The Phnom Penh Post Search

Search form




Logo of Phnom Penh Post newspaper Phnom Penh Post - ពិព័រណ៌​កុមារ​ឆ្នាំនេះ ​មាន​ការ​ប្រកួត​ជើងឯក​អក្សរ​សាស្រ្ដ ​បើក​វចនានុក្រុម​ខ្មែរ ​និង​តែង​កំណាព្យ

ពិព័រណ៌​កុមារ​ឆ្នាំនេះ ​មាន​ការ​ប្រកួត​ជើងឯក​អក្សរ​សាស្រ្ដ ​បើក​វចនានុក្រុម​ខ្មែរ ​និង​តែង​កំណាព្យ

Content image - Phnom Penh Post

ពិព័រណ៌​កុមារ​ឆ្នាំនេះ ​មាន​ការ​ប្រកួត​ជើងឯក​អក្សរ​សាស្រ្ដ ​បើក​វចនានុក្រុម​ខ្មែរ ​និង​តែង​កំណាព្យ

ភ្នំពេញៈ​ ក្រុមហ៊ុន ​អនុស្សា គាំទ្រ​ដោយ​ក្រសួង​ពាណិជ្ជកម្ម និង​ឧបត្ថម្ភ​ធំ​ដោយ​ក្រុមហ៊ុន ​ស្តារអូតូ​ខេមបូឌា​ បាន​រៀប​ចំ​កម្មវិធី ​ពិព័រណ៍​កុមារ និង​គ្រួសារ​លើក​ទី ៤​ ដែល​នឹង​ធ្វើ​ឡើង​នៅ​ថ្ងៃ​ទី ​១៧-១៨ ខែ​មិថុនា​ នៅ​អគារ​ពិព័រណ៍​កោះ​ពេជ្រ ​ខណៈ​ពិព័រណ៌ឆ្នាំនេះ មាន​ប្រកួត​ជ្រើស​រើស​ «ជើង​ឯក​អ្នក​អក្សរ​សាស្ត្រ​វ័យ​ក្មេង​» និង​ កម្ម​វិធី​ប្រកួត​ជាច្រើន​ទៀត ​ដើម្បី​ស្វែង​រក​ទេព្យ​កោសល្យ​ពិត​របស់​កុមារ ។

លោក ​សេង ​ពិសិដ្ឋ ​នាយក​ប្រតិបត្ដិ​ក្រុមហ៊ុន​អនុស្សា ​បាន​ប្រាប់​ LIFT-យុវវ័យ ​ឲ្យ​ដឹង​ថា ​ការ​បង្កើត​ពិព័រណ៌​នេះ​ ដើម្បី​ជំរុញ​ភាព​ក្លាហាន និង​ជា​ថ្នាល​សម្រាប់​អភិវឌ្ឍ​ចំ​ណេះ​ដឹង ​និង​ថែរក្សា​អក្សរ​សាស្ត្រ​ខ្មែរ​ ក៏​ដូចជា​បណ្ដុះ​ស្មារតី​ប្រកួត​ប្រជែង​របស់​កុមារ​កម្ពុជា​ឲ្យ​កាន់តែ​មាន​ភាព​ខ្លាំងក្លា​។

លោក​​បន្ដ​ថា «ម៉ែឪឥឡូវ​គ្មាន​អ្នកណា​គេ​សូវ​ចេះ​ខ្មែរ​ទេ អញ្ចឹង​ពិព័រណ៌​នេះ​ ក៏​ដើម្បី​ចូលរួម​រំលឹក​ដល់​ពួកគាត់​បន្តិច​ដែរ។ បើ​យើង​មើល​នៅ​លើ​បណ្ដាញ​សង្គម​ហ្វេសប៊ុក​វិញ មាន​ ៩.៩៩ ភាគរយ​ហើយ​ដែល​សរសេរ​ខ្មែរ​ខុស ហើយ​អ្នក​ណា​ជាអ្នក​បន្ដ​វេន​ គឺកូន​ខ្មែរ​យើង​»។

លោក​បាន​ឲ្យ​ដឹង​ទៀត​ថា ​នៅ​ក្នុង​ពិព័រណ៌​នេះ​ ក្រៅ​ពី​ការ​ប្រកួត​ជ្រើសរើស​ ជើង​ឯក​អ្នក​អក្សរសាស្ត្រ​វ័យ​ក្មេង​ក៏​មាន​ការ​ប្រកួត​ជា​ច្រើន​ប្រភេទ​ទៀត​ ដែល​មាតាបិតា​ទាំង​អស់ ​មាន​ឱកាស​ឲ្យ​បុត្រ​ធីតា​ដ៏​ឆ្លាតៗ​ របស់​ខ្លួន​បញ្ចេញ​សមត្ថភាព​ និង​ទេព​កោសល្យ​របស់​ពួកគេ ​តាម​រយៈ​ការ​ប្រកួត​សូត្រ​កំណាព្យ ​និយាយ​រឿង​និទាន​សរសេរ​តាម​អាន ប្រកួត​គិត​លេខ និង​បើក​វចនា​នុក្រម​ខ្មែរ​ជាដើម ​។

កុមារ​ដែល​អាច​ចូលរួម​ប្រកួត​បាន​ ត្រូវ​មាន​អាយុ​​ច្រើន​បំផុត​ត្រឹម​ ១២ ​ឆ្នាំ ​និង​ដើម្បី​ចូល​រួម​ប្រកួត​នៅ​ក្នុង​កម្ម​វិធី​នេះ​ អាណា​ព្យាបាល​គ្រាន់​តែទៅ​ចូលរួម​ក្នុង​ពិព័រណ៍​កុមារ និង​គ្រួសារ​លើក​ទី ៤​ ហើយ​​ចុះឈ្មោះ​បុត្រ​ធីតា​របស់​លោក​អ្នក​ដែល​ចង់​ឲ្យ​ចូល​រួម​ប្រកួត​ប៉ុណ្ណោះ​៕

អត្ថបទគួរចាប់អារម្មណ៍