The Phnom Penh Post Search

Search form




Logo of Phnom Penh Post newspaper Phnom Penh Post - ក្រុម​ «កុនខ្មែរ​កូនខ្មែរ» ប្រកាស​ការ​ប្រកួត​ភាពយន្ដ​ខ្លី​ចតុមុខ ២០១៧

ក្រុម​ «កុនខ្មែរ​កូនខ្មែរ» ប្រកាស​ការ​ប្រកួត​ភាពយន្ដ​ខ្លី​ចតុមុខ ២០១៧

Content image - Phnom Penh Post
លោក ជា ច័ន្ទបុរិបូរណ៍ រដ្ឋលេខាធិការ ក្រសួងពត៌មាន បានថ្លែងក្នុង​ពិធី​សម្ពោធ​ភាពយន្ដ​ខ្លី​នៅ Bophana កាល​ពី​ថ្ងៃសុក្រ​សប្ដាហ៍មុន ។

ក្រុម​ «កុនខ្មែរ​កូនខ្មែរ» ប្រកាស​ការ​ប្រកួត​ភាពយន្ដ​ខ្លី​ចតុមុខ ២០១៧

ភ្នំពេញៈ ក្រុម​ «កុនខ្មែរ​កូនខ្មែរ» សហការ​ជាមួយ​ក្រុម (Out Sources) បាន​រៀបចំ​ មហោ​ស្រព​ភាព​យន្ដ​ខ្លី​ចតុមុខ (CSFF) ឆ្នាំ​ ២០១៧ កាលពី ថ្ងៃ​ទី ៣០ ខែ​មិថុនា ឆ្នាំ ២០១៧ នៅ​មជ្ឈមណ្ឌល​ Bophana និង​ប្រកាស​បន្ដ​ទទួល​កុន​ខ្មែរ រហូត​ដល់​ថ្ងៃ​ទី ១៥ ខែសីហា ។

លោក ជា សុខហ៊ី ប្រធាន​មហោ​ស្រព​កុនខ្លី​ចតុមុខ មហោ​ស្រព​ភាពយន្ដ​ខ្លី​ចតុមុខ នឹង​ធ្វើ​ឡើង​ចាប់​ពីថ្ងៃ​ទី ២៥ ដល់ ៣០ ខែតុលា ឆ្នាំ ២០១៧ ។ កុនខ្លី​ទាំង​អស់ មិន​កំណត់​ប្រធាន​បទ​ និង​ត្រូវ​ផលិត​ឡើង​ចាប់​ពី ៥ ទៅ ២៥​នាទី ។

លោក បន្ដ​ឲ្យ​ដឹង​ថា បេក្ខជាន​ជយ​លាភី​ឆ្នាំនេះ នឹង​ទទួល​បាន​ប្រាក់​រង្វាន់​ ៤ លាន​រៀល និង​រង្វាន់​ផ្សេងៗ​ជា​ច្រើន​ទៀត។ ​ចំណែក​កុន​ដែល​មហោ​ស្រព​បាន​ទទួល​​ក្នុង​ឆ្នាំ​នេះ មាន​កុន​ខ្មែរ​ចំនួន ១៨រឿង និង​មាន​កុន​បរទេស​ចំនួន ៣០៣០ រឿង​ហើយ និង​កំពុង​ទទួល​បន្ដ ។

លោក ជា ច័ន្ទ​បុរិបូរណ៍ រដ្ឋលេខា​ធិការ ក្រសួង​ពត៌មាន បាន​ថ្លែង​ឲ្យ​ដឹង​ដែរ​ថា បច្ចុប្បន្ន​បច្ចេកវិទ្យា​កំពុង​មាន​ការ​រីក​ចម្រើន ពិសេសការ​ប្រើ​ប្រាស់​ស្មាត​ហ្វូន ដូច្នេះ​ការ​ផលិត​រឿង​ខ្លី​ពិត​ជាមាន​សារៈ​សំខាន់​ណាស់ ​ព្រោះ​ជា​គ្រឹះ​ដើម្បី​ឈាន​ទៅ​ផលិត​ភាព​យន្ដ​ខ្នាត​វែងបាន​នាពេល​ខាង​មុខ ។

លោកបន្ដ​លើក​ឡើងថា «ផលិតករ​ភាពយន្ដ​គួរ​ដើរ​ឲ្យ​ទាន់​អ្នក​មើល​ បច្ចុប្បន្ន​អ្នក​មើល​ គេ​មើល​​តាម​រយៈ​ស្មាត​ហ្វូន ដូច្នេះ​គេ​មិន​អាច​ចំណាយ​ពេល​ច្រើន​ទេ ព្រោះ​ស្នាត​ហ្វូន​អាច​ក្ដៅ អញ្ចឹង​រឿង​ការ​ផលិត​រឿង​ខ្លី​ពិត​ជា​សម​ស្រព​តាម​​តម្រូវ​ការ​របស់​អ្នក​មើល» ។

«ការ​ផលិត​ភាពយន្ដ​ខ្លី​ការ​ជា​ការ​បង្រៀន​មួយ​ដល់​យុវជនយើង​ ឲ្យ​រៀន​ចេះ​រក​គំនិត​ផលិត​រឿង ព្រោះ​ការ​ផលិត​ភាព​យន្ដ​អ្វី​ដែល​សំខាន់​គឺ​ត្រូវ​មាន​គំនិត​ឆ្នៃ​ប្រឌិត​ជាមុន​សិន» លោក ច័ន្ទ​បុរិបូរណ៍ បន្ថែម ៕

អត្ថបទគួរចាប់អារម្មណ៍