The Phnom Penh Post Search

Search form

​នូ​វែ​ល​សេ​ឡង់​ ក្លាយជា​ទិសដៅ​សិក្សា​ដ៏​ពេញនិយម​មួយ​សម្រាប់​ សិស្ស-​និស្សិត​កម្ពុជា

Content image - Phnom Penh Post

​នូ​វែ​ល​សេ​ឡង់​ ក្លាយជា​ទិសដៅ​សិក្សា​ដ៏​ពេញនិយម​មួយ​សម្រាប់​ សិស្ស-​និស្សិត​កម្ពុជា

ភ្នំពេញៈ ស្ថាប័ន​អប់រំ ១៤ មកពី​ប្រទេស​ នូវែ​ល​ហ្សេ​ឡង់​​ នឹងធ្វើ​ដំណើរ​មក​ទីក្រុង​ភ្នំពេញ ដើម្បី​ចូលរួម​ពិ​ព័​ណ៍​ពី​ការសិក្សា​នៅ​​នូ​វែ​ល​សេ​ឡង់​ ​រៀបចំ​ជា​លើក​ទី៦ដោយ​ស្ថាប័ន ​IDP Education នៅ​ថ្ងៃទី ២៨ ខែ​មីនា ឆ្នាំ ២០១៨ នៅ​សណ្ឋាគារ​សូ​ហ្វី​តែ​ល​ភ្នំពេញ​ ខាងមុខនេះ​ចាប់ពី​ម៉ោង ៩ ព្រឹក​ដល់​ម៉ោង ៤ ល្ងាច។ការចូលរួម​ពិ​ព័​ណ៍​នេះ​មិនមាន​ការគិតថ្លៃ​ឡើយ។

ពិ​ព័​ណ៍​ពី​ការសិក្សា​នៅ​​នូ​វែ​ល​សេ​ឡង់​​នេះ ​ផ្តល់​ជា​វេទិកា​ដ៏​ល្អ​បំផុត​សម្រាប់ សិស្ស​និស្សិត និង អាណាព្យាបាល ធ្វើ​ការជួប​ផ្ទាល់​ជាមួយ សាលា សាកលវិទ្យាល័យ និង ស្ថាប័ន​អប់រំល្បីៗមកពី ទូទាំងប្រទេស​​នូ​វែ​ល​សេ​ឡង់​ ​ចាប់ពី​ថ្នាក់ វិទ្យាល័យ ថ្នាក់​ប​ចេ្ច​ក​ទេស ឧ​ត្ត​មសិ​ក្សា និង ថ្នាក់ ក្រោយ​ឧ​ត្តមសិ​ក្សា​ផងដែរ។

ស្ថាប័ន​អប់រំ របស់​ប្រទេស​​នូ​វែ​ល​សេ​ឡង់​ ទាំងនេះ​នឹង ធ្វើការ​ណែនាំ​អំពី​ជម្រើស​សិក្សា ​និង ​ស្វែងយល់​អំពី​លទ្ធផល​កម្មវិធី​ដែល​រួមបញ្ចូល​ទាំង​ជម្រើស​អាជីព ​បន្ទាប់ពី​បញ្ចប់​ការសិក្សា។ បន្ថែម​ពីនេះ​ទៀត​សិស្ស​និស្សិត​អាច​ស្វែងយល់​តម្រូវការ​ចុះឈ្មោះ​ចូលរៀន​ព័ត៌មាន​អំពី​អាហារូបករណ៍​និង ការដាក់​ពាក្យសុំ​ទិដ្ឋាការ​ទៅ​ប្រទេស​ណូ​វែ​ល​ហ្សេ​ឡង់។

អគ្គនាយក​ប្រចាំ​ប្រទេស​កម្ពុជា​របស់​ស្ថាប័ន ​IDP/ACE លោក ​ម៉ៅ​ ស្រេង​ បាន​មានប្រសាសន៍ថា៖ ‍«ពិ​ព័​ណ៍​ពី​ការសិក្សា​នៅ​ណូ​វែ​ល​ហ្សេ​ឡង់​នេះ​គឺជា​វេទិកា​ដ៏​ល្អ​មួយ​សម្រាប់​និស្សិត​កម្ពុជា​ពិចារណា​ការសិក្សា​នៅ​បរទេស។ សិស្ស​និស្សិត​កម្ពុជា​ កាន់តែច្រើនឡើងៗកំពុង​ទទួលស្គាល់​តម្លៃ​នៃ​ការសិក្សា​នៅ​បរទេស​ដើម្បី​ផ្តល់នូវ​អត្ថប្រយោជន៍​ប្រកួតប្រជែង​ក្នុង​អាជីព​ការងារ របស់​ពួកគេ​ហើយ​នៅពេល ដែល​ប្រទេស​កម្ពុជា បន្ត អភិវឌ្ឍ​សេដ្ឋកិច្ច​និង​ធ្វើ​សមាហរណកម្ម​កាន់តែច្រើន​ជាមួយ​អាស៊ាន​ការទទួលបាន​ការអប់រំ​លំដាប់​ពិភពលោក​ពី​ប្រទេស​នូ​វែ​ល​សេ​ឡង់​អាចជា​ទ្រព្យ​ដ៏​មាន​សារៈសំខាន់​មួយ​សម្រាប់​សិស្ស​និស្សិត​កម្ពុជា​ក្នុងការ​ប្រកួតប្រជែង​ក្នុង​ទីផ្សារការងា​រ»។

មន្ត្រី​មណ្ឌល​ប្រលង IELTS ប្រចាំ​ប្រទេស​កម្ពុជា ក៏​នឹង​ត្រៀមខ្លួន ផ្តល់ ប្រឹក្សា​ពី ការចុះឈ្មោះ​ប្រលង និង​ការ​ត្រៀមប្រលង​ ​IELTS។

ដោយឡែក មជ្ឈមណ្ឌល​អូ​ស្រា្ត​លី​សម្រាប់​ការបណ្តុះបណ្តាល (ACE) ក៏​នឹងមាន​វត្តមាន​ក្នុង​កម្មវិធី​នេះ ដើម្បី​ផ្តល់នូវ​ព័ត៌មាន​ទាក់ទង​នឹង​ការសិក្សា​ភាសា​អង់គ្លេស​ដើម្បី​ត្រៀមខ្លួន​បំពេញ​លក្ខខណ្ឌ​តម្រូវ​របស់​ស្ថាប័ន​អប់រំ​​នូ​វែ​ល​សេ​ឡង់។

Content image - Phnom Penh Post

ប្រធាន​ផ្នែក​ទំនាក់ទំនង​សិស្ស​និស្សិត​ទៅ​សិក្សា​នៅក្រៅ​ប្រទេស​លោក​ឈាង​វ៉ាន់​តាក់​បាន​មាន​ប្រសា​ស​ន៌​ថា៖ «យើង​ផ្តល់​ការប្តេជ្ញាចិត្ត​យ៉ាង​មុតមាំ​ក្នុង​ការផ្តល់​សេវាកម្ម​ដ៏​ល្អ​បំផុត​សម្រាប់​សិស្ស​និស្សិត​និង​អាណាព្យាបាល»។

លោក​បាន​មាន​ប្រសា​ស​ន៌​បន្ថែមថា៖ «គ្រឹះស្ថាន​អប់រំ​លំដាប់ថ្នាក់​ពិភពលោក​របស់​ប្រទេស​ណូ​វែ​ល​ហ្សេ​ឡង់​ដែល​ត្រូវបាន គេទទួលស្គាល់​ជា​អន្តរជាតិ ហើយ​មានកេរ្តិ៍ឈ្មោះ​ថា​ជា​ប្រទេស​ដែល​សុវត្ថិភាព​ក្នុងកា​រស់នៅ​និង​មាន​បរិយាកាស​សិក្សា​ល្អ​ជាមួយ​វប្បធម៌​ចំរុះ​ជា​ជម្រើស​ដ៏​ល្អ​ក្នុង​ការសិក្សា​សម្រាប់​សិស្ស​និស្សិត។ សិស្ស និស្សិត​អាចធ្វើ​ការ​ក្រៅ​ម៉ោង​ខណៈពេលដែល​សិក្សា​នៅ​ប្រទេស​​​នូ​វែ​ល​សេ​ឡង់»។

​នូ​វែ​ល​សេ​ឡង់ ​ត្រូវបាន​ក្លាយជា​គោលដៅ​ដ៏​ពេញនិយម​មួយ​សម្រាប់​សិស្ស​និស្សិត​កម្ពុជា ​ដើម្បី​បន្ត​ការសិក្សា​ជា​រៀងរាល់ឆ្នាំ៕

អត្ថបទគួរចាប់អារម្មណ៍

  • អាជ្ញាធរ​ហាម​កប់​សព ឬ​ធ្វើ​ម៉ុង​នៅ​តាម​ជើងភ្នំ​ស្វាយ

    បន្ទាយមានជ័យៈ អាជ្ញាធរ​ខេត្ត​បន្ទាយមានជ័យ​បាន​ចេញ​បម្រាម​មិន​ឲ្យ​មាន​ការ​សាងសង់​ផ្នូរ​កប់​សព ធ្វើ​ចេតិយ​ ឬ​ធ្វើ​ម៉ុង​នៅ​តាម​ជើងភ្នំ​ស្វាយ​ក្នុង​ក្រុង​សិរីសោភ័ណ​ទៀត​ឡើយ ដោយសារ​តែ​វា​ធ្វើឲ្យ​ខូច​ដល់​សោភណភាព​ភ្នំ​ធម្មជាតិ​ដែល​ជា​ទី​ទៅ​កម្សាន្ត​សម្រាប់​ភ្ញៀវទេសចរ​ជាតិ និង​អន្តរជាតិ​។ ការសម្រេច​នេះ​ត្រូវ​បាន​ធ្វើ​ឡើង​នៅក្នុង​កិច្ចប្រជុំ​មួយ​នៅ​សាលាខេត្ត​កាលពី​ថ្ងៃទី​ ១៤ ខែ​សីហា​ឆ្នាំ​ ២០១៨​។

  • ចិន​នឹង​បញ្ជូន​ក្រុម​អ្នកចរចា​ទៅ​អាមេរិក

    ក្រុងប៉េកាំងៈ ក្រសួង​ពាណិជ្ជកម្ម​ចិន​បាន​ឲ្យ​ដឹង​កាលពី​ថ្ងៃ​ព្រហស្បតិ៍​ថា ចិន​នឹង​បញ្ជូន​អ្នកចរចា​ជាន់​ខ្ពស់​ទៅ​សហរដ្ឋអាមេរិក​នៅ​ចុង​ខែ​សីហា​នេះ ដើម្បី​បន្ត​ការចរចា​ពាណិជ្ជកម្ម​ឡើង​វិញ ដែល​ជា​កិច្ចប្រជុំ​សាធារណៈ​លើកដំបូង​ក្នុង​រយៈពេល​ជាច្រើន​សប្ដាហ៍​ទាក់ទង​នឹង​ប្រធានបទ​នេះ ខណៈ​ជម្លោះ​ពាណិជ្ជកម្ម​មាន សភាព​កាន់តែ​ខ្លាំង​ឡើង​។

  • បរទេស​ និង​ខ្មែរ​ ៥៣ ​នាក់​ត្រូវ​បាន​ចាប់​ខ្លួន​ពាក់ព័ន្ធ​នឹង​គ្រឿងញៀន

    ព្រះសីហនុៈ ជនបរទេស និង​ខ្មែរ​ចំនួន​ ៥៣ ​នាក់​ត្រូវ​បាន​ចាប់ខ្លួន​កាលពី​ម្សិលមិញ​នៅក្នុង​សង្កាត់​លេខ​ ៤ ក្រុង​ព្រះសីហនុ​ពេល​កំពុង​ប្រព្រឹត្ត​បទល្មើស ជួញដូរ និង​ប្រើប្រាស់​គ្រឿងញៀន​នៅក្នុង​រង្គសាល​ស្កាយឡាញ​ ១ ​កន្លែង​។

  • CPP ការពារ​លទ្ធផល​បោះឆ្នោត ហើយ​ថា​រាល់​ការរិះគន់​គឺជា​ការប្រមាថ​ប្រជាជន​កម្ពុជា​យ៉ាង​ធ្ងន់ធ្ងរ

    ភ្នំពេញៈ បន្ទាប់ពី​ទទួល​បាន​ជ័យជម្នះ​ក្ដោប​ក្ដាប់​យក​អាសនៈ​ទាំង​ ១២៥ នៅក្នុង​រដ្ឋសភា មន្ត្រី​ជាន់ខ្ពស់​នៃ​គណបក្ស​ប្រជាជន​កម្ពុជា​កាលពី​ម្សិលមិញ​បាន​ចេញ​មុខ​នៅ​ចំពោះ​ប្រព័ន្ធ​ផ្សព្វផ្សាយ​ជាតិ និង​អន្តរជាតិ​ដើម្បី​ការពារ​ជ័យជម្នះ​ដែល​ទទួល​បាន​ពី​ការបោះឆ្នោត​កាលពី​ថ្ងៃទី​ ២៩ ខែ​កក្កដា​កន្លង​មក​នេះ ហើយ​ក៏​បាន​វាយបក​ធ្ងន់ៗ​ប្រឆាំង​បណ្ដា​ប្រទេស​ប្រជាធិបតេយ្យ​ខ្លះ និង​អតីត​គណបក្ស​ប្រឆាំង​ដែល​រិះគន់​ខ្លួន​ថា​បាន «​ប្រមាថ​យ៉ាងធ្ងន់ធ្ងរ​» ដល់​ឆន្ទៈ​ប្រជាជន​កម្ពុជា ហើយ «​ឧបាយកល​ដ៏ពិសពុល​» របស់​ពួកគេ​បាន​ទទួល​បរាជ័យ​ជា​អ្វី​ដែល​អតីត​មន្ត្រី​ជាន់ខ្ពស់​គណបក្ស​ប្រឆាំង និង​អ្នកវិភាគ​ជំទាស់​។