The Phnom Penh Post Search

Search form




Logo of Phnom Penh Post newspaper Phnom Penh Post - អង្គការ​ AIP ប្ដេជ្ញា​ កាត់​បន្ថយ​គ្រោះថ្នាក់​ចរាចរណ៍​ដល់​ប្រជាជន​កម្ពុជា

អង្គការ​ AIP ប្ដេជ្ញា​ កាត់​បន្ថយ​គ្រោះថ្នាក់​ចរាចរណ៍​ដល់​ប្រជាជន​កម្ពុជា

Content image - Phnom Penh Post
សិស្សានុសិស្ស សាលាបឋមសិក្សា​ ប៊ុន រ៉ានី ហ៊ុនសែន អង្គសេរី​ ទទួលបានមួក​សុវត្ថិភាពពី អង្គការ​ AIP កំពុងអនុវត្ដន៍​ការដើរឆ្លង​ថ្នល់​ក្នុង​សាលា​ពួក​គេ។ រូបថត​ដោយ​ វ៉ន ដារ៉ា

អង្គការ​ AIP ប្ដេជ្ញា​ កាត់​បន្ថយ​គ្រោះថ្នាក់​ចរាចរណ៍​ដល់​ប្រជាជន​កម្ពុជា

ព្រះសីហនុសិស្សា​នុសិស្ស​និង​ប្រជា​ពលរដ្ឋជាង​ ៦ ម៉ឺន​នាក់​ តាម​បណ្ដា​​ខេត្ដ​ក្រុងនានា​​នៅ​ទូទាំង​ប្រទេសកម្ពុជា បាន​ទទួល​នូវ​ការ​អប់​រំ ពីច្បាប់​ចរាចរណ៍ និង​មួក​សុវត្ថិភាព​ចរាចរណ៍​​ពី​ អង្គការ​មូលនិធិ​បង្ការ​របួសអាស៊ី (AIP​ Foundation) ប្រចាំ​កម្ពុជា​នៅ​ក្នុង​ពេល​ជិត​ ១០ ​ឆ្នាំ​មក​នេះ​។

លោក​ គឹម​ បញ្ញា នាយក​អង្គការ​មូល​និធិ​បង្ការបួស​អាស៊ី​ ប្រចំា​កម្ពុជា​ ​បាន​ប្រាប់​មក​គេហ​ទំព័រ យុវវ័យ LIFT នៃ​កាសែត​ភ្នំ​ពេញ​បុស្ដិ៍​ថា៖ «​គិត​ចាប់​តាំង​ពី​ឆ្នាំ​ ២០០៦ ​មក​អង្គការ​យើង បាន​យក​ចិត្ដ​ទុក​ដាក់​ខ្លាំង​ទៅ​លើ​ការ​អប់​រំ​អំពី​សុវត្ថិភាព​ចរាចណ៍​ ហើយ​យើង​បាន​ចែក​ចាយ​មួក​សុវត្ថិភាព​ និង​ផ្ដល់​ការ​អប់​រំ​ដល់​ប្រជា​ពលរដ្ឋ​ ជា​ពិសេស ​សិស្សា​នុសិស្ស​នៅ​តាម​បណ្ដា​ខេត្ដ​ក្រុងនានា​ទូទាំង​ប្រទេស​»។

ចាប់​ផ្ដើម​ធ្វើ​សកម្មភាព​នេះ​ចន្លោះ​ពី​ ៥ ទៅ ១០ ខេត្ដ​ក្រុង​ទូទាំង​ប្រទេស​កម្ពុជា ​ដោយ​ផ្ដោត​សំខាន់​ទៅ​លើ​ ៣ ​ខេត្ដ​ក្រុង ដូច​ជា ភ្នំពេញ​ កណ្ដាល​ និង​កំពង់​ស្ពឺ ​និង​ផ្ដោត​ទៅ​លើ​​កម្មវិធី ៣ ​​សំខាន់​ៗ ​គឺ​ ទី១ កម្ម​វិធីអប់រំ​តាម​គ្រឹះស្ថាន​សិក្សា ទី២ កម្មវិធី​ទំនាក់ទំនង​ដើម្បី​ផ្លាស់​ប្ដូរឥរិយាបទ និង​ទី៣​ កម្មវិធី​លើក​កម្ពស់​បរិយាកាស​អំណោយ​ផល​។

លោក​ បញ្ញា បន្ត​​​ថា «យើង​ធ្វើការ​នេះ​ទៅ​លើ​សាធារណៈជន​ទូទៅ ប៉ុន្ដែក្នុង​ហ្នឹង​យើង​ចាប់​អារម្មណ៍​ទៅ​លើ​អ្នក​បន្ដវេន​ឬក៏​ទំពាំង​ស្នង​ឬស្សី​របស់​យើង​ជាចំបង (សិស្សានុសិស្ស​នៅ​តាម​បឋម​សិក្សា​ និង​សិស្ស​វិទ្យាល័យ​)»។

លោក​បាន​បន្ថែមទៀត​ថា៖ «អង្គការ​យើង​បាន​ធ្វើការ ដោយ​ផ្ដោត​ខ្លាំង​ទៅ​លើ​សាលា​បឋម​សិក្សា​ និង​​មាន​​ការ​ផ្ដល់​មួក​ដោយ​ឥត​គិត​ថ្លៃ​ ការ​បណ្ដុះ​បណ្ដាល​ ផ្ដល់​សារ​អប់រំ​ ការ​ផ្សព្វ​ផ្សាយ​តាម​រយៈ​ប្រព័ន្ធ​ផ្សព្វផ្សាយ​ផ្សេង​ៗ និង​បាន​សហការ​យ៉ាង​ជិត​ស្និត​ជាមួយ​នឹង​ស្ថាប័ន​ពាក់​ព័ន្ធនានា​​»។

លោក​ មៀច សំអៀន មន្រ្ដីទទួល​បន្ទុកជំនួយ​ការ​​បច្ចេកទេស ​ឃុំ កែវ​ឧត្ដម ​នៅ​ក្នុង​ខេត្ដ​កំពង់​ស្ពឺ ​បាន​និយាយថា៖ «​កាលពីមុន​ ប្រជាពលរដ្ឋ​ដែល​យល់​ដឹង​ និងពាក់មួក​សុវត្ថិភាព​​នៅ​ក្នុង​ភូមិ​នេះ​ មិន​សូវ​មាន​ទេ តែ​ដល់​ពេល​អង្គការ ​AIP បាន​ចុះ​មក​អប់​រំអំពី​ការ​អនុវត្ដន៍​ច្បាប់​ចរាចណ៍​និង​ផ្ដល់​មួក​សុវត្ថិភាព ​ឥលូវ​នេះ​​ប្រជា​ពល​រដ្ឋ​យើង​យល់​ដឹង​បាន​ជាង​ ៥០ ​ភាគរយ​ហើយ​»។

មាន​ប្រជា​ជនតែ​ជាង ​៤០០​នាក់​ប៉ុណ្ណោះ​ បើ​គិត​ជា​គ្រួ​សារ​ចំនួន ​៨០ គ្រួ​សារ​នៅ​ក្នុង​ភូមិ​នេះ​ ប៉ុន្ដែ​​នៅ​ក្នុង ​១ ថ្ងៃ​ គ្រោះ​ថ្នាក់​ចរាចណ៍​អាច​កើត​មាន​ចាប់​ពី ​៤ ទៅ ៥ ​ករណី។ នេះ​បើ​តាម​ការ​ឲ្យ​ដឹង​ពី​លោក​ មៀច សំអៀន​។

គួរបញ្ជាក់​ដែរ​ថា ការ​អនុវត្ដច្បាប់​ចរាចរណ៌​ថ្មី​ដែល​មាន​លក្ខណៈ​តឹង​រឹង​ជាង​មុន ​នឹង​ត្រូវ​អនុត្ដន៍​ចាប់​ពី​ថ្ងៃ​ទី​ ១ ខែ​មករា ឆ្នាំ​ ២០១៦​នេះ​តទៅ​។

លោក​ គឹម​ បញ្ញា សង្កត់​ធ្ងន់​ថា ​​បញ្ហា​ចរាចណ៍​ គឺជា​បញ្ហាមួយ​ដែល​មាន​លក្ខណៈ​យូអង្វែង​ ដូច្នេះ​អង្គការ​ AIP នឹង​ធ្វើការ​បណ្ដុះបណ្ដាល​ទៅលើ​គោលដៅស្នូល​ ដូចជា​ក្រុម​កុមារ​ទំពាំង​ស្នង​ឬស្សី​ដើម្បី​ឲ្យ​ពួក​គាត់​បាន​យល់​កាន់​តែ​ច្បាស់​លើបញ្ហានេះ យើង​នឹង​ធ្វើ​វា​ចាប់​ពី​ ៥ ទៅ ១០ ឆ្នាំ​ទៅ​មុខទៀត​ក្នុង​ការ​អនុវត្ដ​ផែន​ការ​នេះ​៕

អត្ថបទគួរចាប់អារម្មណ៍