ក្រុងញូវយ៉ក៖ ការបង្កើតចុងក្រោយមួយចំនួនរបស់លោក Virgil Abloh នឹងដាក់តាំងបង្ហាញជាសាធារណៈនៅទីក្រុងញូវយ៉ក ក្នុងពិព័រណ៍ដែលផ្តល់ភាពអាថ៌កំបាំងបន្ថែមទៀតដល់ពិភពរកកម្រៃនៃស្បែកជើងបាតាពិសេស។
បើកសម្ពោធកាលពីថ្ងៃសៅរ៍ និងដំណើរការរហូតដល់ចុងខែឧសភា កម្មវិធីនេះនឹងបង្ហាញស្បែកជើងបាតាម៉ាក Nike "Air Force 1" ចំនួន ៤៧ គូ ដែលរចនាដោយលោក Abloh និងប្រមូលផ្តុំនៅរោងចក្រផលិតរបស់ Louis Vuitton ក្នុងទីក្រុងវេនិស។
តួអង្គដែលបំបែករបាំងមុខនៅក្នុងម៉ូដដែលបានក្រោកឡើងក្លាយជានាយកច្នៃប្រឌិតស្បែកខ្មៅដំបូងរបស់ Louis Vuitton លោក Abloh បានទទួលមរណភាពក្នុងខែវិច្ឆិកា ក្នុងអាយុ ៤១ ឆ្នាំ ដោយសារជំងឺមហារីកដ៏កម្រ។
សហការីជិតស្និទ្ធរបស់លោក Abloh គឺតារារ៉េប កាញ៉េ វ៉េស Kanye West បាននាំយកសម្លៀកបំពាក់តាមដងផ្លូវមកពិភពម៉ូដប្រណីត។
ការតាំងពិព័រណ៍នេះកើតឡើងបន្ទាប់ពីការដេញថ្លៃនៅខែកុម្ភៈរបស់ Sotheby''s រៃអង្គាសប្រាក់បាន ២៥ លានដុល្លារ ពីការលក់ស្បែកជើងបាតា Abloh Air Force One ចំនួន២០០គូ សម្រាប់មូលនិធិអាហារូបករណ៍ ដែលបង្កើតឡើងជាការផ្ដល់កិត្តិយសដល់លោក Abloh ដើម្បីគាំទ្រអ្នកច្នៃម៉ូដជនជាតិស្បែកខ្មៅអាហ្វ្រិក-អាមេរិក ឬអាហ្វ្រិក។
ស្បែកជើងបាតានីមួយៗមានម៉ាក Nike swoosh ដ៏ល្បីល្បាញនៅក្នុងសមាសភាពចម្រុះពណ៌ដោយខ្លះក៏មានបង្ហាញព័ត៌មានលម្អិតផ្ទាល់ខ្លួនដូចជា ទង់ជាតិនៃប្រទេសហ្គាណា ដែលជាការគោរពចំពោះបេតិកភណ្ឌរបស់លោក Abloh ផងដែរ។
ស្បែកជើង១ទៀតមានឃ្លាថា «អ្នកទេសចរទល់នឹងអ្នកប្រាជ្ញ» ដែលលោក Abloh អ្នករចនាបានប្រើដើម្បីពិពណ៌នាអំពីទំនាក់ទំនងក្នុងសិល្បៈ និងវប្បធម៌រវាងអ្នកជំនាញអ្នកឯកទេស និងទស្សនិកជនទូទៅ៕ AFP