The Phnom Penh Post Search

Search form




Logo of Phnom Penh Post newspaper Phnom Penh Post - តារា​ចម្រៀង​ខនទ្រី​ល្បី​អាមេរិក រំលេច​ឈ្មោះ​បាត់ដំបង និង​អង្គរ ក្នុង​អាល់ប៊ុម​ថ្មី

តារា​ចម្រៀង​ខនទ្រី​ល្បី​អាមេរិក រំលេច​ឈ្មោះ​បាត់ដំបង និង​អង្គរ ក្នុង​អាល់ប៊ុម​ថ្មី

Content image - Phnom Penh Post
លោក ម៉ៃក៏ ជេកហ្គើរ និងតារាចម្រៀង មីរ៉េនដា ឡាមប៊ើត។ រូបថត AFP

តារា​ចម្រៀង​ខនទ្រី​ល្បី​អាមេរិក រំលេច​ឈ្មោះ​បាត់ដំបង និង​អង្គរ ក្នុង​អាល់ប៊ុម​ថ្មី

ភ្នំពេញ: រាជិនី​តន្ត្រី​ខនទ្រីអាមេរិក មីរ៉េនដា ឡាមប៊ើត ទើប​សម្ពោធ​អាល់ប៊ុម​ចម្រៀង​ថ្មី​​របស់​ខ្លួន​ Palomino នៅ​ថ្ងៃទី ២៩ ខែ​ មេសា ឆ្នាំ ​២០២២ មាន​ចម្រៀង​​ ១៥ ​បទ រៀប​រាប់​ពី​​ដំណើរ​ផ្សង​ព្រេង ស្វែងរក​មនុស្ស​ល្អៗ និង​សោភណភាព​​ទូទាំង​ពិភព​លោក។

ចំណោម​បទ​ចម្រៀង​ដំណើរ​ទេសចរណ៍​បែប​ផ្សងព្រេង​ស្រមើស្រមៃ​ទាំង ១៥ ​បទ​នេះ បទ​មួយ​មាន​ចំណង​ជើង​ថា Wandering Spirit ត្រូវ​បាន​​តារា​ចម្រៀង​ស្រី​វ័យ ​៣៨ ​ឆ្នាំ​ ដែល​ឈ្នះ​ពាន​រង្វាន់​​តន្ត្រី​ខនទ្រី​ឆ្នើម​ជាប់ៗ​គ្នា​រូប​នេះ​ ច្រៀង​​បរិយាយ​ពី​​ «ក្ដី​ស្រមៃ​ឡើង​ភ្នំ​ខ្ពស់​ជាង​គេ សម្លឹង​ចុះ​ឃើញ​សមុទ្រ នាវា​បើក​ក្ដោង​ឆ្ពោះ​ទៅ​ទិស​ខាង​កើត រួច​បន្ត​ទៅ​ភាគ​បស្ចិម ហើយ​បង្កើត​​ក្ដី​ស្រឡាញ់​ពី​ទឹកដី​បាត់ដំបង​រហូត​ដល់​ទីក្រុង​បាល់ទីម័រ។ នាង​បាន​ប្រដូច​ខ្លួន​ជា​ព្រលឹង​​ត្រាច់ចរ​តាំង​ពី​ពីរ៉ាមីដ​រហូត​ដល់​ប្រាសាទ​អង្គរ...។

តារា​ចម្រៀង មីរ៉េនដា បាន​ច្រៀង​ Wandering Spirit ជា​បទ​មាន​ម្ចាស់​​សំនៀង​​ដើម​​លោក ម៉ៃក៏ ជេកហ្គើរ។ លោក​​ស្ថាបនិក​ក្រុម​តន្ត្រី​អង់គ្លេស​ដ៏​ល្បីល្បាញ​ The Rolling Stones ដែល​ចេញ​បទ​នេះ​ក្នុង​ឆ្នាំ​ ១៩៩៣។

តារា​ចម្រៀង​ស្រី​​​ម្ចាស់​ពាន​ហ្គ្រេមមី​​អាមេរិក​ មីរ៉េនដា ដែល​បាន​ជ្រើសរើស​បទ​ចាស់​យក​មក​ច្រៀង​ក្នុង​អាល់ប៊ុម​ថ្មី​របស់​នាង​​សម្ដែង​ចំណាប់​អារម្មណ៍​ថា​៖ «ការ​ផលិត​​អាល់ប៊ុម​នេះ​ពោរពេញ​ដោយ​ភាព​រីករាយ និង​បទពិសោធ​ដ៏​ច្នៃ​ប្រឌិត​បំផុត​ក្នុង​អាជីព​របស់​ខ្ញុំ​»។

ដោយ​សំដៅ​លើ​វេលា​នៃ​​​ការ​រឹត​បន្តឹង​ដើម្បី​ការ​ពារការ​ឆ្លង​​កូវីដ​បន្ត​ថា៖ «ដោយសារ​យើង​មិន​អាច​ធ្វើ​ពេល​នោះ យើង​ក៏​សម្រេច​ចិត្ត​ធ្វើ​ដំណើរ​តាមរយៈ​បទ​​ចម្រៀង​ទាំង​នេះ...»៕

អត្ថបទគួរចាប់អារម្មណ៍