The Phnom Penh Post Search

Search form




Logo of Phnom Penh Post newspaper Phnom Penh Post - លោក សំ កុសល៖ Facebook page កន្លែង​ធ្វើ​ឲ្យ​អាជីវកម្ម​រីក​​ខ្លាំង

លោក សំ កុសល៖ Facebook page កន្លែង​ធ្វើ​ឲ្យ​អាជីវកម្ម​រីក​​ខ្លាំង

Content image - Phnom Penh Post

លោក សំ កុសល៖ Facebook page កន្លែង​ធ្វើ​ឲ្យ​អាជីវកម្ម​រីក​​ខ្លាំង

ភ្នំពេញៈ ​ការ​ផ្សព្វ​ផ្សាយ​ផលិតផល​​តាម​ អ៊នឡាញ និង​បណ្ដាញ​សង្គម (ហ្វេសប៊ុក) ​កំពុង​តែ​ទទួល​បាន​ការ​ចាប់​អារម្មណ៍​ខ្លាំង​ពី​អ្នក​ទិញ​នៅ​ទូទាំង​សកល​លោក។ ការ​ផ្សព្វ​ផ្សាយ​ទាំង​នេះ អាច​ធ្វើ​ឲ្យ​អាជីវកម្ម​រីកលូត​លាស់​យ៉ាង​ឆាប់​រហ័យ ទៅ​ដល់​អតិថិជន​គោលដៅ​ និង​មាន​លក្ខណៈ​​ងាយ​ស្រួល។

គេហទំព័រ​យុវវ័យ LIFT បាន​ធ្វើ​ការ​សម្ភាស​ជាមួយ លោក សំ កុសល និពន្ធ​នាយក​ទស្សនាវដ្ដី​ពាណិជ្ជកម្ម​កម្ពុជា​និង ជា​គ្រូ​ជំនាញ​បង្រៀន​វគ្គខ្លី​ផ្នែក​អាជីវកម្ម ដោយ​លោក​ថ្លែង​​ថា៖ «ការ​ប្រើ​ប្រាស់​បណ្ដញ​សង្គម​ (ហ្វេស​ប៊ុក) វា​មិន​ត្រឹម​តែ​យក​មក​ ដើម្បី​ធ្វើ​ការ​ផ្សព្វ​ផ្សាយ​ប៉ុណ្ណោះ​ទេ ម្យ៉ាង​ទៀត​យើង​អាច​យក​បណ្ដាញ​មួយ​នេះ​ ដើម្បី​កសាង​កេរ្តិ៍​ឈ្មោះ​ក្រុម​ហ៊ុន​មួយ​បាន»។

លោកបន្តថា «​អាជីវកម្ម​មួយ​ចំនួន​ កំពុង​ទទួល​បាន​ជោគជ័យ ​ជាមួយ​នឹង​ការ​ប្រើ​ប្រាស់​បណ្ដាញ​ទំនាក់​ទំនង​សង្គម​មួយ​នេះ​នៅ​ក្នុង​ទីផ្សារ​កម្ពុជា»។

គ្រូ​ជំនាញ​រូប​នេះ ដែល​កំពុង​ទាញ​ប្រយោជន៍​ពី​ទំព័រ​ហ្វេសប៊ុក (Facebook Page) នៃ​ទស្សនាវដ្ដី​ពាណិជ្ជកម្ម​​កម្ពុជា​ បាន​បន្ថែម​ថា ដើម្បី​ទាក់​ទាញ​អតិថិជន​មក​មើល​នៅ​ក្នុង​ទំព័រ​ហ្វេសប៊ុក​ឲ្យ​ច្រើន ក្រុមហ៊ុន​ត្រូវ​គិត​ពី​ការ​រៀបចំ​ព័ត៌មាន​បែប​ណា​ ដើម្បី​​យក​មក​ផ្សព្វផ្សាយ ​​ឲ្យ​ត្រូវ​​ទៅ​នឹង​ប្រភេទ​អាជីវកម្ម​។

លោកថ្លែងថា «ការ​ប្រើ​ប្រាស់​ ទំព័រ​ហ្វេសប៊ុក​​​​កាន់​តែ​ច្រើន​ មាន​ការ​ផ្សព្វ​ផ្សាយ​​​កាន់​តែ​ច្រើន​ នោះ​អ្នក​ចូល​មក​កាន់​ទំព័រ​យើង​ក៏​កើន​ឡើង​កាន់​តែ​ច្រើន​ដែរ​។ ​ផ្ទុយ​មក​វិញ​ បើ​យើង​មិន​បាន​យក​ចិត្ដ​ទុក​ដាក់​​ផ្សព្វ​ផ្សាយ​​នៅ​លើ​វា​ទេ រយៈពេល​តែ​មួយ​សប្ដាហ៍​វា​នឹង​ធ្លាក់​ដល់​បាត​មិន​ខាន ទោះ​បី​ជា​​​ទំព័រ​នោះ​ល្បីល្បាញ​យ៉ាង​ណា​ក៏​ដោយ»។

លោកបញ្ជាក់បន្ថែមថា «ត្រូវ​ចំណាយ​លុយ​ខ្លះ​ទៅ​លើវា ពីព្រោះ​ថា ដំបូង​ទំព័រ​របស់​​យើង​នៅ​មិន​ទាន់​មាន​ការ​ចាប់​អារម្មណ៍​ច្រើន​ពី​អតិថិជន​នៅ​​ឡើយ ដូច្នេះ​យើង​ត្រូវ​ចំណាយ​លុយ​ទៅ​លើ​ការ​ផ្សព្វផ្សាយ​នេះ​បន្ថែម​ក្នុង​រយៈពេល​មួយ​សមរម្យ ​ដែល​អាច​គិត​មាន​អ្នក​ចូល​មក​កាន់​ទំព័រ​របស់​យើង​​​តាម​ដែល​យើង​ចង់​បាន»។

គ្រូ​ជំនាញរូប​នេះ​ពន្យល់​​ថា​៖ «​ទៅ​ថ្ងៃ​អនាគត អាជីវកម្ម​ដែល​មិន​បាន​ផ្សព្វផ្សាយ​តាម​ន្ធ​អ៊ន​ឡាញ​នឹង​ត្រូវ​ប្រឈម​ហានិភ័យ​ខ្លាំង​ ចំ​ណែក​ឯ ​អាជីវកម្ម​ដែល​បាន​​ផ្សព្វផ្សាយ​តាម​អ៊ន​ឡាញ​នឹង​​ធ្វើ​ឲ្យ​កេរ្តិ៍​ឈ្មោះ​របស់​អាជីវកម្ម​មួយ​នោះ​រីក​លូត​លាស់​យ៉ាង​ឆាប់​រហ័ស​នៅ​ក្នុង​ទី​ផ្សារ​»៕

អត្ថបទគួរចាប់អារម្មណ៍

  • កោះកុងៈ កូនអណ្តើក​ហ្លួង​ចំនួន ៣០ ​ក្បាល​បាន​ញាស់​ចេញពី​សម្បុក​នៅលើ​ឆ្នេរ​ខ្សាច់​សិប្បនិម្មិត​ក្នុង​មជ្ឈមណ្ឌល​អភិរក្ស​សត្វ​ល្មូន​ខេត្តកោះកុង កាលពី​សប្តាហ៍​កន្លងទៅ ហើយ​នេះ​គឺជា​លើក​ទី​ ២ ​ហើយ ដែល​អណ្តើក​ហ្លួង​ចិញ្ចឹម​ក្នុង​មជ្ឈមណ្ឌល​នេះ​បាន​ពង​កូន​។ នេះ​បើតាម​អង្គការ​សមាគម​អភិរក្ស​សត្វព្រៃ​នៅ​កម្ពុជា (WCS)​។

  • ភ្នំពេញៈ ការបញ្ចូល​មីក្រូ​សារជាតិ​ក្នុង​អង្ករ គឺជា​ជំហាន​ចម្បង​មួយ​ក្នុងការ​ដោះស្រាយ​បញ្ហា​អាហារូបត្ថម្ភ​ក្នុង​ប្រទេស​កម្ពុជា ដែល​ប្រជាជន​ភាគច្រើន​ទទួលទាន​បាយ ក្នុង​បរិមាណ​ច្រើន​ជា​រៀងរាល់ថ្ងៃ​។ នេះ​បើតាម​មន្ត្រី​ក្រុមប្រឹក្សា​ស្តារ​អភិវឌ្ឍន៍​វិស័យ​កសិកម្ម និង​ជនបទ​។

  • ភ្នំពេញ: ក្នុង​ចំណោម​ភោជនីយដ្ឋាន​ពោរពេញ​ដោយ​សិល្បៈ​ចម្អិន​ម្ហូបអាហារ ការ​គិតគូរ​ពី​និរន្តរភាព​បរិស្ថាន​ភព​ផែន​ដី និង​បង្កប់​រឿង​រ៉ាវ​ប្រពៃណី​វប្បធម៌​ដ៏​អស្ចារ្យ​នៅ​អេស្ប៉ាញ ប៉េរូ​សហរដ្ឋអាមេរិក​ ថៃ ដាណឺម៉ាក​ នូវែលសេឡង់ ចិន ជប៉ុន អ៊ីតាលី និង​ម៉ិកស៊ិក អាហារ​នៅ​​ផ្ទះ​ប្រពៃណី​បុរាណ​មួយ​​​តាម​ដង​ទន្លេ​មេគង្គ

  • ភ្នំពេញៈ ទាំង​អ្នកនយោបាយ អ្នកវិភាគ និង​ស្ថាប័ន​គណៈកម្មាធិការ​ជាតិ​រៀបចំ​ការបោះឆ្នោត​បានចាត់ទុក​ដំណើរការ​ឃោសនា​រក​សំឡេងឆ្នោត ក្នុង​រយៈពេល ៣ ​ថ្ងៃ​របស់​គណបក្ស​នយោបាយ ដែល​បាន​ចុះបញ្ជី​បេក្ខជន​ចូលរួម​បោះឆ្នោត​ជ្រើសរើស​ក្រុមប្រឹក្សាឃុំ សង្កាត់​អាណត្តិ​ទី​ ៥ ដែល​នឹង​ប្រព្រឹត្តទៅ​នៅ​ថ្ងៃទី​ ៥ ខែមិថុនា ថា មាន​ភាពចាស់ទុំ​ផ្នែក​នយោបាយ និង​មិនមាន​អំពើហិង្សា​ណាមួយ​កើតឡើង​នោះ

  • ភ្នំពេញៈ សាលាឧទ្ធរណ៍​ភ្នំពេញ​នៅ​ថ្ងៃទី​ ២៣ ​ឧសភា បានប្រកាស​សាលដីកា​កំបាំង​មុខមន្ត្រី​សមាគម​ការពារ​សិទ្ធិមនុស្ស​អាដហុក​ ៤ ​រូប និង​អតីត​មន្ត្រី​ ១ ​រូប​ទៀត​សម្រេច​តម្កល់​សាលក្រម​របស់​សាលាដំបូង​រាជធានី​ភ្នំពេញ​ដដែល បន្ទាប់ពី​បាន​កាត់ក្តី​ឱ្យ​ពួកគេ​ជាប់ពន្ធនាគារ​ក្នុង​ម្នាក់​ ៥ ​ឆ្នាំ តែ​ឱ្យ​អនុវត្ត​ទោស ​១៤ ​ខែ​ពាក់ព័ន្ធ​បទចោទ​សូកប៉ាន់​សាក្សី និង​សមគំនិត​សូកប៉ាន់​សាក្សី​ដល់​ នាង ខុម ចាន់តារាទី ហៅ​ ស្រីមុំ​។

  • បន្ទាយមានជ័យៈ ក្នុង​មួយ​ថ្ងៃៗ​មាន​ប្រជាពលរដ្ឋ​នៅតាម​ព្រំដែន ជាពិសេស​ពលករ​ខ្មែរ​ពី ​៤០០ ទៅ​ ៥០០​ នាក់​បាន​ទៅ​ស្នើសុំ​ធ្វើ​បណ្ណ​ឆ្លងដែន ដើម្បី​បាន​ចូលទៅ​ធ្វើការ ឬ​លក់ដូរ​ស្របច្បាប់ នៅក្នុង​ប្រទេស​ថៃ បន្ទាប់ពី​ភាគី​ទាំង​ ២​ បាន​ឯកភាព​គ្នា​បើក​ច្រកព្រំដែន​ឡើងវិញ កាលពី​ថ្ងៃទី​ ១ ខែឧសភា ក្នុង​កម្រិត​ថ្នាក់​តំបន់​។