The Phnom Penh Post Search

Search form




Logo of Phnom Penh Post newspaper Phnom Penh Post - «ថ្មគោល» ស្រុក​បាត់ដំបង ឈ្មោះ​ហាង​ម្ហូប​ខ្មែរ​មួយ​យុវវ័យ ៣ នាក់​បើក

«ថ្មគោល» ស្រុក​បាត់ដំបង ឈ្មោះ​ហាង​ម្ហូប​ខ្មែរ​មួយ​យុវវ័យ ៣ នាក់​បើក

Content image - Phnom Penh Post

«ថ្មគោល» ស្រុក​បាត់ដំបង ឈ្មោះ​ហាង​ម្ហូប​ខ្មែរ​មួយ​យុវវ័យ ៣ នាក់​បើក

ភ្នំពេញៈ យុវជន​ជា​កូន​អ្នក​ភ្នំពេញ ៣ នាក់​បាន​ចូល​ទុន​គ្នា​បើក​ហាង​បាយ​ម្ហូប​ខ្មែរ​មួយ ដាក់​ឈ្មោះ ថ្មគោល តាម​ស្រុក​មួយ​របស់​ខេត្ត​បាត់ដំបង ក្នុង​គោល​គំនិត ចង់​ពង្រីក ម៉ាក​យី​ហោ​​របស់​ខែ្មរ​ឲ្យ​ទូលំ​ទូលាយ។

ស្ថាបនិក​មួយ​រូប ឈ្មោះ ង៉ែត យុវតី បាន​ប្រាប់ LIFT ថា «មូលហេតុ​ដែល​ក្រុម​ខ្ញុំ​យក​ឈ្មោះ​ស្រុក ​ថ្មគោល នៃ​ខេត្ដ​បាត់​ដំបង់​មក​ដាក់​នេះ​ មក​ពី ថ្មគោល​ ជា​ឈ្មោះ​ដែល​លោក​តា​ ស៊ីន ​ស៊ី​សាមុត ធ្លាប់​បាន​លើក​ម​ក​បរិយាយ​ក្នុង​បទ​ចម្រៀង​មួយ​បទ​ស្ដី​ពី​ខេត្ដ​បាត់​ដំបង គឺ​ថ្មគោល​ស្រមោល​ស្នេហ៍​ និងអង្ករ​​ដែល​ហាង​របស់​ពួក​ខ្ញុំ​យក​មក​ប្រើ​ គឺ​សុទ្ធ​តែ​ជា​អង្ករ​​របស់​ខេត្ដ​បាត់​ដំបង​ដែល​យក​មក​ពី​ស្រុក ​ថ្ម​គោល ​ទាំង​អស់​»។

​​ម្ចាស់ហាង​វ័យ​ ២៨ ​ឆ្នាំ​រូប​នេះ​​បន្ត​​ថា​ ​​«​គំនិត​ទីមួយ​របស់​ក្រុម​ខ្ញុំ​ គឺ​ចង់​ក​សាង​ម៉ាក​យី​យោរបស់​ខែ្មរ ព្រោះ​ពួក​ខ្ញុំ​យល់​ឃើញ​ថា ម៉ាក​យី​ហោ​ផលិត​ផល​ខ្មែរ​​មិន​សូវ​មាន​គេឈ្មោះ​ដូច​យី​ហោ​បរទេស​ ដោយ​ប្រជាពល​រដ្ឋ​យើង​មួយ​ចំនួន​គាត់​ឲ្យ​តម្លៃ​តែ​ទៅ​លើ​យី​ហោ​បរទេស​។​ ដូច្នេះ​ខ្ញុំ​ចង់​ឲ្យ​ផលិត​ផល​ខ្មែរ​ក្លាយ​ទៅ​ជា​ផលិត​ផល​មួយ​ដែល​មាន​គុណ​ភាព​ និង​មាន​ការ​ទទួល​ស្គាល់​ជា​លក្ខណៈ​ស្ដង់​ដារ និង​ក៏​ចង់​ឲ្យ​គេ​មើលឃើញ​ថា យុវជន​ជំនាន់​ក្រោយ​ដូច​ពួក​ខ្ញុំ​ក៏​អាច​ធ្វើ​បាន​ដូច​អ្នក​ផ្សេង​ៗ​ទៀត​ដែរ​»។

ដោយ​​ចាប់ដំណើរការហាងជា​មួយ​នឹង​ទុន​តិច​បំផុត​ ហាង​ ថ្ម​គោល ​បាន​បើក​ដំណើរ​ការ​​រយៈ​ពេល​ ១ ឆ្នាំ​និង​​​​មាន ​២ សាខា​នៅ​លើ​ទឹក​ដី​នៃ​ទី​ក្រុង​ភ្នំ​ពេញ ហើយ​​មាន​គម្រោង​បើក​ឲ្យ​បាន ​១ សាខា​នៅ​​ក្នុង១​​ឆ្នាំ​នាពេល​​ខាង​មុខ​។

ង៉ែត យុវតី ក៏​បាន​បញ្ជាក់​ដែរ​​​ថា ​រាល់​​ការ​ផលិត​​គឺ​ធ្វើ​ឡើង​ដោយ​ដៃ​កូន​ខ្មែ​រទាំង​អស់​ និង​​បាន​ផ្ដោត​លើ​ផលិត​របស់​ខ្មែរ​ យក​មក​បំពេញ​តម្រូវ​ការ​អតិថិជន​៕

អត្ថបទគួរចាប់អារម្មណ៍