The Phnom Penh Post Search

Search form




Logo of Phnom Penh Post newspaper Phnom Penh Post - ការ​ស្រាវជ្រាវ៖ ការ​អាន​សៀវភៅ​ជួយ​បង្កើន​អាយុ​មនុស្ស




ការ​ស្រាវជ្រាវ៖ ការ​អាន​សៀវភៅ​ជួយ​បង្កើន​អាយុ​មនុស្ស

Content image - Phnom Penh Post
(រូបតំណាង)យុវតី​ម្នាក់​កំពុង​តែ​អាន​សៀវភៅ​របស់​លោក គួច ម៉េងលី យ៉ាងយកចិត្តទុកដាក់។

ការ​ស្រាវជ្រាវ៖ ការ​អាន​សៀវភៅ​ជួយ​បង្កើន​អាយុ​មនុស្ស

នៅ​ពេល​នេះ មនុស្ស​ជា​ច្រើន​បាន​ដឹង​ហើយ​ថា ការ​អង្គុយ​ច្រើន​ម៉ោង​ពេក​អាច​នឹង​នាំ​ឲ្យ​កើត​មាន​បញ្ហា​សុខភាព​គ្រប់​បែប​យ៉ាង​ទាំង​អស់។ ក៏​ប៉ុន្តែ​ការ​សិក្សា​ស្រាវជ្រាវ​ថ្មី​មួយ​បាន​បង្ហាញ​ថា យ៉ាង​ហោច​ណាស់​ក៏​មាន​វិធីល្អ​សម្រាប់​សុខភាព​មួយ​ដែរ​ដែល​អ្នក​អាច​ធ្វើ​នៅ​ពេល​អង្គុយ គឺ​ការ​អាន​សៀវភៅ។

ការ​សិក្សា​ស្រាវជ្រាវ​ដែល​ត្រូវ​បាន​បោះ​ពុម្ភ​ផ្សាយ​កាល​ពី​ខែ​មុន​នៅ​ក្នុង​គេហទំព័រ Social Science & Health បាន​បង្ហាញ​ថា ការ​អាន​សៀវភៅ​មាន​ទំនាក់​ទំនង​វិជ្ជមាន​ជាមួយ​នឹង​ការ​បង្កើន​អាយុកាល​រស់​នៅ​របស់​មនុស្ស។

ក្រុម​អ្នក​ស្រាវជ្រាវ​សុខភាព​សាធារណៈ​មួយ​មក​ពី​សាកល​វិទ្យាល័យ Yale នៅ​សហរដ្ឋ​អាមេរិក ដែល​បាន​វិភាគ​ទៅ​លើ​ទិន្នន័យ​ដែល​ទទួល​បាន​ពី​ជនជាតិ​អាមេរិក​ដែល​មាន​អាយុ​លើស​ពី ៥០ ឆ្នាំប្រមាណ ៣៦៣៥ នាក់ ពី​ឆ្នាំ ១៩៩២ ដល់ ២០១២។

ដោយ​មិនគិត​ពី​អាយុ ភេទ ជាតិសាសន៍ ការ អប់រំ ទ្រព្យ​សម្បត្តិ អាពាហ៍ពិពាហ៍ និង​បញ្ហា​ផ្លូវ​ចិត្ត ពួកគេ​បាន​រក​ឃើញ​ថា អ្នក​ដែល​អាន​សៀវភៅ​ទំនង​ជា​រស់​នៅ​បាន​អាយុ​វែង​ជាង​អ្នក​ដែល​អាន​សៀវភៅ ក្នុង​អត្រា​ដល់​ទៅ ២០ ភាគ​រយ។ សរុបមក ក្រុម​អ្នក​ស្រាវជ្រាវបាន​គណនា​ថា ការ​អាន​សៀវភៅ​មាន​ទំនាក់​ទំនង​ទៅ​នឹង​ការ​បង្កើន​អាយុ​រស់​នៅ​រហូត ២៣ ខែ។

ដោយ​ឡែក ការ​អាន​កាសែត ឬទស្សនាវដ្តី​ពុំ​បាន​ផ្តល់​ឥទ្ធិពល​ដូច្នេះ​ទេ។

ការ​ស្រាវជ្រាវ​បាន​ឲ្យ​ដឹង​ថា មនុស្ស​ដែល​អាន​សៀវភៅ​បាន​បង្ហាញ​ពី​សមត្ថភាព​ផ្លូវ​អារម្មណ៍​ខ្លាំង​ជាង ដូចជា​ការ​ពូកែ​ចង់ចាំ និង​ការ​រាប់​ថយ​ក្រោយ ហើយ​នៅពេល​ដែល​រួមផ្សំ​គ្នា​ជាមួយ​នឹង​ការ​អាន វា​បាន​បង្ហាញ​ពី​ទំនាក់ទំនង​វិជ្ជ​មាន​ជាមួយ​នឹង​ការ​រស់​នៅ​បាន​កាន់​តែ​យូរ។

Avni Bavishi ជា​អ្នក​ដែល​បាន​ដឹកនាំ​ការ​ស្រាវជ្រាវ​នេះ បាន​ជឿជាក់​ថា ទំនាក់​ទំនង​នេះ​ត្រូវ​បាន​បណ្តាល​ឡើយ​ដោយ​ការ​និទាន និង​តួអង្គ​នៃ​សាច់​រឿង​ក្នុង​សៀវភៅ និង​កម្រាស់​របស់​សៀវភៅ ដែល​បង្កើន​ជំនាញ​ផ្លូវ​អារម្មណ៍ និង​បង្កើន​អាយុ​កាល​នៃ​ការ​រស់​នៅ៕

QUARTZ/ ប្រែ​សម្រួល​ដោយ​ តាំង រីនិត្យ

អត្ថបទគួរចាប់អារម្មណ៍