The Phnom Penh Post Search

Search form




Logo of Phnom Penh Post newspaper Phnom Penh Post - ការងារ ៣២៩ កន្លែង​ពី​ក្រុម​ហ៊ុន​ធំៗ​នៅ​កម្ពុជា​ រង់​ចាំ​សិស្ស-និស្សិត​នៅ​វេទិការ​ការងារ​ខែ​នេះ

ការងារ ៣២៩ កន្លែង​ពី​ក្រុម​ហ៊ុន​ធំៗ​នៅ​កម្ពុជា​ រង់​ចាំ​សិស្ស-និស្សិត​នៅ​វេទិការ​ការងារ​ខែ​នេះ

Content image - Phnom Penh Post

ការងារ ៣២៩ កន្លែង​ពី​ក្រុម​ហ៊ុន​ធំៗ​នៅ​កម្ពុជា​ រង់​ចាំ​សិស្ស-និស្សិត​នៅ​វេទិការ​ការងារ​ខែ​នេះ

ភ្នំពេញៈ ​ការងារ​ចំនួន​ ៣២៩ ​កន្លែង​ ពី​ក្រុម​ហ៊ុន ​ចំនួន ៥ ធំៗ ​កំពុង​រង់​ចាំ សិស្ស​-និស្សិត នៅ​​វេទិការ​ការងារ ដែល​នឹង​ធ្វើ​ឡើង​ថ្ងៃ​ទី ​២៧​ ខែមេសា ​នៅ​ទីភ្នាក់ងារ​ជាតិ​មុខរបរ​ និងការងារ​ (NEA) ដើម្បី​​​ផ្ដល់​ឱកាស​ការងារ​ យ៉ាង​ច្រើន​មុខ​តំណែង​ខុសៗ​គ្នា​។

លោក ​អាំង ​ភារៈ ​ប្រធាន​មជ្ឈម​ណ្ឌល​ការងារ​រាជធានី​ភ្នំពេញ ​បាន​ថ្លែង​ប្រាប់​គេហទំព័រ​ LIFT-យុវវ័យ ​ឲ្យ​ដឹង​ថា ​NEA បាន​ស្វែង​រក ​និង​សហការ​ជាមួយ​នឹង​ក្រុម​ហ៊ុន ​ដែល​បាន​ផ្ដល់​ឱកាស ​ដល់​យុវជន​ ដែល​ចង់​ស្វែង​ការងារ​ធ្វើ ​អ្នក​ដែល​មាន​ការ​ធ្វើ​ហើយ​ តែ​ចង់​ផ្លាស់​ប្ដូរ​ការងារ ​និង​ក្រុម​អ្នក​ដែល​រៀន​សូត្រ​បាន​កម្រិត​តិច​តួច ​។

លោក​ថ្លែងថា ​«យើង​ស្វែង​រកក្រុម​ហ៊ុន​ណា​ដែល​បាន​ផ្ដល់​ឱកាស​ឲ្យ​ពួកគាត់​ទាំង​បី​ប្រភេទ​ខាង​លើ​នេះ ​ដូច្នេះ​យើង​មិន​បាន​ កំណត់​ ឬ​គិត​ថា ​វេទិការ​ ការងារ​នេះ ​សម្រាប់​តែ​ក្រុម​អ្នក​ដែល​មាន​បទពិសោធន៍​​ទើប​អាច​មក​ធ្វើ​បាន​នោះ​ទេ​ គឺ​ យើង​បាន​ផ្ដល់​ឱកាសឲ្យ​ទាំង​អស់ ​ទោះបី​ជាគាត់​គ្មាន​បទពិសោធន៍​ក៏អាចធ្វើ​បាន​» ។

សិស្ស​-និស្សិត ​ដែល​មាន​បំណង​ចង់​ទទួល​បាន​ការងារ​នៅ​ក្នុង​វេទិការ​នេះ​ អ្វី​ដែលត្រូវ​ធ្វើ​មុន​គេ​បំផុត​នោះ​គឺ ត្រូវ​រៀបចំ​ប្រវត្ដិរូបសង្ខេប​ឲ្យ​បាន​ជាមុន ​ដើម្បី​យកមក​ដាក់​សម្ភាស៍​ដោយផ្ទាល់​ជា​មួយ​ក្រុមហ៊ុន​តែ​ម្ដង។

លោក ​ភារៈ ​បញ្ជាក់​ថា «អ្វីដែល​សំខាន់​បំផុត ​សិស្ស​-និស្សិត ត្រូវ​រៀប​ចំខ្លួន​យ៉ាងណា​ ឲ្យ​បាន​ល្អ​នៅ​អំឡុង​ពេល​ដែល​ឆ្លើយ​សំណួរ។ ​អញ្ចឹង អ្វី​ដែល​ពួកគាត់​ត្រូវ​ធ្វើ ​គឺ​ត្រូវ​សិក្សា​ស្វែង​យល់​ពី​ក្រុម​ហ៊ុន​នីមួយៗ ​ឲ្យ​បាន​រួចរាល់​ដើម្បី​បាន​ដឹង​ពី​ប្រភព​ព័ត៌មាន​ និង​ងាយ​ស្រួល​ក្នុង​ការ​ឆ្លើយ​សំណួរ​នៅ​ពេល​សម្ភាស៍»​ ។

គួរបញ្ជាក់ថា​ ទីភ្នាក់ងារ​ជាតិ​មុខរបរ និង​ការងារ បាន​រៀប​ចំឲ្យ​មាន​វេទិការ​ ការ​ងារ ជារៀង​រាល់​ខែ នៅ​សប្ដាហ៍​ទី៤ រៀង​រាល់​ថ្ងៃ ព្រហស្បត៍ ចាប់​ពី​ម៉ោង​១ ដល់​ ម៉ោង៥​ រសៀល​ នៅ​ទីភ្នាក់​ងារ​ជាតិ​មុខ​របរ​ និង​ការ​ងារ៕

អត្ថបទគួរចាប់អារម្មណ៍