ​ដូច ឈី​កា​ហ្គោ​។

​លោក​បាន​បន្ដថា​៖ «​មិន​ខុសពី​ការ​​រៀន​ភាសាបរទេស ដែរ​វា​កាន់តែ​ស្រួល​បើ​បាន​រៀន​ពី​ក្មេង​»៕ AFP/HR