The Phnom Penh Post Search

Search form




Logo of Phnom Penh Post newspaper Phnom Penh Post - ព្រឹត្ដិការណ៍​មហោស្រព គីហ្សូណា ក្លាយ​ជា​កម្ម​វិធី​ផ្លាស់​ប្ដូរ​វប្បធម៌​ដ៏​ធំ​រវាង​កម្ពុជា-ជប៉ុន​

ព្រឹត្ដិការណ៍​មហោស្រព គីហ្សូណា ក្លាយ​ជា​កម្ម​វិធី​ផ្លាស់​ប្ដូរ​វប្បធម៌​ដ៏​ធំ​រវាង​កម្ពុជា-ជប៉ុន​

Content image - Phnom Penh Post

ព្រឹត្ដិការណ៍​មហោស្រព គីហ្សូណា ក្លាយ​ជា​កម្ម​វិធី​ផ្លាស់​ប្ដូរ​វប្បធម៌​ដ៏​ធំ​រវាង​កម្ពុជា-ជប៉ុន​

ភ្នំពេញៈ ស្ថាន​ទូត​ជប៉ុន​ រួម​សហការ​ជា​មួយ​មជ្ឈ​មណ្ឌ​សហប្រតិ​បត្ដិ​ការ​កម្ពុជា-ជប៉ុន​ និង​មជ្ឈមណ្ឌល​មូល​និធិ​ជប៉ុន​នៅ​អាស៊ី​ បាន​រៀប​ចំ​ មហោស្រព​គីហ្សូណា​ ជប៉ុន-កម្ពុជា លើក​ទី​៥ ដែល​នឹង​ប្រព្រឹត្ដិ​ទៅ​ចាប់​ពី​ថ្ងៃ​ទី​ ១៨ ដល់ ២១ ខែ​កុម្ភៈ​ ឆ្នាំ ២០១៦ នៅ​មជ្ឈ​មណ្ឌល​សហ​ប្រតិបត្ដិការ​ កម្ពុជា-ជប៉ុន​ ដើម្បី​ផ្តល់​នូវ​ឱកាស​ដ៏​ឥត​ខ្ចោះ​ដល់​​អ្នកចូលរួម​ ជា​គំរូ ​និង​រីករាយ​ជា​មួយ​វប្បធម៌​ជប៉ុន ​ដូចជា​ ការ​សម្តែង​ប្រកប​ដោយ​សិល្បៈ​ ព្រម​ទាំង​ជំរុញ​នូវ​ការ​យល់​ដឹង​អំពី​ប្រទេស​ ជប៉ុន ​កាន់​តែ​ជ្រាល​ជ្រៅ។​

លោក គូម៉ាម៉ារូ​ ឯក​អង្គ​រាជ​ទូត​ជប៉ុន​ប្រចាំ​កម្ពុជា​ បាន​ថ្លែង​ថា៖«​ ឆ្នាំនេះ ​គឺ​ជា​ឆ្នាំ​គម្រប់​ខួប​នៃ​មហោ​ស្រព​គីហ្សូណា​លើក​ទី៥​ ហើយ​នេះ​ជាព្រឹត្តិ​ការណ៍​មួយ​ដ៏ធំ​ប្រចាំ​ឆ្នាំ​ដែល​យើង​កត់​សម្គាល់​ថា​ មាន​វត្ត​មាន​អ្នក​ចូល​រួម​យ៉ាង​ច្រើន​ពីមួយ​ឆ្នាំ​ទៅ​មួយ​ឆ្នាំ។ កាល​ពីឆ្នាំ​ ២០១៥​ មាន​អ្នក​ចូល​រួម​មហោ​ស្រព​នេះ​ប្រមាណ​ជាង​ ១៥ ០០០ នាក់។​ ដោយ​សា​រ ​ការ​ពង្រឹង​យ៉ាង​ឆាប់​រហ័ស​នូវ​ទំនាក់​ទំនង​ទ្វេ​ភាគី​របស់​យើង​ក្នុង​ពេល​បច្ចុប្បន្ន​ យើង​រួម​គ្នា​ទទួល​បាន​នូវ​ភាព​ជោគ​ជ័យ​យ៉ាង​ខ្លាំង​ក្លា​លើ​​វិស័យ​វប្បធម៌​ កីឡា​ បម្លាស់​ប្តូរ​យុវជន​ទាំង​កម្រិត​ថ្នាក់​ជាតិ​ និង​ថ្នាក់​មូល​ដ្ឋាន»។​

មហោ​ស្រព​រយៈ​ពេល​ ៤ ថ្ងៃ​នេះ​ មាន​ព្រឹត្តិ​ការណ៍​វប្បធម៌​ជា​ច្រើន​ត្រូវ​បាន​រៀប​ចំ​ឡើង។ ​ទាំង​នោះ​រួម​មាន​ការ​សម្តែង​របស់​ក្រុម​របាំ​អាវ៉ា​អូដូរី​ ដែល​មាន​ប្រវត្តិ​ ៤០០ ​ឆ្នាំ​មក​ហើយ​ និង​ក៏ជារ​បាំ​ប្រពៃណី​ជប៉ុន​ ដ៏​ល្បី​ល្បាញ​ផង​ដែរ។ ជាពិសេស​សម្រាប់​មហោ​ស្រព​នេះ ​ស្ថាន​ទូត​បាន​អញ្ជើញ​ក្រុម​របាំដ៏​​ល្បីល្បាញ​មក​ពីខេត្ត​តុគឹ​ស៊ីម៉ា ​ប្រ​ទេស​ជប៉ុន​​ ដែល​ជា​តំ​បន់​ ដែល​របាំ​អាវ៉ា​អូដូ​រី​ មាន​ដើម​កំណើត។​​

ក្រុម​រាំ​ស្រ្ទីត​ដេន​លំ​ដាប់​ថ្នាក់​ពិភព​លោក​ចំនួន​២ក្រុម​ក៏ត្រូវ​បាន​អញ្ជើញ​ដោយ​មូល​និធិ​ជប៉ុន។​ ដូច្នះ​ ខ្ញុំ​មាន​សេច​ក្តី​សោម​នស្ស​រីក​រាយ​ដែល​យើង​នឹង​បង្ហាញ​ក្រុម​រាំ​ជប៉ុន​ទាំង​ប្រពៃណី​ និង​ទំនើប​ រួម​ជា​មួយ​និង​កម្ពុ​ជា​នៅ​ក្នុង​កម្ម​វិធី​បើក​ថ្ងៃ​នេះ។​

មាន​ព្រឹត្តិ​ការណ៍​ដ៏គួរ​អោយ​រំភើប​រីក​រាយ​ជា​ច្រើន​ទៀត​ក្នុង​មហោ​ស្រព​នេះ​ដូច​ជា​ការ​ប្រ​គំ​តន្ត្រី​ក្លាស៊ីក​ដោយ​តន្ត្រី​ករ​ជប៉ុន​-កម្ពុជា​ដ៏ល្បីល្បាញ​ ការ​ប្រកួត​សម្លៀក​បំពាក់​ប្រពៃណី​ជប៉ុន​ រៀប​ចំឡើង​ដោយ​បវរកញ្ញា​ជប៉ុន​ កញ្ញា​ហ៊ី​សា​អេ ​អារ៉ៃ​ ការ​ប្រកួត​កំពូល​ជើង​ឯក​ប្រលង​ចម្រៀង​ជប៉ុន​ ការ​បង្ហាញ​ជូន​នូវ​កីឡា​យុទ្ធ​សិល្ប៍ ​ និង​មាន​កម្ម​វិធី​ជា​ច្រើន​ទៀត​។

លោក សុខ អាន រដ្ឋមន្ត្រីនៃទីស្តីការគណៈរដ្ឋមន្ត្រី បាន​មាន​ប្រសាសន៍​ថា៖«​សំរាប់​ខ្ញុំផ្ទាល់​ មហោស្រព​គីហ្សូណា គឺជា​ព្រឹត្ដិការណ៍​ផ្លាស់​ប្ដូរ​បទ​ពិសោធន៍ វប្បធម៌ ដ៏​សំខាន់ ប្រមូល​ផ្ដុំ​នូវ​សិល្បៈ​ករ សិល្បៈ​ការិនី យុវជន និង​យុវនារី ដែល​មាន​ចំណង់​ចំណូល​ចិត្ដរាំ ច្រៀង លេង​តូរ្យ​តន្រ្ដី និង​ភ្លក់​រស់​ជាតិ អាហារ​ផ្សេងៗ​»។

លោក បន្ដ​ថា នេះ​គឺ​ជា​ឱ​កាស​ដ៏​​ល្អ​សម្រាប់​ សិល្បៈករ សិល្បៈ​ការិនី​វ័យ​ក្មេង​ នៃ​ប្រទេស​ទំាង​ពីរ ដែល​មិន​ត្រឹម​តែ​អាច​បញ្ចេញ​ទេព​កោសល្យ របស់​ខ្លួន​ឲ្យ​ទស្សនិកជន​ទស្សនា​ប៉ុណ្ណោះ​ទេ​ ប៉ុន្ដែ​ថែម​ទាំង​ទទួល​បាន​នូវ​អត្ថប្រយោជន៍​ ជា​ច្រើន​ ពី​អន្ដរ​ទំនាក់​ទំនង​វប្បធម៌​នេះ។

លោក​បន្ថែម​ថា «តាម​រយៈ​ការ​ផ្លាស់​ប្ដូរ​បទ​ពិសោធន៍​ដ៏​សម្បូរ​បែប​ ព្រឹត្ដិ​ការណ៌​នេះ​ជួយ​ឲ្យ​យើង​ទាំង​អស់​គ្នា​យល់​កាន់​តែ​ច្បាស់​អំពី​តម្លៃ​នៃ វប្បធម៌​​របស់​យើង​រៀង​ៗ​ខ្លួន​ ដែល​តម្លៃ​ទាំង​នោះ​បាន​វិវត្ដ​តាម​ពេល​វេលា​ដ៏​យូ​លង់​ ក្លាយ​ជា​ធាតុ​ផ្សំ​នៃ​ជីវភាព​ដ៏​រស់​រវើក​ និង​អរិយធម៌​នៃ​ប្រទេស​ទាំង​ពីរ»៕​

អត្ថបទគួរចាប់អារម្មណ៍