The Phnom Penh Post Search

Search form

សាលា​អន្តរជាតិ ហ្សាម៉ាន់ ​ផ្តល់​រង្វាន់​អាហារូបករណ៍​ជូន​សិស្ស​ឆ្នើម

Content image - Phnom Penh Post
សាលា​អន្តរជាតិ ហ្សាម៉ាន់ ​ផ្តល់​រង្វាន់​អាហារូបករណ៍​ជូន​សិស្ស​ឆ្នើម។ រូបថត សហការី

សាលា​អន្តរជាតិ ហ្សាម៉ាន់ ​ផ្តល់​រង្វាន់​អាហារូបករណ៍​ជូន​សិស្ស​ឆ្នើម

ភ្នំពេញ៖ សាលា​អន្តរជាតិ​ ហ្សាម៉ាន់ បានផ្តល់​​អាហា​រូបករណ៍ដល់​សិស្ស​​ឆ្នើម​ចំនួន ២៣ នាក់​ក្នុង​កម្មវិធី​ប្រគល់​អាហា​រូបករណ៍​ប្រចាំ​ឆ្នាំ កាល​ពី​សប្តាហ៍​មុន​​នៅ​សាកល​វិទ្យាល័យ ហ្សាម៉ាន់ ក្នុង​ខណ្ឌ​ទួលគោក ក្រុង​ភ្នំពេញ។ នេះ​បើ​យោង​តាម​សេចក្តី​ប្រកាស​ព័ត៌មាន។

សិស្ស​ទទួល​អាហារូបករណ៍ ​រួម​មាន​សិស្ស​បួន​រូប​ដែល​ឈរ​នៅ​លំដាប់​ថ្នាក់​ខ្ពស់​ជាង​គេ​ទាំង ១០០ នាក់ ពី​ការ​ប្រឡង​សិស្ស​ពូកែ​សិស្ស​ពីរ​រូប​ដែល​មាន​ចំណាត់​ថ្នាក់​ល្អ​ពី​ការ​ប្រឡង Cambridge Checkpoint Exams សិស្ស​ពីរ​រូប​ពី​សមិទ្ធផល​នៃ​ការ​ប្រឡង Cambridge Checkpoint Exams នៅ​ឆ្នាំ​មុន និង​ពីរ​រូប​ផ្សេង​ទៀត​លើ​ការ​រក្សា​បាន​ចំណាត់​ថ្នាក់​សិក្សា​ល្អ ចាប់​តាំង​ពី​កម្មវិធី​ប្រគល់​អាហា​រូបករណ៍នៅ​ឆ្នាំ​មុន។

លោក ហ្គួរកាន់ ម.ចីល ប្រធាន​គ្រប់​គ្រង​សាលា​អន្តរជាតិ ហ្សាម៉ាន់ បាន​​ស្ញើច​សរសើរ​ និង​ថ្លែង​​ថា៖ «ខ្ញុំ​ស្គាល់​សិស្ស​ទាំង​នេះ។ ពួកគេ​នឹង​បន្ត​ខិត​ខំ​សិក្សា ឥត​ឈប់​ឈរដើម្បី​សម្រេច​នូវ​អ្វី​ដែល​ពួកគេ​ប៉ង​ចង់​បាន នៅ​ខែ ឆ្នាំ ឬ​ទសវត្សរ៍​ក្រោយៗ នា​ថ្ងៃ​អនាគត»។

ក្នុង​ចំណោម​សិស្ស​ទាំង ២៣ នាក់ ដែល​ទទួល​បាន​ការ​បញ្ចុះ​តម្លៃ​លើ​ថ្លៃ​សិក្សា​មាន​សិស្ស ១៣ រូប​ដែល​ទទួល​បាន​និទ្ទេស A ពី​ការ​ប្រឡង​បាក់ឌុប​ដែល​ស្នាដៃ​នេះ​បាន​ផ្តល់​ឱកាស​ឱ្យ​ពួកគេ​បាន​ជួប​ជាមួយ​លោក​នាយក​រដ្ឋ​មន្ត្រី ហ៊ុន សែន​នៅ​សប្តាហ៍​​នេះ​។

លោក​បាន​លើក​ឡើង​ថា ដោយសារ​សាលា​មាន​សិស្ស​ឆ្នើម​ទាំង​នេះហើយ​បាន​ជា​លោក​មាន ​«ទឹក​ចិត្ត»និង​ «ការ​ប្តេជ្ញា​ចិត្ត» ដើម្បី​បន្ត​រក្សា​ស្តង់ដារ​ខ្ពស់​លើ​ការ​អប់រំ៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។