The Phnom Penh Post Search

Search form




Logo of Phnom Penh Post newspaper Phnom Penh Post - មួយ​រយ​​កោដិ​សម្លេង យុទ្ធនាការ​បញ្ចប់​ហិង្សា​លើ​ស្រ្ដី និង​កុមារ​

មួយ​រយ​​កោដិ​សម្លេង យុទ្ធនាការ​បញ្ចប់​ហិង្សា​លើ​ស្រ្ដី និង​កុមារ​

Content image - Phnom Penh Post

មួយ​រយ​​កោដិ​សម្លេង យុទ្ធនាការ​បញ្ចប់​ហិង្សា​លើ​ស្រ្ដី និង​កុមារ​

ភ្នំពេញៈ យុវវ័យ​រាប់ពាន់​នាក់​ ​ភាគ​ច្រើន​ជា​ស្រ្ដី បាន​មក​ចូល​រួម​ធ្វើ​យុទ្ធ​នាការ​ មួយ​រយ​កោដិ​សម្លេង​ ក្នុង​ប្រធាន​បទ «​បញ្ចប់​អំពើ​ហិង្សា​លើ​ស្រ្ដី និង​កុមារ​ គឺ​ជា​ការ​ឲ្យ​តម្លៃ​លើ​ខ្លួន​ឯង​» កាល​ពី​ថ្ងៃ​​អាទិត្យ​ ម្សិល​មិញ​ ដែល​បាន​ប្រារព្ធ​ឡើង​ ២ ​កន្លែង​ នៅ​បរិវេណ​សាកលវិទ្យាល័យ​ភូមិន្ទ​ភ្នំពេញ និង​ស្ដាត​អូឡាំពិក ក្នុង​គោល​បំណង​​​​ដើម្បី​បញ្ចប់​អំពើ​ហិង្សា​លើ​ស្រ្ដី​ និង​កុមារ​។

យុទ្ធ​នាការ​មួយរយ​កោដិ​​សម្លេង​ ធ្វើ​ឡើង​ដើម្បី​អំពាវ​នាវ​ឲ្យ​មាន​សកម្ម​ភាព​​ឆ្លើយ​តប​នឹង​ស្ថិតិ​ដ៏​គួរ​ឲ្យ​បារម្ភ​ដែល​បាន​បង្ហាញ​ឲ្យ​ឃើញ​ថា ស្រ្ដី ១​ នាក់​ក្នុង​ចំណោម​ ៣ ​នាក់​នៅ​លើ​ពិភព​លោក​ កំពុង​រង​នូវ​ការ​វាយ​ដំ ឬចាប់​រំលោភ​នៅ​ក្នុង​ជីវភាព​រស់​នៅ​របស់​ពួកគេ​។

លោក​ស្រី រស់ សុភាព អ្នក​ផ្គួច​ផ្ដើម និង​ជា​នាយិកា​ប្រ​តិ​បត្ដិ​នៃ​អង្គការ​ យេន​ឌ័រ​ និង​អភិវឌ្ឍន៍​ដើម្បី​កម្ពុជា​បាន​និយាយ​ថា៖ «យុទ្ធ​នាការ​ឆ្នាំ​នេះ​មាន​​យុវជន​ចូល​រួម​ច្រើន​ជាង​ឆ្នាំ​មុនៗ ដោយ​ទទួល​បាន​ការ​គាំទ្រ​ និង​ការ​កោត​សរសើរ​ ​ ទោះ​បី​ពួកគាត់​រវល់​ក្នុង​ការ​សិក្សា​ និង​ការ​ងារ​ក៏​​ដោយ​ ក៏​មក​ចូល​រួមដោយ​ស្ម័គ្រ​ចិត្ដ​ក្នុង​សម្មភាព​​នេះ​​ដែរ»។

ដោយ​សព្វ​ថ្ងៃ​នេះ​ ករណី​រំលោភ​សេពសន្ថវៈ ការ​ប្រើ​ប្រាស់​អំពើ​ហិង្សា​លើ​ស្រ្ដី និង​កុមារ​ នៅ​តែ​បន្ដ​កើត​មាន​ក្នុង​ប្រ​ទេស​កម្ពុជា​ កាន់​តែ​សាហាវ​ឡើង​ៗ​ជា​បន្ដ​បន្ទាប់​ឥត​ឈប់​ឈរ​ លោក​ស្រី​បន្ដ​ថា «​ខ្ញុំ​ចូល​រួម​យុទ្ធនាការ​នេះ​ ដើម្បី​ឲ្យ​មនុស្ស​គ្រប់​គ្នា​ដឹង​​អំពី​រឿង​រ៉ាវ​អំពើ​ហិង្សា​ ហើយ​ខ្ញុំ​សង្ឃឹម​ថា ​យើង​ទាំង​អស់​គ្នា​ បញ្ឈប់អំពើ​ហិង្សា​ និង​ការ​រើស​អើង​ លើ​ស្រ្ដី និង​កុមារ​»។

លោក​ស្រី​បញ្ជាក់​ថា យុទ្ធ​នាការ​មួយរយ​កោដិ​សម្លេង​ ​ធ្វើ​សកម្ម​ភាព​ជា​ច្រើន​ដូច​ជា ការ​រំា ពញ្ញាក់​អារម្មណ៍ ការ​ប្រមូល​មូនិធិ​សប្បុរសធម៌ ការ​សម្ភាស៍​តាម​វិទ្យុ ការ​បង្ហោះ​វិដេអូខ្លីតាម​បណ្ដាញ​សង្គម វេទិកា​​ជជែក​ពិភាក្សា​សម្រាប់​និស្សិត​ជាដើម ដែល​កម្ម​វិធី​នេះ​នឹង​ប្រព្រឹត្ដិ​ទៅ​ជា​សាធារណៈ​។

យោង​តាម​ស្ថិតិ ផែន​ការ​សកម្ម​ភាព​ជាតិ ស្ដី​ពី​ការ​ទប់​ស្កាត់​អំពើហិង្សា​លើ​ស្រ្ដី ២០១៤-២០១៨ បាន​ឲ្យ​ដឹង​ថា បុរស​ដែល​បាន​ប្រើ​អំពើ​ហិង្សា​លើ​រូប​រាង​កាយ​ និង​ផ្លូវ​ភេទ​លើ​ដៃ​គូ​ជិត​ស្និត​របស់​ពួក​គេ​ មាន​ចំនួន​​ ៣៥ ភាគ​រយ​ បើ​យោង​តាម​ចំនួន​ការ​​សម្ភាស៍​បុរស និង​ស្រ្ដីចំនួន ១.៨៣១ ​នាក់​។

ទិន្ន​ន័យ​របស់​អង្គការសិទ្ធិមនុស្ស​​អាដ​ហុក​ ដែល​យក​តែ​ករណី​ធ្ងន់​ធ្ងរ​មក​កត់​ត្រា​នៅ​ក្នុង​ឆ្នាំ​ ២០១៥ ​សរុប​មាន​ ១៥០ ករណី និង​ ៦ខែ​​ដើម​ឆ្នាំ​ ២០១៥​ មាន​ ៧៥ ករណី។

​ឆ្លើយ​តប​ទៅ​នឹង​បញ្ហា​ខាង​លើ ​លោក​ស្រី សុភាព​ ថា «​​ស្រ្ដី​ខ្លួន​ឯង​គឺ​ជា​ម្ចាស់​កម្ម​សិទ្ធ​របស់​ខ្លួន​ឯង​ គ្មាន​បុគ្គល​ណា​មក​រំលោភ​បំពាន ឬ​វាយ​ដំ​បាន​ឡើយ​​»៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។