The Phnom Penh Post Search

Search form




Logo of Phnom Penh Post newspaper Phnom Penh Post - ការ​ប្រកួត​ជើង​ឯក STEM ឆ្នាំ​នេះ​ ​សិស្ស​-និស្សិត​សម្រុក​ដាក់ពាក្យ​ពេញ​មុន​កំណត់

ការ​ប្រកួត​ជើង​ឯក STEM ឆ្នាំ​នេះ​ ​សិស្ស​-និស្សិត​សម្រុក​ដាក់ពាក្យ​ពេញ​មុន​កំណត់

Content image - Phnom Penh Post

ការ​ប្រកួត​ជើង​ឯក STEM ឆ្នាំ​នេះ​ ​សិស្ស​-និស្សិត​សម្រុក​ដាក់ពាក្យ​ពេញ​មុន​កំណត់

ភ្នំពេញៈ ការ​ប្រកួត​ជើង​ឯក​ STEM ឆ្នាំនេះ សិស្ស​-និស្សិត​នៅ​តាម​វិទ្យា​ល័យ ​និង​សាកល​វិទ្យា​ល័យ​នានា បាន​សម្រុក​ដាក់​ពាក្យ​ចូល​រួម​ប្រកួត​ពេញ​មុន​កាល​កំណត់​។ នេះ​បើ​តាម​ការ​ឲ្យ​ដឹង​ពី​អ្នក​រៀប​ចំ​ការ​ប្រកួត និង​​មហោ​ស្រព​ STEM ឆ្នាំ​​នេះ។

ការ​ប្រកួត STEM ដែល​សម្តៅលើ​ជំនាញ វិទ្យា​​សាស្ត្រ​ បច្ចេក​វិទ្យា ​វិស្វកម្ម​ និងគណិតវិទ្យា បើក​ទូលាយ​សម្រាប់​ការ​ដាក់​ពាក្យ​ប្រកួត​ សម្រាប់​សិស្ស​វិទ្យាល័យ​ចាប់​ពីថ្នាក់​ទី​ ១០-១១-១២ និង ​និស្សិត​ ឆ្នាំទី ១​ប៉ុណ្ណោះ។

លោក ​ស្រេង ​ប៉េងហេង​ នាយក​ផ្នែក​រដ្ឋបាល​អង្គការ​ STEM ​កម្ពុជា ​ដែល​ជាអង្គការ​ដៃ​គូជា​មួយ​ក្រសួង​អប់រំ ​ក្នុង​ការ​សហ​ការ​រៀបចំ​មហោ​ស្រព​ STEM ​ឆ្នាំនេះ ​ថ្លែង​ប្រាប់​ LIFT ឲ្យ​ដឹង​ថា ​ការ​ប្រកួត​ជើង​ឯក​ STEM ឆ្នាំ​នេះ ​មាន​សិស្ស-និស្សិត​ បាន​ដាក់​ពាក្យ​ចូល​រួម​ប្រកួត​ច្រើន​ និង​រហ័ស​ជាង​ឆ្នាំ​មុន​ ដោយ​គិត​មក​ទល់​ពេល​នេះ ​មាន​សិស្ស​-និស្សិត បាន​ដាក់​ពាក្យ​លើស​ចំនួន​កំណត់​ទៅ​ហើយ។

លោក​បន្ដ​ថា «​ការ​ប្រកួត ក៏ដូច​ជា ​មហោ​ស្រព​ STEM ​យើង​ធ្វើ​ឡើង​ ដើម្បី​ឲ្យ​សិស្ស-និស្សិត​ងាក​មក​ចាប់​អារម្មណ៍​ជា​មួយ​វិស័យ​នេះ​វិញ​ ព្រោះ​វា​កំពុង​តែ​មាន​តម្រូវ​ការនៅ​ក្នុង​ប្រទេស​កម្ពុជា» ។

កម្មវិធី​ប្រកួត​ជើង​ឯក​ STEM ​និង ​មហោស្រព​ STEM ឆ្នាំ​នេះ ​លោក ​ប៉េងហេង​ បាន​សង្ឃឹម​ថា ​មាន​យុវជន ​និង​សិស្ស​-និស្សិត ​ចូល​រួម​ចំនួន​ ២៥ ០០០ នាក់​ ខណៈ​កាលពី​ឆ្នាំមុន ​មាន​យុវជន​ចូល​រួម​សរុប ​ជាង​១៧ ០០០ ​នាក់ ។

យោង​តាម​របាយការណ៍​របស់​ក្រសួង​អប់រំ ​បាន​ឲ្យ​ដឹង​ថា ​មាន​តែ​ត្រឹម ​៣% ​ប៉ុណ្ណោះ​ក្នុង​ចំណោម​សិស្ស​ចំនួន ២៥០,០០០ បញ្ចប់​ថ្នាក់​មូល​ដ្ឋាន ​កាល​ពី​ឆ្នាំ ២០១៤ ​ មក​ចុះ​ឈ្មោះ​រៀន​ជំនាញ​វិជ្ជាជីវៈ​ផ្នែក​បច្ចេកទេស​ដូចជា ​កសិកម្ម​ វិទ្យាសាស្ត្រ និង​វិស្វកម្ម ​ខណៈ​ជិត​ពាក់​កណ្តាល​នៃ​និស្សិត​សាកល​វិទ្យាល័យ​ក្នុង​ប្រទេស​កម្ពុជា ​បច្ចុប្បន្ន​ ​ចុះ​ឈ្មោះ ​ចូល​រៀន​ជំនាញ​ពាក់​ព័ន្ធ​នឹង​វិស័យ​ ពាណិជ្ជកម្ម​។

លោក ​ហង្សជួន​​ ណារ៉ុន​ រដ្ឋ​មន្ត្រី​ក្រសួង​អប់រំ ​ធ្លាប់​បាន​ថ្លែង​ឲ្យ​ដឹង​ថា ​«កម្ពុជា​ត្រូវ​ការ​យុវជន ជាច្រើន​ដែល​មាន​ជំនាញ ​និង​សមត្ថភាព​ក្នុង​មុខ​ជំនាញ ​STEM​ ដើម្បី​អភិវឌ្ឍ​​ធនធាន​មនុស្ស ​សេដ្ឋកិច្ច ​និង​ជំរុញ​ការ​អភិវឌ្ឍ​ជាតិ​របស់​យើង» ។

ការ​ប្រកួត​ជើង​ឯក STEM ​ឆ្នាំ ​២០១៧ ​នេះ ​ក្រុម​សិស្ស​ដែល​ទទួល​បាន​ជយ​លាភី ​នឹង​ទទួល​បាន​រង្វាន់​ធំ​ទូរស័ព្ទ iPhone ​និង​ឱកាស​ទទួ​ល​បាន​អាហា​រូបករណ៍​រៀន​នៅ​មជ្ឃ​មណ្ឌល​អូស្រ្តាលី​ សម្រាប់​ការបណ្ដុះ​បណ្ដាល (ACE)​ និង​ប័ណ្ណ​សរសើរ​ពី​ក្រសួង​អប់​រំ ​យុវជន ​និង ​កីឡា។

ព្រឹត្តិ​ការណ៍​ប្រកួត​ប្រជែង​យក​ជើង​ឯក ​STEM ​និង​មហោស្រព STEM ឆ្នាំ​ ២០១៧​ នេះ​ នឹង​ធ្វើឡើង​នៅ​ថ្ងៃទី ៩-១០ និង​ ១១ ខែ​មីនា ឆ្នាំ ២០១៧ នៅ​ពហុកីឡដ្ឋាន​ជាតិអូឡាំពិក៕

អត្ថបទគួរចាប់អារម្មណ៍