.jpg)
ជោលី ថតរួបជាមួយកុមារនៅទីក្រុង Lviv ភាគខាងលិចប្រទេសអ៊ុយក្រែន។ ហ្វេសប៊ុក
ក្រុងកៀវ៖ តារាហូលីវូដ អេនជេលីណា ជោលី បានបង្ហាញខ្លួនដ៏គួរឱ្យភ្ញាក់ផ្អើលមួយនៅទីក្រុង Lviv ភាគខាងលិចប្រទេសអ៊ុយក្រែន ជាកន្លែងដែលនាងបានជួបជនភៀសខ្លួន ហើយនាងត្រូវបានគេប្រទះឃើញនៅក្នុងហាងកាហ្វេមួយ កាលពីថ្ងៃសៅរ៍។
ជោលី គឺជាបេសកជនពិសេសរបស់ UNHCR ប៉ុន្តែគេមិនដឹងថា តើនាងកំពុងបំពេញទស្សនកិច្ចនៅប្រទេសនេះក្នុងសមាសភាពជាតួនាទីនេះ ឬយ៉ាងណានោះទេ។
លោក Maxim Kozytski អភិបាលតំបន់ Lviv បាននិយាយនៅក្នុងការបង្ហោះរូបថត និងវីដេអូរបស់តារាស្រីដែលកំពុងលេងជាមួយក្មេងៗ និងថតរូបជាមួយកម្មករស្ម័គ្រចិត្តថា «សម្រាប់យើងទាំងអស់គ្នា ដំណើរទស្សនកិច្ចនេះគឺជាវត្តមានដ៏គួរឱ្យភ្ញាក់ផ្អើលមួយ»។
នៅឯមន្ទីរពេទ្យមួយ កំពូលតារាភាពយន្តហូលីវូដស្រីរូបនេះបានទៅសួរសុខទុក្ខក្មេងៗដែលរងរបួសនៅក្នុងការទម្លាក់គ្រាប់បែកនៅស្ថានីយ Kramatorsk ដោយបានស្តីបន្ទោសលើកាំជ្រួចរបស់រុស្ស៊ី ដែលក្នុងនោះជនស៊ីវិលជាង ៥០នាក់ដែលព្យាយាមរត់គេចពីភ្លើងនៅភាគខាងកើត តែជាអកុសលត្រូវបានសម្លាប់។ នេះបើយោងតាមអភិបាលក្រុង។
អេនជេលីណា ជោលី បានបង្ហាញខ្លួនដ៏គួរឱ្យភ្ញាក់ផ្អើលមួយនៅទីក្រុង Lviv ភាគខាងលិចប្រទេសអ៊ុយក្រែន។ ហ្វេសប៊ុក
ជោលី ក៏បាននិយាយទៅកាន់អ្នកស្ម័គ្រចិត្តដែលផ្តល់ជំនួយផ្លូវចិត្តដល់ជនភៀសខ្លួនជាច្រើននាក់ និងខ្លះទៀតដែលបានភៀសខ្លួន។
មនុស្សជាង ៧,៧លាននាក់ត្រូវបានផ្លាស់លំនៅក្នុងស្រុកចាប់តាំងពីការលុកលុយរបស់រុស្ស៊ីនៅថ្ងៃទី២៤ ខែកុម្ភៈ ខណៈ៥,៤លាននាក់ទៀតបានចាកចេញពីប្រទេស។
ក្រោយមកតារាដែលស្លៀកពាក់សាមញ្ញត្រូវបានគេប្រទះឃើញនៅក្នុងហាងកាហ្វេ Lviv ដោយ Maya Pidhoretska ដែលបានបង្ហោះវីដេអូនៅលើបណ្ដាញសង្គមហ្វេសប៊ុក។
អ្នកស្រុក Lviv ភ្ញាក់ផ្អើលបានរាយការណ៍ថា៖ «ខ្ញុំកំពុងញ៉ាំកាហ្វេ ហើយខ្ញុំឃើញ Angelina Jolie នៅទីក្រុង Lviv»៕ AFP/HR
