The Phnom Penh Post Search

Search form




Logo of Phnom Penh Post newspaper Phnom Penh Post - មហោ​ស្រព​ជាតិ ​វិទ្យា​សាស្ត្រ ​និង​វិស្វ​កម្ម​កម្ពុជា​លើក​ទី ២​​ ធ្វើ​នៅ​តិចណូ​

មហោ​ស្រព​ជាតិ ​វិទ្យា​សាស្ត្រ ​និង​វិស្វ​កម្ម​កម្ពុជា​លើក​ទី ២​​ ធ្វើ​នៅ​តិចណូ​

Content image - Phnom Penh Post

មហោ​ស្រព​ជាតិ ​វិទ្យា​សាស្ត្រ ​និង​វិស្វ​កម្ម​កម្ពុជា​លើក​ទី ២​​ ធ្វើ​នៅ​តិចណូ​

ភ្នំពេញៈ ព្រឹត្ដិការណ៍​មហោស្រព​ជាតិ វិទ្យាសាស្ត្រ ​និង​វិស្វកម្ម​កម្ពុជា​ លើក​ទី ២​ គឺ​ជា​ព្រឹត្តិ​ការណ៍​ជាតិ​ដ៏​ធំ​មួយ​ ប្រារព្ធ​ឡើង​ក្នុង​គោល​បំណង​គាំទ្រ​ និង​លើក​កម្ពស់​ការ​អភិវឌ្ឍ​ធនធាន​មនុស្ស​នៅ​កម្ពុជា​ តាម​រយៈការ​លើក​ទឹក​ចិត្ត​យុវជន ដើម្បី​សម្រេច​ចិត្ត​ជ្រើស​រើស​យក​ការងារ​ទាក់​ទង​នឹង​វិទ្យាសាស្ត្រ បច្ចេក​វិទ្យា​ វិស្វកម្ម​ និង​គណិតវិទ្យា។

ព្រឹត្ដិការណ៍នេះ​នឹង​ប្រព្រឹត្ដ​ទៅ​ចាប់​ពី​ថ្ងៃ​ទី ០៩ ដល់ ១១ ខែ មីនា ឆ្នាំ ២០១៦ (វេលា​ម៉ោង ៩:០០ ព្រឹក-៥:​០០ រសៀល) នៅ​វិទ្យាស្ថាន​បច្ចេក​វិទ្យា​កម្ពុជា​ រាជធានី​ភ្នំពេញ។

មហោ​ស្រព​​ជាតិ​​លើក​​ទី ២​ ស្ដី​ពី​ វិទ្យា​សាស្ត្រ​ និង​​វិស្វកម្ម​កម្ពុជា​ (The​ 2nd​ Cambodia​ Science​ and​ Engineering​ Festival​) ​ត្រូវ​​បាន​​រៀប​​ចំ​ឡើង​​ ក្រោម​កិច្ច​សហការ​រវាង​ក្រសួង​អប់រំ​ យុវជន​ និង​កីឡា ​ដៃ​គូ​អភិវឌ្ឍន៍​ ព្រម​ទាំង​អង្គការ​ជាតិ​ អន្តរជាតិ​ជា​ច្រើន​ ក្នុង​គោល​បំណង​គាំទ្រ ​និង​លើក​កម្ពស់​ការ​អភិវឌ្ឍ​ធន​ធាន​មនុស្ស​នៅ​កម្ពុជា​តាម​រយៈ​ការ​លើក​ទឹក​ចិត្ត​យុវជន​ ឲ្យ​សម្រេច​ចិត្ត​ជ្រើស​រើស​យក​ការ​ងារ​ទាក់​ទង​នឹង​វិទ្យា​សាស្ត្រ​ បច្ចេក​វិទ្យា​ វិស្វ​កម្ម​ និង​គណិត​វិទ្យា។​

យោង​តាម​សេចក្ដី​ប្រកាស់​ព័ត៌មាន​របស់​ក្រសួង​អប់រំ​បាន​ឲ្យ​ដឹង​ទៀត​ថា កម្ម​វិធី​នេះ នឹង​មាន​រៀប​ចំ​សិក្ខា​សាលា ​​ការ​​ធ្វើបទ​បង្ហាញ​ពីវា​គ្មិន​ល្បីៗ ​ដែល​មាន​បទ​ពិសោធន៍​ និង​ជំនាញ​ទាក់​ទង​នឹង​ប្រធាន​បទ​ខាង​លើ ​ការ​តាំង​ពិព័រណ៍​ផ្នែក​វិទ្យា​សាស្ត្រ ​និង​បច្ចេកវិទ្យា ​ព្រម​ទាំង​ការ​សម្តែង​សិល្បៈ​ផង​ដែរ៕

អត្ថបទគួរចាប់អារម្មណ៍