.jpg)
រូបតំណាង៖ បុរសពាក់មួករូបសញ្ញាវេបសាយសិច Pornhub។ រូបថត AFP
ក្រុងម៉ុងរ៉េអាល់: ក្រសួងសុខាភិបាលខេត្តកេបិក បានច្រឡំសរសេរបង្ហោះលើបណ្ដាញសង្គម Twitter ជាមួយការដាក់តំណភ្ជាប់ដែលមានបំណងភ្ជាប់អ្នកប្រើប្រាស់ទៅកាន់វេបសាយកូវីដ ១៩ របស់ខេត្ដកាណាដាមួយនេះកាលពីសប្ដាហ៍មុន តែផ្ទុយទៅវិញ វាប្រែជាតំណភ្ជាប់វេបសាយអាសអាភាស Pornhub ដោយបង្ហាញរូបភាពជើងដ៏ស្រើបស្រាលទៅវិញ។
ក្រសួងក៏បានលុបចោលការបង្ហោះនោះភ្លាមៗ ក្រោយពីរកឃើញនូវកំហុសឆ្គងដោយការច្រឡំ។
ក្រសួងបានឱ្យដឹងក្នុងអ៊ីមែល ដែលផ្ញើមកកាន់ទីភ្នាក់ងារព័ត៌មានបារាំង AFP ថា៖ «ដោយសារតែបញ្ហាគ្រប់គ្រងបច្ចេកទេស តំណភ្ជាប់មាតិកាមិនសមរម្យត្រូវបានបង្ហោះនៅលើគណនី Twitter។ កំពុងតែស៊ើបអំពីករណីនេះ»។
ក្រសួងសុខាភិបាលមានអ្នកគាំទ្រនៅលើបណ្ដាញ Twitter ប្រមាណជាង ១០ ម៉ឺននាក់។
ឧប្បត្ដិហេតុដែលមិនអាចរំលងភ្នែកអ្នកប្រើប្រាស់អ៊ីនធឺណិត បានបង្កឱ្យមានប្រតិកម្មចម្រុះចាប់ពីការសរសេរបែបភ្ញាក់ផ្អើល និងរំខានចិត្ដ រហូតដល់ការចំអក។
Pornhub គឺជាវេបសាយពេញនិយមបំផុតមួយក្នុងពិភពលោក មានទីតាំងនៅទីក្រុងម៉ុងរ៉េអាល់ និងជាកម្មសិទ្ធិរបស់ MindGeek។
កាលពីខែមីនា ឆ្នាំ ២០២២ កន្លងទៅនេះ វេបសាយសិចខាងលើបានប្រឈមនឹងការព្រមាន និងការហាមឃាត់នៅប្រទេសបារាំង ដោយសារមាតិកាអាសអាភាសមានរូបភាព ក្មេងមិនគ្រប់អាយុ។
វេបសាយបណ្ដុំវីដេអូសិចដ៏ធំ Pornhub នេះក៏ធ្លាប់ប្រកាសកាលពីចុងឆ្នាំ ២០២០ ថា ខ្លួននឹងមិនបណ្ដោយឱ្យមានមាតិកាដែលបង្ហាញនូវការរំលោភបំពានផ្លូវភេទលើកុមារនោះឡើយ៕ AFP/HR
