The Phnom Penh Post Search

Search form




Logo of Phnom Penh Post newspaper Phnom Penh Post - តិច​និច​ខ្លះ​ពី​គ្រូ​ជំនាញ​ CIA ក្នុង​ការ​ថត​រូប ម្ហូប និង​ផលិតផល

តិច​និច​ខ្លះ​ពី​គ្រូ​ជំនាញ​ CIA ក្នុង​ការ​ថត​រូប ម្ហូប និង​ផលិតផល

Content image - Phnom Penh Post

តិច​និច​ខ្លះ​ពី​គ្រូ​ជំនាញ​ CIA ក្នុង​ការ​ថត​រូប ម្ហូប និង​ផលិតផល

លោក​ ថៃ​ វ៉ាន់ថា​ គ្រូ​ជំនាញ​​នៅ​ Canon​ Imaging Academy (CIA) ​របស់​ក្រុមហ៊ុន i-Qlick និង​ជា​ស្ថាប​និក​​នៃ @Home Photography បាន​​ចែក​រំលែក​​តិច​និច​មួយ​ចំនួន​ដល់​ប្រិយ​​មិត្ដ​ទាំង​ឡាយ​ដែល​ចូល​ចិត្ត​ថតរូប។

ជាពិសេស​​នៅ​ពេល​នេះ ​គេហទំព័រ​យុវវ័យ LIFT នៃ​កាសែត​ភ្នំពេញ​បុស្ដិ៍ ​នឹង​នាំ​លោក​អ្នក​​ស្វែង​​យល់​​ពី​តិច​និច​ពិសេសៗ​មួយ​ចំនួន​ក្នុង​ការ​ថតរូប​បែប​ Food and Product Photography ជាមួយ​គ្នា។

ការ​ថត​រូប​បែប​ Food and Product Photography គឺវា​មាន​លក្ខណៈ​ខុស​ប្លែក​ពី​ការ​ថត​រូប​ធម្មតា​​ម្យ៉ាង​វិញ​ទៀត​​វា​ទាម​ទារ​ឲ្យ​យើង​រៀប​ចំ​ប្លង់​នៃ​ការ​ថត​ស្រប​ទៅ​តាម​ពេល​វេលា​ និង​ពន្លឺ។ ព្រោះ​ថា​​លក្ខណៈ​នៃការ​ថត​ម្ហូប​នឹង​ចំណី​អាហារ​ គឺ​មាន​លក្ខណៈ​ផ្សេងៗ​គ្នា​ទៅ​តាម​ពេល​វេលា​នឹង​តម្រូវ​ការ​​របស់​​ផលិត​ផល​ដែល​យើង​ចង់បាន។

លោក ថៃ វ៉ាន់ថា បាន​ឱ្យ​ដឹង​ថា៖«ការ​ថត​រូប​បែប ​Food and Product​នេះ ជា​ទូទៅ​ គេ​ថត​តាម​វិធី​សាស្រ្ដ​ Rule of Third » ​គឺ​ត្រូវ​រៀប​ចំ​ទិដ្ឋភាព​នៃ​ការ​ថត​បែប​ថ្មី​ Creative Mood ​ស្រប​ទៅ​តាម​ពេល​វេលា​នៃ ​Subject ​ដែល​យើង​ចង់​បាន។

លោក​លើក​ជា​ឧទាហរណ៍​ថា​ ត្រូវ​រៀប​ចំទិដ្ឋ​ភាព​បែប​ម៉េច? ពន្លឺ​បែប​ម៉េច? ជាដើម​។​ ទិដ្ឋភាព​គឺ​ការ​រៀប​ចំ​ Subject ​អ្វីមួយ។ ​ឧទាហរណ៌​ដូចជា ​អាហារ​ពេល​ព្រឹក​មួយ​ចាន នេះ​គឺជា Subject​ បន្ទាប់​គឺ​ត្រូវ​មាន Element រឺវត្ថុ​ផ្សេងៗ​សម្រាប់​ Support ​មាន​ដូចជា​ស្លាប​ព្រា ស៊ម ​កាំបិត​ជាដើម។​ បន្ទាប់​មក​យើង​ត្រូវ​រៀប​ចំ​របស់​របរ​ផ្សេងៗ​សម្រាប់​ Support ​បន្ថែម​ឲ្យ​ស្រប​ទៅ​នឹង​ពេល​វេលា​ និង​ផលិត​ផល​របស់​យើង ​មានដូច​ជា កែវ​កាហ្វេរ​ ឬ​តែជា​ដើម ឱ្យ​សមស្រប​ទៅ​នឹង​អ្វី​ដែល​យើង​ចង់​បាន ឲ្យ​ដូច​​អាហារ​ពេល​ព្រឹក​មួយ​ចាន​យ៉ាង​ពិត​ប្រាកដ​អញ្ចឹង​ដែរ។

Content image - Phnom Penh Post

នៅ​ពេល​ដែល​យើង​ផ្គុំ Frame​ រួច​អស់ ​វា​នឹង​ទៅ​ជា​ការ​រៀប​ចំ​បែប​ Rule of Third ​​ អញ្ចឹង​ប្លង់​បែប​នឹងវា​នឹង​ធ្វើឲ្យ​មាន​ភាព​ទាក់​ទាញ​កាន់​តែ​ខ្លាំង​ពីព្រោះ​ថា ភ្នែក​យើង​នៅ​ពេល​ដែល​សម្លឹង​មើល​ទៅអ្វី​មួយ​អស់​មួយ​រយៈ​ពេល ​នោះ​យើង​នឹង​មាន​អារម្មណ៌​ថា ធុញ​ទៅ​លើ​វត្ថុនោះ​ អញ្ចឹង​នៅ​ពេល​ដែល​យើង​មាន​ Element ​អ្វី​ដ៏ទៃភ្នែក​របស់​យើង​ក៏ចាប់​អារម្មណ៌​ទៅ​លើ​វត្ថុ​ផ្សេង​ទៀត​នោះដែរ។

អ្វី​ដែល​សំខាន់​មួយ​ទៀត​នោះ​គឺ ការ​រៀប​ចំពន្លឺ ​យើង​ត្រូវដឹង​ថា​ ជា​ទូទៅ​ការ​រៀប​ចំ​អាហារ​ពេល​ព្រឹក​តើ​វា​មាន​ពន្លឺ​យ៉ាង​ម៉េច​? ព្រោះ​ថា ​ជាទូទៅ ​ពន្លឺ​មិន​មក​ពីលើ​ចំពេក​ ឬភ្លឺស្មើរ​បានទេ។ ​ឧទារណ៍ ​នៅផ្ទះ​យើង​ពន្លឺ​គឺ​ជះ​មក​ពីមាត់​បង្អួច​ ដូច្នេះ​ស្រមោល​គឺលាត​សន្ធឹង​ចេញ​ទៅ​វែង​ ប៉ុន្ដែ​​បើ​ពន្លឺ​ចាំង​ពីលើ​ស្រមោល​ក៏បញ្ចេញ​បាន​ខ្លីដែរ​។ ដូច្នេះ​នេះ​វាមិន​មែន​ជា​ពេល​ព្រឹក​ទេគឺ​ជាពេល​ល្ងាច​ទៅវិញ។​ អញ្ចឹង​ការ​រៀប​ចំ​ពន្លឺ​គឺត្រូវ​រៀប​ចំ​ឲ្យ​ស្រប​ទៅ​តាម​ពេល​វេលា ដែល​យើង​បាន​កំណត់។

ចំណែក​ឯការ​ថត​រូបបែប​ Product​ វិញ​គឺមាន​ច្រើន​ប្រភេទ​ណាស់​ ដូច្នេះ​ជម្រើស​នៃ​ការ​ថត​ Product ​ក៏​មាន​ច្រើន​ទៅតាម​នឹងដែរ​។

Content image - Phnom Penh Post

ឧទាហរណ៍ ​ដូច​ជាការ​ថត​រូប​បែប​ Promotion ​គឺគេ​មិន​សូវ​គិត​ទៅលើ​​ពន្លឺ​ប៉ុន្មាន​ទេ គឺ​ថត​ជាលក្ខណៈ​បែប​ត្រង់​ និង​ធម្មតា។ ​ប៉ុន្ដែ​ចំពោះ​ការថត​រូបបែប Creative Art Work ​វិញ ​គឺ​គេ​គិត​ទៅ​លើរឿង​ផ្សេងៗ​ជាច្រើន​ ជា​ពិសេស​គោល​បំណង​នៃ​ប្រើប្រាស់​ផលិត​ផល​ ថាតើ​យើង​ត្រូវ​ជ្រើស​រើស​យក​ទីតាំង​ណាសម​ស្រប​ទៅនឹង​ផលិត​ផលនឹង។

ឧទាហរណ៌ ​ដូច​ជាការ​ថត​ផ្សព្វ​ផ្សាយ​ពាណិជ្ជ​កម្ម​សំភារៈ​កីឡា ​ភាគ​ច្រើន​គេថត​ទៅតាម​លក្ខណៈ​ពន្លឺ ​គឺ​គេ​មើល​ទៅ Strong ​ដូច្នេះ​ការរៀប​ចំពន្លឺ​​គឺ​ដើម្បី​បង្ហាញ​នូវ​ទិដ្ឋភាព​មួយ​ដូច​ជា​ចេញ​ញើស ​ការ​បញ្ចេញ​កម្លាំង​កាយ​ ដែល​ធ្វើ​អោយ​​អ្នក​មើល​ហាក់​បីដូច​ជាទិដ្ឋភាព​ពិតៗ​អញ្ចឹង​ដែរ។

ចំពោះ​ការ​ប្រើ​ប្រាស់​ Camera​ សម្រាប់​ការថត​រូប​ Food and Product ​លោក​ វ៉ាន់ថា បាន​ណែ​នាំ​ឲ្យ​ប្រើ​ប្រាស់​ Camera ​ប្រភេទ​ DSLA ព្រោះ​វាងាយ​ស្រួល​នៅក្នុង​ការ​ផ្លាស់​ប្ដូរ Lance។ ​ព្រោះថា​ Lance ផ្សេង​​គ្នា​ធ្វើឲ្យ​យើង​បង្កើត​នៅទិដ្ឋ​ភាព​ផ្សេង​គ្នា​តាម​នឹង​ដែរ។ ​មួយ​វិញ​ទៀត​ DSLA​ ជួយ​ឲ្យ​យើង​​ផ្លាស់​ប្ដូរ​ Feeling ​ទៅ​តាម​ដែល​យើង​ចង់​បាន។

ដូច្នេះ​មិន​មែន​អត់​មាន​ Camera DSLA ​យើង​ថត​មិន​បាន​នោះ​ទេ ​គឺមក​ពីការថត​រូបបែប ​Food and Product ​នេះ​គឺវា​តម្រូវ​ទៅតាម​ Feeling ​និង ​ពន្លឺ។ ​ដូច្នេះ​បើ​យើង​រៀប​ចំប្លង​ទាំង​ពីនេះ​ត្រូវ​ទោះ​បីយក​ទូរស័ព្ទ​ថត​ក៏​ស្អាត​ដែរ៕

អត្ថបទគួរចាប់អារម្មណ៍