The Phnom Penh Post Search

Search form




Logo of Phnom Penh Post newspaper Phnom Penh Post - អង្គការ​មួយ​ប្រកាស​រើស​និស្សិត ​ធ្វើ​ការងារ​ស្ម័គ្រ​ចិត្ដ​នៅ​ក្រៅ​ប្រទេស​

អង្គការ​មួយ​ប្រកាស​រើស​និស្សិត ​ធ្វើ​ការងារ​ស្ម័គ្រ​ចិត្ដ​នៅ​ក្រៅ​ប្រទេស​

Content image - Phnom Penh Post
​វេទិកា​អ្នក​ស្ម័គ្រ​ជា​សាកល​លើក​ទី​២ ក្រោម​ប្រធាន​បទ យុវជន និង​ការងារ​ស្ម័គ្រ​ចិត្ត​អន្តរជាតិ ដែល​ធ្វើ​ឡើង​កាល​ពី​សប្តាហ៍​មុន នៅ CJCC។

អង្គការ​មួយ​ប្រកាស​រើស​និស្សិត ​ធ្វើ​ការងារ​ស្ម័គ្រ​ចិត្ដ​នៅ​ក្រៅ​ប្រទេស​

ភ្នំពេញៈ អង្គការ​សកម្មភាព​យុជន​កម្ពុជា​ ឬ Cambodia youth Action (CYA) នឹង​​​ផុ្ដល់ឱ​កាស​​ឲ្យ​យុវជន​ កម្ពុជា ចង់​​ចូល​រួម​ធ្វើ​ការ​ងារ​ស្ម័គ្រ​ចិត្ដ​នៅក្នុង​​ប្រទេស​មួយ​ចំនួន​ក្នុង​តំបន់ ​​​អា​ស៊ី​ និង ​អ៊ឺរ៉ុប។ នេះ​បើ​តាម​ការ​ឲ្យ​ដឹង​ពី​លោក ហង់ សុធា ប្រធាន​ផ្នែក​ទំនាក់​ទំនង​ និង​ផ្សព្វ​ផ្សាយ​នៃ​អង្គការ​មួយ​នេះ​ ក្នុង​វេទិកា​អ្នក​ស្ម័គ្រ​ជា​សាកល​លើក​ទី​២ ក្រោម​ប្រធាន​បទ យុវជន និង​ការងារ​ស្ម័គ្រ​ចិត្ត​អន្តរជាតិ ដែល​ធ្វើ​ឡើង​កាល​ពី​សប្តាហ៍​មុន នៅ CJCC។

CYA គឺជា​អង្គការ​មួយ ​ធ្វើ​ការ​ងារ​ទៅ​លើ​សកម្ម​ភាព​ ៣ ​យ៉ាង​សំខាន់​គឺ ការ​អប់រំ បរិស្ថាន និង​អភិវឌ្ឍន៍​សហគមន៍។ យុវជន​ដែល​មាន​បំណង​ចង់​ធ្វើ​ការងារ​ស្ម័គ្រចិត្ត​នៅ​ក្រៅ​ប្រទេស​នេះ តម្រូវ​ឲ្យ​ធ្វើ​ការ​ស្ម័គ្រ​ចិត្ត ជាមួយ​នឹង អង្គការ​ក្នុង​ស្រុក​មួយ​នេះ​សិន។

លោក ហង់ សុធា ​ប្រាប់ LIFT ថា៖ «យុវជន​អាចចូលរួម​ទៅ​ធ្វើ​ការ​ងារ​នេះ​បាន​ គឺ​តម្រូវ​ឲ្យ​ពួក​គាត់​ចេះ​​ភាសា​អង់​គ្លេស​អាច​ប្រើ​ការ​បាន និងធ្លាប់​មាន​បទ​ពិសោធន៍​ក្នុង​ការ​ងារ​ស្ម័គ្រ​ចិត្ដ​ជា​មួយ​ CYA យ៉ាង​ហោច​ណាស់​​ម្ដង និង​ជាពិសេស​ ចិត្ដ​ចង់​ធ្វើ​ការ​ងារ​ស្ម័គ្រ​ចិត្ដ​របស់​ពួក​គាត់​ដល់​កម្រិត​​ណា»​។

លោក សុធា បន្ត​​ថា «CYA ​ចង់​ឲ្យ​មនុស្ស​នៅ​ជុំ​វិញ​ពិភពលោកមក​ជួប​ជុំ​គ្នា​ធ្វើ​ការ​រួម​គ្នា​ ដើម្បី​ចែក​រំលែក​បទ​ពិសោធន៍ ចំណេះ​ដឹង​ និង​អ្វី​ដែល​ថ្មី ដើម្បី​ចូល​រួម​​ដោះ​ស្រាយ​បញ្ហា​នៅ​ជុំ​វិញ​ពិភព​លោក​ជា​មួយ​គ្នា​។ មួយ​វិញ​ទៀត​ចង់​ឲ្យ​យុវជន​ខ្មែរ​ទទួល​បានចំណេះ​ដឹង និង​ការ​​សិក្សា​អ្វី​ដែល​ថ្មី​ៗ ដើម្បី​ផ្លាស់​ប្ដូរ​បទ​ពិសោធន៍​ជា​មួយ​យុវជន​នៅ​ទូទាំង​ពិភព​លោក​»៕

អត្ថបទគួរចាប់អារម្មណ៍