.jpg)
លោក គ្រីស រ៉ូប៊ីនសុន អ្នកលេងហ្គេម ដែលជាជនគថ្លង់ និងជាម្ចាស់ឆាណែល Deaf Gamers TV។ AFP
ក្រុងសានហ្វ្រានស៊ីស្កូ៖ លោក កាឡូស វ៉ាឃ្វេស គឺជាអ្នកឯកទេសខាងលេងហ្គេមវីដេអូវាយតប់ «Mortal Kombat» ទោះបីជាមិនអាចមើលឃើញសកម្មភាពនៅលើកញ្ចក់អេក្រង់ ដោយសារតែលោកងងឹតភ្នែក។
អ្នកតិចសាសដែលពឹងអាស្រ័យលើសំឡេងក្នុងការចុចវាយ ទាត់ និងគេច ស្ថិតក្នុងចំណោមអ្នកធ្វើការប្រាស្រ័យទាក់ទងដោយសារសំឡេង បានអំពាវនាវដោយអាចមានលទ្ធភាពលេងហ្គេមសម្រាប់ជនមានពិការភាពកាន់តែប្រសើរ។
លោក វ៉ាឃ្វេស បានពន្យល់មូលហេតុដែលលោកចូលចិត្ដលេងហ្គេម «Mortal Kombat» ថា៖ «យើងមានតួអង្គ២ប្រយុទ្ធគ្នានៅលើអេក្រង់នៅផ្នែកខាងឆ្វេង និងខាងស្ដាំ ហើយយើងត្រូវចាំនូវប៊ូតុងចុចនីមួយៗ»។
ក្រុមហ៊ុនយក្ស Microsoft បានប៉ាន់ប្រមាណថាមានអ្នកលេងប្រមាណ៤០០លាននាក់ ជាមនុស្សមានពិការភាព។ AFP
ដោយមិនយកចិត្ដទុកដាក់ពីឧស្សាហកម្មនេះបញ្ហានៃលទ្ធភាពប្រើប្រាស់កំពុងតែក្លាយជារបៀបវារៈសំខាន់សម្រាប់អ្នកលេងហ្គេម។
វាទាក់ទងនឹងហិរញ្ញវត្ថុក៏ដូចជាមូលហេតុក្រមសីលធម៌ចំពោះការបើកសករាជថ្មី សម្រាប់អ្នកនិយមហ្គេមជាច្រើននាក់ទៀតនៅក្នុងឧស្សាហកម្មប្រាក់រាប់ពាន់លានដុល្លារ។
យោងតាមអង្គការសុខភាពពិភពលោកបានឱ្យដឹងថា មនុស្សជាង១ពាន់លាននាក់រស់នៅក្នុងទម្រង់ជាជនមានពិការភាព។
ក្រុមហ៊ុនយក្ស Microsoft ដែលស្ថិតនៅពីក្រោយ Xbox និងសេវាកម្មហ្គេមអនឡាញ បានប៉ាន់ប្រមាណថាមានអ្នកលេងប្រមាណ៤០០លាននាក់ជាមនុស្សមានពិការភាព។
ដោយប្រើឧបករណ៍ជំនួយពិសេសអ្នកមានពិការភាពភ្នែកនៅតែអាចលេងហ្គេមអនឡាញ។ AFP
ភាពក្លាហានរបស់លោកវ៉ាឃ្វេសបានទាក់ចិត្ដក្រុមហ៊ុន Nether Realm Studios ជាអ្នកផលិតហ្គេម «Mortal Kombat» ដែលជាកម្មសិទ្ធិរបស់ Warner Brothers Interactive Entertainment។
ចំពោះការស្នើរបស់អ្នកលេងហ្គេមងងឹតភ្នែករូបនេះស្ទូឌីយូបានបន្ថែមតម្រុយជាសំឡេងដើម្បីជួយអ្នកពិការភ្នែកកំណត់ចំណាំពីវត្ថុផ្សេងៗដែលពួកគេអាចលេងហ្គេមបាន។
ថ្វីដ្បិតតែកំពុងមានការអភិវឌ្ឍនៅមានបញ្ហាខ្វះចន្លោះជាច្រើនដែលត្រូវបំពេញរួមទាំងការពង្រីកទំហំអក្សររត់និងជំនួយជាចក្ខុទស្សន៍នៅលើអេក្រង់សម្រាប់អតិថិជនជាបុគ្គលគថ្លង់ថែមទៀត។
លោក គ្រីស រ៉ូប៊ីនសុន អ្នកលេងហ្គេមនៅក្រុងឈីកាហ្គោ ដែលជាជនគថ្លង់ និងជាម្ចាស់ឆាណែល Deaf GamersTV ស្ដីពីវីដេអូហ្គេមអនឡាញលើវេបសាយ Twitch បាននិយាយថា៖ «វាកាន់តែងាយស្រួលជាងកាលពីប៉ុន្មានទសវត្សរ៍មុន ដោយសារហ្គេមនានាអាចត្រូវបានធ្វើបច្ចុប្បន្នភាពទៅតាមសម័យកាល»៕ AFP/HR
លោក គ្រីស រ៉ូប៊ីនសុន ជាបុរសមានពិការភាព និងជាអ្នកលេងហ្គេមនៅទីក្រុងឈីកាហ្គោសហរដ្ឋអាមេរិក។ AFP
