.jpg)
លោក Hideaki Tanaka អ្នកជំនាញខាងផ្កាសាគូរ៉ាជនជាតិជប៉ុនកំពុងផ្សព្វផ្សាយពូជផ្កាសាគូរ៉ាដទៃទៀត។ AFP
ក្រុងតូក្យូ៖ រដូវផ្កាសាគូរ៉ារីកពណ៌សដ៏មានប្រជាប្រិយភាពរបស់ប្រទេសជប៉ុនបានគ្របដណ្តប់ទូទាំងប្រទេសនៅក្នុងសម្រស់បុប្ផាពណ៌សឆើតឆាយនៃដើម «somei-yoshino» ដ៏មានតម្លៃ និងពេញនិយម ដែលធ្វើឱ្យអ្នកស្រុក ក៏ដូចជាអ្នកទេសចរទស្សនារីករាយដូចគ្នា។ ប៉ុន្តែអ្នកខ្លះចង់ឱ្យមានការផ្លាស់ប្តូរលើសពីពូជផ្កាតែមួយនេះ។
ការចេញផ្កាស្គុសស្គាយនៃពូជរុក្ខជាតិ somei-yoshino ដែលមានបរិមាណជាង៩០ភាគរយនៃដើមសាគូរ៉ាទាំងអស់ ត្រូវបានដាំនៅក្នុងប្រទេសជប៉ុនបានចោលសម្រស់រយៈពេលត្រឹមតែ ១សប្តាហ៍ប៉ុណ្ណោះ ហើយវាទំនងជាចេញផ្កាក្នុងពេលដំណាលគ្នានៅតាមតំបន់នានា ដោយសារតែដើមឈើទាំងនេះត្រូវបានក្លូនបង្កាត់ពីពូជតែ១។
ខណៈដើមឈើសាគូរ៉ាមានទំនាក់ទំនងជាមួយរដូវផ្ការីក វាគឺជាបញ្ហាស្មុគស្មាញដ៏គួរឱ្យព្រួយបារម្ភសម្រាប់អ្នករៀបចំផែនការទីក្រុងដោយសាររុក្ខជាតិងាយទទួលជំងឺ និងការលូតលាស់ធំពេក ហួសពីទំហំរុក្ខជាតិលម្អក្រុង។
លោក Hideaki Tanaka អ្នកជំនាញខាងផ្កាសាគូរ៉ាជនជាតិជប៉ុន ដែលកំពុងព្យាយាមធ្វើឱ្យមានការពេញនិយមចំពោះពូជផ្កាសាគូរ៉ាដទៃទៀតបាននិយាយថា៖ «គ្រប់យ៉ាងផ្ដោតលើការដាំរុក្ខជាតិត្រឹមត្រូវនៅកន្លែងត្រឹមត្រូវប៉ុណ្ណោះ»។
ពូជផ្កាសាគូរ៉ាពណ៌ផ្កាឈូកដិត jindai-akebono ធន់នឹងជំងឺរុក្ខជាតិជាផ្កាសាគូរ៉ាពណ៌សដ៏សម្បូរដុះតាមផ្លូវ។ AFP
លោក Tanaka អាយុ៦៣ឆ្នាំបានបន្ថែមថា៖ «មានសាគូរ៉ាគ្រប់ប្រភេទមិនមែនមានតែពូជ somei-yoshino ទេ។ ខ្ញុំចង់ជួយគាស់កកាយឡើងវិញនូវអតីតកាលនៅពេលដែលមនុស្សចូលចិត្តផ្កាសាគូរ៉ាជាច្រើនប្រភេទចម្រុះគ្នា»។
លោកបានបើកកសិដ្ឋានមួយនៅតំបន់យូគិ ក្នុងខេត្តអ៊ីបារ៉ាគិភាគ ខាងកើតប្រទេសជប៉ុនជាមួយនឹងដើមឈើគំរូប្រហែល១ពាន់ដើមនៃពូជសាគូរ៉ាជាង ៤០០ប្រភេទ។
គោលដៅរបស់លោកគឺចង់បញ្ចុះបញ្ចូលមន្ត្រីក្នុងតំបន់ទូទាំងប្រទេសជប៉ុនឱ្យពិចារណាជម្រើសជាមួយស្រទាប់ខាងក្រោមពណ៌ផ្កាឈូកទាំងអស់ឬសូម្បីតែផ្កាមានស្រទាប់លាយពណ៌បៃតងដ៏កម្រ។
វាជាទិដ្ឋភាពមួយដូចជារដូវផ្ការីកដែលជនជាតិជប៉ុនទទួលនូវអារម្មណ៍រីករាយកាលច្រើនសតវត្សរ៍មុន ដោយមានផ្កាបញ្ចេញសម្រស់ផ្កាសាគូរ៉ាពូជខុសៗគ្នានៅតាមពេលវេលាខុសៗគ្នា។
ផ្កាសាគូរ៉ាពណ៌ផ្កាឈូកដិត jindai-akebono ត្រូវបានដាំជំនួសពូជផ្កាពណ៌សបណ្ដើរៗ ដោយសារតែវាធន់នឹងជំងឺរុក្ខជាតិ។ AFP
កសិដ្ឋានរបស់លោកត្រូវបានដំណើរការដោយសមាគមផ្កានៃប្រទេសជប៉ុន ដោយផ្តល់ដើមសាគូរ៉ាដល់សហគមន៍ដែលចង់បង្កើតកន្លែងទេសភាពទាក់ទាញភ្ញៀវទេសចរ និងផ្គាប់ចិត្តអ្នកស្រុកផងដែរ។
កសិដ្ឋាននេះបានចែកចាយកូនឈើប្រហែល៣លានដើមរួមទាំងពូជសាគូរ៉ាផ្កាស somei-yoshino ផងដែរប៉ុន្តែឥឡូវនេះវាកំពុងផ្សព្វផ្សាយពូជ jindai-akebono ដែលធន់នឹងការឆ្លងមេរោគនិងមិនសូវលូតធំពេក ដែលធ្វើឱ្យវាកាន់តែងាយស្រួលក្នុងការកាត់ចេញ។
ផ្ការបស់វារីកប្រហែល ៤ថ្ងៃមុនការចេញផ្ការបស់ពូជផ្កាសាគូរ៉ាស somei-yoshino ហើយមានពណ៌ផ្កាឈូកដិតជាង។
ប៉ុន្តែការបញ្ចុះបញ្ចូលឱ្យពលរដ្ឋជប៉ុនឱ្យងាកមករកការគាំទ្រពូជផ្សេងក្រៅពីផ្កាសាគូរ៉ាពណ៌សដ៏ពេញនិយមរបស់ពួកគេ ប្រហែលជាមិនងាយស្រួលឡើយ។
លោក Hideaki Tanaka អ្នកជំនាញខាងផ្កាសាគូរ៉ាជនជាតិជប៉ុនកំពុងផ្សព្វផ្សាយពូជផ្កាសាគូរ៉ាដទៃទៀត។ AFP
ដោយពណ៌នាអ្នកស្រុកថាមានមនោសញ្ចេតនាជាមួយដើមសាគូរ៉ាពណ៌ស លោក Ryusuke Endo មន្ត្រីនៅផ្នែកផ្លូវ និងចរាចរណ៍ Kunitachi ទីក្រុងតូក្យូបាននិយាយថា៖ «អ្នកខ្លះបានផ្លាស់មកទីនេះដើម្បីរីករាយជាមួយផ្កាសាគូរ៉ា និងបានទិញអាផាតមិននៅតាមផ្លូវ»។
នៅកន្លែងផ្សេងទៀតកិច្ចខិតខំប្រឹងប្រែងក្នុងទីក្រុង Yokohama ដើម្បីកាប់ដើមឈើសាគូរ៉ាប្រហែល៣០០ដើម នៅតាមដងផ្លូវដ៏មមាញឹកបានបង្កឱ្យមានការតវ៉ាជាសាធារណៈ និងធ្វើឱ្យមានព័ត៌មានចុះព្រោងព្រាតតាមទូរទស្សន៍។
ទោះយ៉ាងណាក៏ពូជផ្កាសាគូរ៉ាពណ៌ផ្កាឈូកដិត jindai-akebono ត្រូវបានដាំជំនួសពូជផ្កាពណ៌សបណ្ដើរៗហើយដែរ ដោយសារតែវាធន់នឹងជំងឺរុក្ខជាតិ។
លោក Endo បាននិយាយថា៖«ខ្ញុំជឿថាការស្រឡាញ់ផ្កាសាគូរ៉ាពូជខុសៗគ្នាចាប់ផ្ដើមកើតឡើងក្នុងចំណោមអ្នកស្រុកដែលពួកគាត់មើលឃើញថាពួកវាពិតជាស្រស់ស្អាតមួយបែបម្នាក់»៕ AFP/HR
លោក Hideaki Tanaka អ្នកជំនាញខាងផ្កាសាគូរ៉ាជនជាតិជប៉ុនកំពុងផ្សព្វផ្សាយពូជផ្កាសាគូរ៉ាដទៃទៀត។ AFP
