The Phnom Penh Post Search

Search form




Logo of Phnom Penh Post newspaper Phnom Penh Post - ក្រសួង អំពាវនាវ​ឲ្យ​មាន​ការ​ចូល​រួម​កាន់​តែ​ទូលំ​ទូលាយ​ក្នុង​​ទិវា​អំណាន​ជាតិ​ ឆ្នាំ​នេះ

ក្រសួង អំពាវនាវ​ឲ្យ​មាន​ការ​ចូល​រួម​កាន់​តែ​ទូលំ​ទូលាយ​ក្នុង​​ទិវា​អំណាន​ជាតិ​ ឆ្នាំ​នេះ

Content image - Phnom Penh Post

ក្រសួង អំពាវនាវ​ឲ្យ​មាន​ការ​ចូល​រួម​កាន់​តែ​ទូលំ​ទូលាយ​ក្នុង​​ទិវា​អំណាន​ជាតិ​ ឆ្នាំ​នេះ

ភ្នំពេញៈ ​ក្រសួង​អប់រំ​ យុវជន ​និង​កីឡា ​បាន​ណែនាំ​ពី​ការ​ប្រារព្ធ​ទិវា​អំណាន​ជាតិ​ នា​ថ្ងៃ​ទី១១​ ខែ​មីនា ​ឆ្នាំ ២០១៧ ​ខាង​មុខ​ ឲ្យ​មាន​ការ​ចូល​រួម​កាន់​តែ​ទូលំ​ទូលាយ ​អធិកអធម ​ពីគ្រប់​មជ្ឈដ្ឋាន​នានា ​។

តាម​សេចក្ដី​ណែនាំ​របស់​ក្រសួង​អប់រំ​យុវជន ​និង​កីឡា ​ដែល​បាន​ឲ្យ​ដឹង​នា​ថ្ងៃ​អង្គារ បាន​បង្ហាញ​ពី​ចំណុច​ដែល​គ្រឹះស្ថាន​អប់រំ និង​គ្រឹះស្ថាន​ឧត្ដម​សិក្សា​នានា​ត្រូវ​បង្រឹង​ និង​ពង្រីក​ការ​អាន​ និង​ទម្លាប់​អាន​ឲ្យ​បាន​កាន់​តែ​ទូលំ​ទូលាយ​ ដល់​សិស្សា​នុសិស្ស​ បុគ្គលិក ​និង​មន្រ្ដី​នៅ​តាម​ស្ថាប័ន​របស់​ខ្លួន ​។

សេចក្ដី​ណែនាំ​ដែល​បានចុះ​ហត្ថលេខ​ដោយ​រដ្ឋ​មន្រ្ដី​ក្រសួង​អប់រំ​នា​ពី​ថ្ងៃ​ទី២៦​ខែ​មរា​នេះ​ បាន​បញ្ជាក់​បន្ថែម​ពី​ចំណុច​ ​សំខាន់ៗ​មួយ​ចំនួន​ដូច​ជា ​ការ​ចូល​រួម​អបអរ​សាទរ​ក្នុង​ថ្ងៃ​ទិវា​អំណាន​ជាតិ ​ពីសំណាក់​គ្រឹះស្ថាន​ឧត្ដម​សិក្សា​ សាស្រ្ដា​ចារ្យ ​បុគ្គលិក ​និង​សិស្សា​នុសិស្ស​ឲ្យ​បាន​អធិកអធម​។ ​ការ​ប្រកួត​ប្រជែង ​ដែល​បាន​រៀប​ចំឡើង​ជា​លើក​ដំបូង​នៅ​ថ្នាក់​ជាតិ ​និង​ថ្នាក់​ក្រោម​ជាតិ ​លើ​វិញ្ញាសា​សំខាន់ៗ​ «​ការ​អាន​អត្ថបទ​សម្រាប់​សិស្ស​បឋម​សិក្សា​ថ្នាក់៦​ ការ​ស្មូត​កំណាព្យ​សម្រាប់​សិស្ស​មធ្យម​សិក្សា​ថ្នាក់ទី៩​ និង​ការតែង​និពន្ធ​សម្រាប់​សិស្ស​ទុតិយ​ភូមិ​ថ្នាក់​ទី១២»​។

ក្រសួង​ក៏​បាន​បញ្ជាក់​ពី​ការ​ចំណាយ​លើ​​ការ​ប្រារព្ធ​នាអំឡុង​​ថ្ងៃ​ទិវា​អំណាន​ជាតិ​​ដែរ​ថា ការ​ចំណាយ ​និង​ដំណើរ​ការ​ប្រកួត​ប្រជែង​ នៅ​ថ្នាក់​គ្រឹះស្ថាន​សិក្សា ​ក្រុង​ ស្រុក ​ខណ្ឌ ​និង​រាជធានី ​ខេត្ដ​ទាំង​អស់ ​ជា​បន្ទុក​របស់​ថ្នាក់​ក្រោម​ជាតិ ​ដោយ​មាន​កិច្ច​សហការ​ជា​មួយ​ដៃគូ​អភិវឌ្ឍ ​និង​សប្បុរស​ជន​នានា​តាម​លទ្ធភាព​របស់​ខ្លួន ។

ក្រៅ​ពី​នេះ​ក្រសួង​ក៏បាន​រំលឹក​ពី​ការ​ដាក់​បន្ទុក​បេក្ខជន​ក្នុងការ​ប្រកួត​ប្រជែង​តាម​ថ្នាក់​គ្រឹះស្ថាន​សិក្សា ​ក្រុង​ ស្រុក ​ខណ្ឌ​ និង​រាជធានី ​ខេត្ដ​ទាំង​អស់ ​ឲ្យ​មាន​គុណ​ភាព​ តម្លាភាព​ និង​យុត្ដិធុម៌​ ។

លោក​ ហុក​ សុទ្ធិ នាយក​អង្គការ​ស៊ីប៉ា និង​ជា​ប្រធាន​សមាគម​បណ្ណា​រក្ស​ និង​ឯកសារ​វិទូ​កម្ពុជា​ បាន​ឆ្លើយ​តប ប្រាប់​ LIFT នា​ថ្ងៃ​អង្គារ​ចំពោះ​សេចក្ដី​ណែនាំ​របស់​ក្រសួង​អប់រំ​នៃ​ការ​ប្រារព្ធ​ទិវា​អំណាន​ឆ្នាំ​នេះ​ដែរ​ថា ​ការ​ដែល​ក្រសួង​បាន​ចេញ​សេចក្ដី​ណែនាំ​បែប​នេះ ​គឺ​ជា​កត្ដា​សំខាន់​ណាស់ ​ដែល​អាច​ជួយ​ជំរុញ​ដល់​គ្រូ ​និង​សិស្ស ឲ្យ​បាន​យល់​ថា ​ការ​អាន​គឺ​សំខាន់​ទើប​បានជា​មាន​ការ​ជំរុញ​បន្ថែម​បែប ។

លោក​បាន​ថ្លែង​ថា «ការ​ណែនាំ​នេះ ​គឺ​ជា​កត្ដា​មួយ​សំខាន់ ​ដើម្បី​ជួយ​ជំរុញ ​ពិសេស ​ដល់​គ្រូ ​និង​សិស្ស នៅ​ក្នុង​សាលា​ទាំង​គ្រប់​កម្រិត​ឲ្យ​យល់​ ថា​ការ​អាន​នឹង​សំខាន់​បាន​ក្រសួង​ជំរុញ​បែប​ហ្នឹង​! ​សំខាន់​សម្រាប់​ការ​រៀន​សូត្រ ​សំខាន់​សម្រាប់​ឲ្យ​សិស្ស​អាច​ប្រឡង​ជាប់ ​ហើយ​ក៏​ជា​កត្ដា​មូល​ដ្ឋាន​មួយ​ដែល​អាច​ជំរុញ​ការ​អាន​ទូទៅ​ផង​ដែរ​»។

លោក​បន្ថែម​ថា​ «សេចក្ដី​ណែនាំ​នេះ​ ក៏បាន​ធ្វើ​ឲ្យ​សាធា​រណៈ​ជន​កាន់​តែ​ចាប់​អារម្មណ៍​ចំពោះ​ការ​អាន​ឲ្យ​បាន​កាន់​តែ​ប្រសើរ​ជាង​មុន​ផង​ដែរ​» ។

លោក ​សុទ្ធិ​ បាន​មើល​ឃើញ​ដែរ​ថា ​ទម្លាប់​នៃការ​អាន ​និង​វប្បធម៌​អាន​របស់​ប្រជា​ពលរដ្ឋ​ខ្មែរ​នៅ​មាន​កម្រិត ដូច្នេះ​ឳពុក​ម្ដាយ ​និង​អាណាព្យា​បាល​ គួរ​យក​ចិត្ដ​ទុក​ដាក់​ជំរុញ​ការ​អាន​ដល់​កូន​ ឲ្យ​ពួកគេ​ចេះ​ស្រលាញ់​សៀវ​ភៅ ​នឹង​ការ​អាន ​ចាត់​ទុក្ខ​សៀវភៅ​ដូច​ជា​ល្បែង​លេង​របស់​ពួកគេ ​។

ចំណែក​ លោក​ នង ​ប៉ុនហេង ​នាយក​វិទ្យាល័យ​យុគន្ធ​ បាន​ឲ្យដឹង​ដែរថា​ លោក​នូវ​មិន​ទាន់​ហ៊ាន​បក​ស្រាយ​លើ​សេចក្ដី​ណែនាំ​នេះ​នៅ​ឡើយ​ទេ ​ព្រោះ​នៅ​មិន​ទាន់​ទទួល​បាន​ពត៌មាន​ដោយ​ផ្ទាល់​ពី​ក្រសួង​ ។

LITF មិន​អាច​ទាក់ទង​លោក ​រស់ ​សាលីន ​អ្នកនាំ​ពាក្យ​ក្រសួង​អប់រំ​យុវជន ​និង​កីឡា​បាន​ទេ នា​ថ្ងៃ​នេះ ​ព្រោះ​ទូស័ព្ទ​មិន​មាន​អ្នក​ទទួល។ ព័ត៌​មាន​បន្ថែម​ពី​សេចក្ដី​ណែនាំ​ទិវា​អំណាន​ជាតិ​ ឯកសា ​PDF៖​ https:​//goo.gl​/JzESkg ៕

អត្ថបទគួរចាប់អារម្មណ៍