ក្រុងប៉ារីស: ទន្សាយក្រុងប៉ារីសអាចនៅតែមានភាពរីករាយ និងបន្ដលុកលុយនៅតាមចម្ការច្បារដំណាំក្នុងក្រុងរបស់បារាំង ក្រោយពីទីក្រុងនេះបានច្រានចោលសេចក្ដីបង្គាប់ការដែលចាត់ទុកពួកវាជាពពួកសត្វរំខាន។
សេចក្ដីបង្គាប់ការត្រូវបានធ្វើឡើងក្នុងឆ្នាំ ២០២១ ដើម្បីបញ្ឈប់នូវអ្វីដែលអាជ្ញាធរបានឱ្យដឹងថា បានធ្វើឱ្យប៉ះពាល់ដែលបង្កឡើងដោយពពួកសត្វ ជាពិសេសនៅលើបរិវេណវាលស្មៅធំល្វឹងល្វើយ នៅខាងក្រៅបរិវេណវិមាន Invalides ក្នុងទីក្រុងប៉ារីស។
វាបានផ្ដល់សិទ្ធិឱ្យក្រុងលុបបំបាត់ចំនួនសត្វទន្សាយក្នុងវិធានការ ធ្វើឱ្យខឹងសម្បាពីសំណាក់ក្រុមអង្គការសិទ្ធិសត្វក្នុងស្រុក ដែលប្ដឹងជំទាស់សេចក្ដីសម្រេចរបស់តុលាការ។
ក្រុម Paris AnimauxZoopolis (PAZ) បានប្រាប់ AFP ថា ប៉ុន្ដែដោយគ្មានការរង់ចាំបញ្ញត្ដិច្បាប់ចុងក្រោយ ស្នងការប៉ូលិសក្រុងប៉ារីស Didier Lallement ពេលនេះបានលាតត្រដាងសេចក្ដីបង្គាប់ការ។
សេចក្ដីបង្គាប់ការថ្មី ត្រូវបានចេញកាលពីថ្ងៃទី ២ ខែកុម្ភៈ និងត្រូវបានទីភ្នាក់ងារ AFP ទទួលក្រោយមានសេចក្ដីរាយការណ៍ដំបូងដោយកាសែតប្រចាំថ្ងៃ Le Parisien។
អ្នកស្រី Amandine Sanvisens ប្រធានអង្គការ PAZ បានប្រាប់ AFP ថា ប៉ូលិសក្រុងមិនបានផ្ដល់ភ័ស្ដុតាងថា សត្វទន្សាយទាំងនេះបានបង្កការខូចខាតអ្វីឡើយ។
អ្នកស្រីបានឱ្យដឹងថា៖ «យើងជំរុញឱ្យមានការរួមរស់ជាមួយសត្វទាំងនោះ ដែលរស់នៅក្នុងទីក្រុង ហើយយើងចង់លើកកម្ពស់វិធីសាស្ដ្រមិនសម្លាប់គ្នា»។
យោងតាមអាជ្ញាធរមូលដ្ឋានបានបង្ហាញថា មានសត្វទន្សាយព្រៃជាង ២៥០ ក្បាល រស់នៅក្នុងទីក្រុងប៉ារីស ដោយចំនួនរបស់ពួកវាបន្ដកើនឡើងជាមួយពពួកសត្វកញ្ជ្រោង ក្ងាន និងអម្បូរសត្វដទៃទៀត៕ AFP/HR