.jpg)
អ្នកគង្វាលមើលចៀម និងពពែស៊ីស្មៅនៅឧទ្យានធម្មជាតិ Collserola ក្បែរទីក្រុងបាសេឡូណា។ AFP
ក្រុងបាសេឡូណា៖ នេះជាសួនសាធារណៈដ៏ធំបំផុតរបស់ទីក្រុងបាសេឡូណា មិនមែនជាតំបន់ជនបទនោះទេ។ តែហ្វូងចៀម និងពពែកំពុងស៊ីស្មៅយ៉ាងស្ងប់ស្ងាត់ ខណៈពេលដែលអ្នកគង្វាលពួកវាឈរមើលក្បែរនោះ។
ទិដ្ឋភាពនេះកើតឡើងចាប់តាំងពីខែមេសាមក ដោយសាលាក្រុងបាសេឡូណា បានជួលចៀម និងពពែចំនួន ២៩០ ក្បាល ដើម្បីស៊ីស្មៅនៅឧទ្យានជាតិ Collserola នៅជាយក្រុងធំទីពីររបស់ប្រទេសអេស្ប៉ាញ។
គោលបំណងនៃគម្រោងសាកល្បងគឺដើម្បីកាត់បន្ថយហានិភ័យនៃភ្លើងឆេះព្រៃដោយការបោសសម្អាតស្មៅ និងរុក្ខជាតិរាយបាយតាមរបៀបដែលមិនប៉ះពាល់ដល់បរិស្ថាន។ វាក៏ជួយអប់រំអ្នកស្រុក ១,៦ លាននាក់នៃទីក្រុងកំពង់ផែមេឌីទែរ៉ាណេអំពីរូបភាពនៅជនបទផងដែរ។
លោក Daniel Sanchez ដែលជាអ្នកគង្វាលម្នាក់នៃគម្រោងនោះបាននិយាយថា៖ «បញ្ហាប្រឈមដ៏ធំបំផុតគឺការអប់រំប្រជាជនឡើងវិញអំពីជីវិតនៅជនបទ»។
កីឡាករវ័យ ៣៦ឆ្នាំរូបនេះបានផ្លាស់ទៅក្រុងបាសេឡូណា ដើម្បីមើលហ្វូងសត្វ ហើយលោកត្រូវសម្រាកនៅក្នុងសួនក្បែរហ្វូងចៀម និងពពែ។
សាលាក្រុងបាសេឡូណា បានជួលចៀម និងពពែចំនួន ២៩០ក្បាល ដើម្បីស៊ីស្មៅនៅឧទ្យានជាតិ។ AFP
ឧទ្យានទំហំ ៨២០០ ហិកតា មានទំហំធំជាង ២២ ដងនៃ Central Park របស់ក្រុងញូវយ៉ក និង ៨ ដងធំជាងឧទ្យាន Bois de Boulogne ក្នុងទីក្រុងប៉ារីស។
ចំណុចទស្សនានៃឧទ្យាននេះគឺផ្តល់នូវទេសភាពដ៏ធំទូលាយនៃទីក្រុងបាសេឡូណា ជាមទតផ្លូវឡើងភ្នំដ៏ពេញនិយមជាមួយអ្នករត់ប្រណាំង អ្នកជិះកង់ និងមនុស្សចេញដើរលេង។
លោក Sergi Dominguez បុគ្គលិកថែទាំសួនអាយុ ៥២ឆ្នាំបាននិយាយថា៖ «ជារៀងរាល់ឆ្នាំ វាតែប្រឈមនឹងភ្លើងឆេះ»។
- ''ហានិភ័យខ្ពស់នៃភ្លើងឆេះព្រៃ'' -
លោក Dominguez បានបន្ថែមថា ចៀម និងពពែ ស្មៅ និងរុក្ខជាតិស្ងួត ដែលអាចបង្កហានិភ័យភ្លើងឆេះ ហើយលោករំពឹងថា ហ្វូងសត្វទាំងនេះនឹងត្រឡប់មកវិញនៅឆ្នាំក្រោយ។
គម្រោង ទ័ពចៀម និងពពែ ស៊ីស្មៅ ប្រយុទ្ធភ្លើងឆេះព្រៃនេះនឹងបញ្ចប់នៅខែមិថុនា។ ប្រសិនបើគម្រោងនេះជោគជ័យ អាជ្ញាធរអាចនឹងពង្រីកការអនុវត្តទៅតំបន់បៃតងផ្សេងទៀត។
លោក Ferran Paune ដែលជាជីវវិទូ និងអ្នកជំនាញការចិញ្ចឹមសត្វ ដែលទទួលបន្ទុកគម្រោងនេះ បាននិយាយថា តំបន់នេះមានហានិភ័យខ្ពស់នៃភ្លើងឆេះព្រៃ។
ចៀម និងពពែស៊ីស្មៅ តាមរបៀបដែលមិនប៉ះពាល់ដល់បរិស្ថាន និងអាចការពារភ្លើងឆេះព្រៃ។ AFP
លោកបានបន្ថែមថា៖ «យើងស្ថិតនៅក្នុងតំបន់មេឌីទែរ៉ាណេ។ លើសពីនេះ វាមានភាពចង្អៀត ដោយមានតំបន់ទីក្រុងជាច្រើន និងប្រជាជនត្រូវរស់នៅក្បែរតំបន់ជាប់ ឬក្នុងព្រៃ»។
លោកបន្តថា៖ «ឧទ្យានធម្មជាតិនេះអាចឆេះទាំងស្រុងក្នុងរយៈពេលត្រឹមតែ ៨ ម៉ោង ដែលអាចបណ្តាលឱ្យមានបញ្ហាធ្ងន់ធ្ងរ ពោលគឺមនុស្សត្រូវជម្លៀសចេញ ឬរងរបួស»។
ជីវវិទូ Paune បាននិយាយថា ពពែ និងចៀមហាក់ដូចជាបានសម្របខ្លួន «យ៉ាងល្អឥតខ្ចោះ» ទៅនឹងឧទ្យានទីក្រុង។
ប៉ុន្តែអ្នកគង្វាលម្នាក់ Sanchez ដែលបានបោះបង់អាជីពជាអ្នកបច្ចេកទេសភ្លើងបំភ្លឺកាលពីមួយទសវត្សរ៍មុន ដើម្បីក្លាយជាអ្នកគង្វាលសត្វបាននិយាយថា លោកធុញទ្រាន់នឹងសំឡេងរំខាននៅទីក្រុង និងការបំពុលដោយពន្លឺភ្លើងសិប្បនិម្មិតនៅពេលយប់។
លោកបាននិយាយថា៖ «ខ្ញុំគិតថាខ្ញុំឮសត្វចៀមស្រែក ហើយបន្ទាប់មកទើបខ្ញុំដឹងថា វាពិតជាស៊ីរ៉ែនរថយន្តសង្គ្រោះ»។
លោកបន្តទៀតថា៖ «ខ្ញុំចង់ស្តាប់ហ្វូងសត្វ តែបែរមានឧទ្ធម្ភាគចក្រមន្ទីរពេទ្យមកចុះចត»៕ AFP
គម្រោងសាកល្បងគឺដើម្បីកាត់បន្ថយហានិភ័យនៃភ្លើងឆេះព្រៃដោយការបោសសម្អាតរុក្ខជាតិ និងស្មៅក្រៀម។ AFP
